البارت الاول
°°في قصر "عائلة الحسينى" وهى عائلة صاحبة شركة من اكبر شركات تنظيم الحفلات°°
°°في النادي قاعدين "ملك يوسف الحسيني" و صاحبتها المقربة "مريم محمد" في الكفيتريا °°
مريم:مالك يا بنتي متعصبه كده ليه م الصبح
ملك بعصبيه:آدم آدم آدم ...مش حاسس بيا و بيتعامل معايا ببرود كأني حتى مش بنت عمه و عايشة معاه في نفس البيت
مريم:ما انتي يا ملك اللي مش مبيناله انك بتحبيه
ملك:اكيد يعني انا مش هاروح اقوله آدم انا بحبك
مريم:انا مش عارفة اصلا انتي بتحبيه علي ايه ده بارد و مغرور و شايف نفسه
ملك:احترمى نفسك ي رخمه ...هو اة بارد بس بحس انو حنين وبحس كمان ب امان وانا معاه
مريم بضحك:طيب ياختي خليكي كده لحد ماتعنسي
°°فى ڤيلا "الحُسينى" تحديداً في اوضة "آدم سيف الحسيني" واللي كان نايم بعُمق وازعجه صوت التليفون اللى مبيفصلش وكان المُتصل صديقه المقرب "شريف حمدان"°°
آدم:اية يا شريف عاوز اية ع الصبح
شريف:يابنى انت لسة نايم مش معادنا كمان ساعة
آدم:طيب طيب هقوم
شريف:ماشى
آدم:اجيلك المستشفى ولا العيادة
شريف:لا تعالى على المستشفى عشان الأشعه
آدم:طيب ماشي سلام
شريف:سلام
°°بعد مرور كام يوم.. في "شركة الحسينى" وتحديداً فى مكتب مدير الحسابات°°
ملك:لو سمحت يا استاذ أيمن حضرتك اديتني الملفات دى بس فى ملف ناقص
أيمن:اة الملف مع استاذ آدم بيراجعه روحي هاتيه منه
ملك:حاضر بعد اذنك
°°فى مكتب "آدم" خبطت "ملك" على الباب ودخلت°°
ملك:احم..لوسمحت فى ملف خاص بالحسابات معاك انا جايه اخده
آدم:اة خوديه اهو
°°ومدلها ايده عشان تاخده ولما جت تاخده قصدت انها تخبط ايدها ف ايده ف رفع عينه ل عينها ف ارتبكت وخدت الملف ومشيت بسرعة°°
ملك:عن اذنك
°°بعد ما خلص وقت الشغل نزل "آدم" للجراچ عشان يجيب عربيته ويروح البيت لكن شاف ملك واقفة جانب عربيتها وماسكة الموبايل وكان شكلها متضايق°°
آدم:فى حاجة يا ملك
ملك:عربيتى عطلت ومش عارفة مالها
آدم:طيب تعالى معايا وابقى ابعتلك حد يشوفها
ملك:خلاص هاخد تاكسي بدل ما اعطلك عن حاجة
آدم:يلا يا ملك مبحبش اعيد كلامي مرتين انا كدة كدة راجع ع البيت على طول
ملك:طيب
°°وبالليل كانت العائلة كلها متجمعة ف الجنينة ماعدا "آدم"°°
يوسف:امال فين آدم
جميله:هتلاقيه فى اوضته مهو على طول قاعد فيها
سيف:طب يا حبيبتي مش هنتعشى
جميله:طيب ماشي هقوم اخليهم يحطوا الاكل ..ملك
ملك:ايوة يا ماما
جميله:روحى نادى آدم قوليلو ينزل
ملك:حاضر
°°طلعت "ملك ل" آدم" وقبل م تخبط الباب لقيته اتفتح فجأة°°
آدم:انتي واقفه عندك بتعملى اية
ملك:مبعملش حاجة ..ماما جميله قالتلى اطلع اناديك للعشا بس شكلك خارج!
آدم:اة عندك مانع
ملك بضيق:انا نازلة
فى عيادة د/شريف
آدم:اية الاخبار
شريف:لسه مش لاقى حد بس ماتقلقش اكيد هنلاقى
آدم:وحتى لو ملاقتش مش فارقة
شريف:بلاش يأس واتفائل خير يا آدم
آدم:ان شاء الله يا صاحبي
شريف:اية اخبار ملك لسه بتعامل معاها زى م انت
آدم:هعمل اية يا شريف انا عارف انها بتحبنى بس مش هقدر اكسرها
شريف:طيب م يمكن هى توافق على الوضع دة لو عرفت
آدم:هي اكيد هتوافق وعمرها م تفكر تسيبني بس انا مش هوافق ي شريف دة مستحيل
شريف:ربنا يهديك ي صحبى ويصلحلك الحال
°°تانى يوم ف النادى وآدم قاعد مع "چودي" صاحبته°°
چودي:بقولك ي دومى
آدم:قولى
چودي:تعالى نسهر مع بعض ف اى حته بليل بقالنا كتير مخرجناش
آدم:م انتى عارفة ي چودى الشغل واخد كل وقتى وبرجع بليل تعبان مبقدرش اسهر زى الاول
چودي:طيب بلاش سهر نروح نتعشي مع بعض ف اى حتة
آدم:طيب شوفى عاوزة تروحى
چودي: انت عارف انا بحب اروح فين
آدم:ماشى هعدى عليكى على 8 كدة تكوني جاهزة
چودي:ماشى ي قلبى انا هقوم بقى
آدم:سلام
°°فى اوضة "ملك" وهى بتكلم "مريم" ڤيديو كول°°
مريم بصراخ:لوكااااا
ملك:اييية ي مجنونة ودانى حرام عليكى
مريم:ملك انا زهقانه
ملك:ارقصلك يعنى ولا اعملك اية
مريم:بطلى غلاسة عليا بقى
ملك:طيب ي ستى هبطل غلاسة قولى عايزة اية
مريم: نتعشى سوا النهاردة
ملك:طيب تعالى البيت عندى
مريم:بقولك زهقاااانه ي مفترية تقوليلى البيت خلى عندك دم بقى واخرجى معايا
ملك:خلاص خلاص ي مجنونة ماشى
مريم بفرحة:ايوة بقى
ملك:هنروح فين
مريم: اية رأيك نروح مطعم..... الساعة 8 كدة حلو اشطا اتفقنا
ملك:انتي بتغني وتردي على نفسك امشي ي بت اقفلي
°°بالليل "آدم" طالع من اوضته ف "ملك" سمعت الباب ف خرجت هي كمان..كان لابس لبس كاجوال عادى واول م شافها اندهش من جمالها (يمكن عشان بقالو كتير مشفهاش ب فستان)
هي كانت لابسة فستان ازرق لحد بعد الركبه ب شوية وكانت فردة شعرها الدهبي ل ورا وحاطة ميك اب خفيف جداً شافتو وهو باصص عليها ف اتكسفت ونزلت ع طول سلمت على ممتها وخرجت من البيت وهو فضل مكانو شوية وبعديها نزل هو كمان°°
°°في المطعم اللى اتفقوا ملك ومريم يتقابلوا فيه قعدوا وطلبوا الاكل وفضلوا قعدين يتكلموا شوية وفجأة°°
مريم:شوفى ي ملك وراكى مش دى.....
_ي ترى مريم شافت اية؟
_دة اللى هنعرفو البارت الجاي
_اتمنى تعجبكو
#يتبع...
#عَشِقْتُكِ_مَلاَكْي
بليز كومنت تشجيع
توقعاتكم؟!
رأيكم بملك؟!
آدم؟!
جودي؟
مريم؟!
YOU ARE READING
عشقتك ملاكي 'I loved you, my angel.'
Short Storyالقصه قصيره متتجاوزش 10 بارتات بلص البارت الواحد كبير طبعا لأن الروايه قصيره بنزل 4بارتات وإذا في تفاعل بنزل الآخرين ملاحظه 'انا كتبت الروايه وسجلتها بالوات'
