အပိုင်း (၁၀၀၁): ကောင်းကောင်းနေ
ဓားသခင်၊ ဂူတုံးလျို၊ ကျူးကော့မင်းယွီနှင့် ရီဝူချင်းတို့အားလုံး ရီဖူရှင်းဘေးသို့ ဆင်သက်လာခဲ့ကြ၏။ ရီဖူရှင်းအား ကြည့်ကာ ဟွာဖန်းလူနှင့် တခြားလူများအားလုံး မျက်ရည်များ စိုစွတ်နေခဲ့ကြသည်။
ရီဝူချင်းက ကောင်းကင်တွင် စတင်ဆုတ်ခွာနေကြပြီဖြစ်သော တော်ဝင်မြေခြောက်ခုအား ကြည့်သည်။ သူ၏ပါးပြင်တွင် မျက်ရည်များ စီးကျနေခဲ့၏။ သူက ရီဖူရှင်းနှင့် ဟွာဂျီယူတို့အား ကန်ယီပြည်ထောင်၌ကတည်းက သိခဲ့သည်။ ယနေ့ ထိုလူများအားလုံးမှာ အလုံးစုံ သေဆုံးခဲ့ခြင်း မရှိခဲ့ကြပေ။
လျူချန်းယွီက ရီဝူချင်းဘေးသို့ ရောက်လာခဲ့ကာ သူ၏လက်များအား ဆုပ်ကိုင်လျှက် ငိုသည်။ ယိချိန်ချန်နှင့် လို့လန်ရွှီတို့လည်း ထိုနေရာ၌ ဝမ်းနည်းစွာ ရပ်နေခဲ့ကြ၏။ နန်းဆောင်သခင်များအားလုံးသည်လည်း ထိုနေရာသို့ တစ်ယောက်ပြီးတစ်ယောက် ရောက်လာခဲ့ကြ၏။ သူတို့၏ခန္ဓာများမှာ သွေးအလိမ်းလိမ်း ပေကျံနေကြသည်။
ထိုအချိန်တွင် ဝမ်ရှင်းက ရီဖူရှင်းနှင့် သိပ်မဝေးသော နေရာတွင် ရပ်သည်။ သူက ဦးညွတ်ကာ ပြောသည်… “နန်းတော်သခင်… သခင်မရဲ့ စိတ်ဝိညာဉ်အမှတ်အသားက မပျက်ပြယ်သေးပါဘူး… သူမကို အသက်ပြန်သွင်းဖို့ အခွင့်အရေး ရှိနိုင်ပါသေးတယ်… ”
ရီဖူရှင်းက ခက်ခဲစွာဖြင့် မော့ကြည့်သည်။ အခြေအနေက ဤအထိ ရောက်လာခဲ့ပြီဖြစ်သည်။ သူမအား အသက်သွင်းရန် ဖြစ်နိုင်ပါသေးသလော။
ဝမ်ရှင်းက ရီဖူရှင်း လှုပ်ရှားတုန့်ပြန်မှု မရှိသည်ကို မြင်လျှင် သူက လက်ဆန့်တန်းကာ ဒူးထောက်လျှက် ကောင်းကင်သို့ အရိုအသေပေးပြီး ကြည်လင်ပြတ်သားစွာ ပြောသည်… “ သခင်မကို ဘုရားသခင် စောင့်ရှောက်ပါစေ… ”
သူက တိုက်ပွဲရလဒ်အား တွက်ချက်ခဲ့သော်လည်း သူ့အနေဖြင့် ဘာမှ မသိခဲ့ရပေ။ သူ့အဆင့်ဖြင့် ကောင်းကင်၏လျို့ဝှက်ချက်များအား သိနားလည်နိုင်စွမ်း မရှိပေ။ အင်ပါယာအသိမွေးဖွားလာခဲ့ခြင်း၊ ဧကရီဘုရင်မ၏နတ်ဘုရားဝိညာဉ် ဆင်းသက်လာခဲ့ခြင်း၊ အင်ပါယာရှား၏စစ်တပ်ရောက်လာခြင်းတို့မှာ သူ့အဆင့်ဖြင့် တွက်ချက်မရသော ကိစ္စများဖြစ်သည်။
ဝမ်ရှင်း၏ဆုတောင်းစကားကို ကြားလျှင် တော်ဝင်ကျဲနန်းတော်မှ မရေမတွက်နိုင်သောလူများသည် ကောင်းကင်ထက်သို့ မော့ကြည့်ကြသည်။ ဓားမိစ္ဆာ၊ ထို့ကျန်းနှင့် တခြားသော နန်းဆောင်သခင်များအားလုံးကလည်း ဒူးထောက်ကာ ကောင်းကင်သို့ လက်ဆန့်တန်းလျှက် ဆုတောင်းပေးကြသည်… “ သခင်မကို ဘုရားသခင် စောင့်ရှောက်ပါစေ… ” တော်ဝင်ကျဲနန်းတော်တစ်ခုလုံး ထိုအသံများ ဖုံးလွှမ်းနေခဲ့သည်။ ဟွာဂျီယူပျောက်ကွယ်သွားသော နေရာ၌ မရေမတွက်နိုင်သောလူများသည် ဒူးထောက်ကာ ဆုတောင်းနေခဲ့ကြသည်။
“ သခင်မအား ဘုရားသခင် စောင့်ရှောက်ပါစေ… ”
လေထဲတွင် ရှားရှင်းယွန်၊ ရှန့်ထိုရှား၊ ရှန့်ထိုလီ၊ ရှန့်ထိုကျိနှင့် လစန္ဒာရှန့်ထိုတို့အားလုံးက ထိုမြင်ကွင်းကို ကြည့်ကာ သူတို့၏စိတ်နှလုံးများ တည်ငြိမ်ခြင်း မရှိနိုင်ကြပေ။
နန်းတော်အတွက် ရီဖူရှင်းကား နန်းတော်သခင်ဖြစ်ကာ သူတို့၏အနာဂတ်နှင့် ယုံကြည်မှုလည်းဖြစ်သည်။ ယနေ့တိုက်ပွဲအပြီးတွင် ရီဖူရှင်းကား နန်းတော်၏နတ်ဘုရားတစ်ပါးဖြစ်ခဲ့၏။
ရီဖူရှင်းအပေါ် လွန်စွာ မုန်းတီးသော မှန်နန်းတော်သခင်မပင် ထိုအခိုက်တွင် ပြောမပြတတ်သော ဝမ်းနည်းမှုအား ခံစားရ၏။ သူမက ရီဖူရှင်းအား သတ်မည်ဟု တွေးထားခဲ့သော်လည်း ယနေ့အဖြစ်အပျက်များအပြီးတွင် သူမက ထိုသို့ လုပ်နိုင်ပါဦးမည်လော။
လူတိုင်းတွင် ကိုယ်ပိုင် ဘဝ ရှိကြပေသည်။ သူမ ငယ်စဉ်အခါက သူမသည် ဟွာဂျီယူကဲ့သို့ သူမအား အမှန်တကယ် ချစ်ခင်နှစ်သက်သူတစ်ယောက်နှင့်ဆုံတွေ့ရန် အိပ်မက်မက်ခဲ့သည်။ သို့သော်လည်း သူမက အမှောင်ဆုံးသော ဘဝအတွေ့အကြုံများကိုသာ ကြုံဆုံခဲ့ရကာ ယနေ့ မှန်နန်းတော်သခင်မအဖြစ် မွေးဖွားခဲ့သည်။ ယနေ့ တိုက်ပွဲအပြီးတွင် ရီဖူရှင်းသည် မည်သို့ဖြစ်လာခဲ့မည်နည်း။
လေပြင်းများ တိုက်ခတ်လျှင် သူမ၏အဝတ်အစားများနှင့် ဆံနွယ်များ တဖျတ်ဖျတ်လွင့်သည်။ သူမက စစ်မြေပြင်အပေါ် ကောင်းကင်သို့ ကြည့်သည်။ အင်ပါယာရှားက တော်ဝင်မြေများအား ဆုတ်ခွာရန် အမိန့်ပေးသည်။ သူတို့က ရီဖူရှင်းအား အလွန်တရာ သတ်ဖြတ်လိုသည့်တိုင် အင်ပါယာရှား၏အမိန့်တော်ကို မလွန်ဆန်နိုင်ပေ။ ကျိရှမ်းကမ်းပါးကား လုံးဝ ပျက်စီးသွားခဲ့ပြီဖြစ်ကာ တော်ဝင်အလင်းနန်းတော်မှ တန်ခိုးရှင်များမှာလည်း အားလုံးနီးပါး သေဆုံးခဲ့၏။ ကျောက်ပြည်ထောင်မှာလည်း ကြီးစွာ ဆုံးရှုံးခဲ့သလို အဆုံးမဲ့ပင်လယ်မှာလည်း တစ်ဝက်ကျော်သော တန်ခိုးရှင်များ သတ်ဖြတ်ခံခဲ့ရသည်။ ထို့အတူ တော်ဝင်ကျဲနန်းတော်မှလည်း များစွာ ကျဆုံးခဲ့ပြီး နန်းတော်သခင်၏ဇနီးပင် ဆုံးပါးခဲ့သည်။ သူတို့က စစ်ပွဲကို အနိုင်ရခဲ့သော်လည်း အနိုင်ရသည့်အတွက် မည်သူမှ ပျော်ရွှင်နိုင်ခြင်းမရှိကြ။
သည်တိုက်ပွဲတွင် နန်းတော်၏သွေးများသည် မြစ်တစ်စင်းဖြစ်စေရန် လုံလောက်ပေသည်။
“ ပြန်မယ်… ” မှန်နန်းတော်သခင်မက ပြောကာ မှန်နန်းတော်မှ တန်ခိုးရှင်များအား ဦးဆောင်လျှက် ထွက်သွားသည်။ ရှန့်ထိုများကလည်း တိုက်ခိုက်ရန် အခွင့်အရေးရှိမည်ဟု သူမထင်ခဲ့သော်လည်း ရှားရှင်းယွန်ရောက်လာခြင်းက အရာအားလုံးကို ရပ်တန့်စေခဲ့သည်။
ယနေ့ ဖြစ်ပျက်ခဲ့သည်များက အင်ပါယာရှား၏အာရုံကို ဖမ်းစားခဲ့မှတော့ သူကိုယ်တိုင် သေချာပေါက် စုံစမ်းလေ့လာပေလိမ့်မည်။ အင်ပါယာရှားအမိန့်အတိုင်း တော်ဝင်မြေများသည် နောက်ထပ်အမိန့်မရမချင်းမိမိတို့ တော်ဝင်မြေမှ ထွက်ခွာရမည်မဟုတ်ပေ။ ထို့ကြောင့် အချိန်တစ်ခုကြာ ပြည်နယ်ကိုးခုသည် တိတ်ဆိတ်နေပေလိမ့်မည်။
တန်ခိုးရှင်များအားလုံး အလျှိုလျှို ထွက်သွားကြ၏။ ရှန့်ထိုရှား၊ ရှန့်ထိုလီနှင့် လစန္ဒာရှန့်ထိုတို့လည်း ထွက်သွားခဲ့ကြသည်။ ဗာဂျာရာဒေသမှ တန်ခိုးရှင်များလည်း ထွက်ခွာသွားကြ၏။ ရှန့်ထိုကျန့်က သူသည် တော်တင်ကျဲနန်းတော်သို့ ဝင်ရောက်သည်ဟု ကြေညာခဲ့၏။
ထို့ကြောင့် မြေရိုင်းပြည်နယ်တော်ဝင်ကျဲနန်းတော်သည် နောက်ထပ် ရှန့်ထိုတစ်ပါးကို ပိုင်ဆိုင်ခဲ့၏။
…
လဝက်ခန့်မျှက စစ်ပွဲသတင်းများ ပြည်နယ်ကိုးခုအနှံ့သို့ ပြန့်နှံ့ရန် လုံလောက်ခဲ့ပေသည်။ လူအများအပြားမှာ သတင်းများကို ကြားပြီး ထိတ်လန့်ရ၏။ ကောလာဟလများအရ ရှန့်ထိုကျဲကား စစ်ပွဲ၌ သေဆုံးခဲ့ကာ ကျိရှမ်းကမ်းပါးမှာ ယခု အင်ပါယာရှားလူများ၏တိုက်ရိုက်ထိန်းချုပ်မှုအောက်သို့ ရောက်သွားသည်။ အင်ပါယာရှားက ကျိရှမ်းကမ်းပါးအား အဘယ်ကြောင့် ထိန်းချုပ်ခဲ့သည်ကို မည်သူမှ မသိကြပေ။
တော်ဝင်စစ်ပွဲ၌ တော်ဝင်မြေခုနစ်ခု ပူးပေါင်းကာ တော်ဝင်ကျဲနန်းတော်အား တိုက်ခိုက်ခဲ့သော်လည်း အနိုင်မရရှိခဲ့ကြပေ။ ကောလာဟလများအရ တော်ဝင်ကျဲနန်းတော်တစ်ခုလုံး သွေးချောင်းစီးခဲ့၏။ လူတိုင်းအား ပိုမိုထိတ်လန့်စေခဲ့သည်ကား မည်သည့်တန်ခိုးရှင်များ သေဆုံးခဲ့သည်ကိုပင် သတင်းများ မသိကြရခြင်းပင်။ သတင်းများအားလုံးမှာ အမှောင်ချခြင်း ခံခဲ့ရ၏။
တစ်လောကလုံးမှာ စစ်ပွဲရလဒ်ကိုသာ ကြားသိရပြီး အသေးစိတ်အဖြစ်အပျက်များကို မသိကြရပေ။ ကောလာဟလများအရ အင်ပါယာရှားကိုယ်တိုင် ရောက်ရှိခဲ့ကာ တော်ဝင်မြေများကလည်း အမိန့်အတိုင်း မိမိတို့နယ်ရပ်သို့ ပြန်ခဲ့ကြရသည်။ သူတို့အားလုံးမှာ အင်ပါယာရှားစေလွှတ်သော တန်ခိုးရှင်များ၏စောင့်ကြည့်ခြင်းများကို ခံယူနေကြရ၏။
အကြောင်းပြချက်အား မည်သူမှ မသိကြသော်လည်း အတွင်းသတင်းများကိုသိသူများမှာလည်း ထုတ်ပြောရန် ဝန်လေးကြောက်ရွံ့ကြပေသည်။ ရှန့်ထိုရှားပင် သူ့ကလန်သို့ ရောက်ပြီးနောက်ပိုင်း မည်သည့်စကားမှ မဆိုခဲ့ပေ။ ရှန့်ထိုလီသည်လည်း ပြည်နယ်ကိုးခုကျောင်းတော်သို့ ပြန်ရောက်လာခဲ့ပြီး တိုက်ပွဲနှင့်ပတ်သက်၍ ဘာမှ မပြောပေ။
ထိုအရာများအားလုံးက ပြည်နယ်ကိုးခုမှ လူများအား ထိတ်လန့်စေသည်။ တိုက်ပွဲ၌ ဘာဖြစ်ခဲ့သနည်း။ ပြည်နယ်ကိုးခုမှ လူများအားလုံးမှာ ထိုအတွင်းသတင်းများအား သိလိုကြသည်။
တော်ဝင်ကျဲနန်းတော်၊တော်ဝင်ရှီနန်းဆောင်၌ ရှီဖူရှင်းသည် သတိလစ်မေ့မြောနေရာမှ ပြန်လည် သတိရလာခဲ့၏။ သူက မျက်လုံးများကို ဖွင့်သောအခါ ဘေးမှ တန်ခိုးရှင်များစွာအား မြင်ရသည်။ အစ်မ၂၊ လိပ်ပြာလေး၊ ဖီးနစ်၊ လို့လန်ရွှီနှင့် လင်းအာတို့အားလုံး ရှိနေကြ၏။ သူ သတိရလာသည့်သတင်းကို ကြားသည်နှင့် ရီဝူချင်း၊ ဟောင်ကျူဂီနှင့် တခြားလူများအားလုံး ရောက်လာခဲ့ကြသည်။ ဆရာထောင်ကျန်းပင် ပြန်လာခဲ့ပြီဖြစ်သည်။
သူတို့က အဘယ်ကြောင့် စိုးရိမ်ပူပန်နေကြသည်ကို ရီဖူရှင်း သိနားလည်သည်။ သို့သော်လည်း ယခုတွင် သူ့နှလုံးမှာ ကြီးစွာ နာကျင်နေခဲ့၏။ သူက မေးသည်… “ ယူချင်းနဲ့ရာရာတို့ကော… ”
“ ယူချင်းရဲ့ဒဏ်ရာက သိပ်မသေးဘူး… ဒါပေမဲ့ ရှန့်ထိုကျန့်ကိုယ်တိုင် ကုပေးနေတော့ အဆင်ပြေတယ်။ ရာရာက တံခါးပိတ်လေ့ကျင့်နေတယ်။ ” ကျူးကော့မင်းယွီက ပြောသည်… “ ဖူရှင်း.. မင်းက ကိုယ့်ကိုယ်ကိုယ် ဂရုစိုက်ဖို့လိုတယ်… ”
“ ရှားရှင်းယွန်နဲ့ အင်ပါယာရှားလူတွေ.. သူတို့ ရှိနေသေးလား… ” ရီဖူရှင်းက မေးသည်။
ကျူးကော့မင်းယွီက အသာအယာ ခေါင်းညိတ်သည်။ ရီဖူရှင်းက မသက်မသာ ပြုံးသည်။ သူက ဧကရာဇ်အသိအား အဘယ်ကြောင့် နောက်ဆုံးအချိန်ကျမှ ထုတ်လွှတ်ခဲ့သည်ကို လူအများအပြားက နားမလည်ခဲ့ကြပေ။ သို့သော် အမှန်တကယ်အားဖြင့် သူက တန်ခိုးရှင်ကိုးဦးနှင့် ရင်ဆိုင်ရကတည်းက ဧကရာဇ်အသိအား လောင်ကျွမ်းနေခဲ့ပြီးဖြစ်သော်လည်း ဟွာဂျီယူ၏စွမ်းအားများက ထိုအရောင်အဝါများအား ဖုံးအုပ်ပေးထားခဲ့၏။ သို့သော်လည်း ရှန့်ထိုကျဲဝင်ပါလာသောအခါ သူက ထိုအရောင်အဝါများအား ထပ်မံ၍ ဖုံးအုပ်နိုင်ခြင်း မရှိတော့ပေ။ အဘယ်ကြောင့်ဆိုသော် သူနှင့် ဟွာဂျီယူတို့သာ ဧကရာဇ်အသိနှင့်ပတ်သက်သော လျှို့ဝှက်ချက်များအား သိနားလည်ကြသည်။
ယခင်က အရှင်ဒွန်ဟောင်သည် ချင်းကျူမြို့သို့ ရောက်လာခဲ့ပြီး ရုပ်တုနှင့် နှင်းလူဝံအင်ပါယာတို့အား သတ်ဖြတ်ခဲ့သည်။ ဧကရာဇ်အသိအားထုတ်လွှတ်ခြင်းက သေခြင်းတရားကို ဖိတ်ခေါ်ခြင်းဖြစ်သည်။ သူသေလျှင် နန်းတော်လည်း အဆုံးသတ်ပြီဖြစ်သည်။
ယခု နန်းတော်မှ လူများက သူ့အား ပြန်လည်သက်သာလာရန် မျှော်လင့်နေကြသော်လည်း အင်ပါယာရှားက သူ့အား စုံစမ်းဖော်ထုတ်ပြီးနောက် ဘာဆက်လုပ်မည်ကို သူမသိပေ။ သို့သော်လည်း လာမည့်အကျိုးဆက်မှ သူလွတ်မြောက်စရာတော့ မရှိပေ။
အောက်ဘုံ၏အရှင်သခင်ဖြစ်သော အင်ပါယာရှားသည် အရှင်ဒွန်ဟောင်၏လူများ ချင်းကျူမြို့သို့ ရောက်လာသည့်ကိစ္စအား မသိဟူသည်ကို သူမယုံပေ။ ထို့အပြင် သူတို့က နှစ်ကြိမ်တိတိ ရောက်လာခြင်းဖြစ်သည်။ ဒုတိယတစ်ကြိမ်မှာ သူ့ဆရာဒူထံသို့ ရောက်လာခြင်းဖြစ်သည်။ ထိုကိစ္စများအား သေချာဆန်းစစ်ကြည့်ပါက မိမိမှာ ထိုအရှင်သခင်နှစ်ပါးနှင့် ဆက်စပ်နေခြင်းဖြစ်မည်ကို ကောက်ချက်ချနိုင်ပေမည်။
ထို့အပြင် သူက လူတိုင်း၏ရှေ့တွင် ဧကရာဇ်အသိအား ထုတ်လွှတ်ခဲ့၏။ အင်ပါယာရှားက မည်သို့ လျစ်လျူရှုနိုင်မည်နည်း။ ယခု သူက သေချာပေါက် စုံစမ်းနေပေလိမ့်မည်။ ပြည်နယ်ကိုးခုကား အင်ပါယာရှား၏လက်အောက်၌ ရှိပေသည်။ သူသာ စုံစမ်းလျှင် ရှာမတွေ့သော ကိစ္စမရှိနိုင်ပေ။ သူကား ချင်းကျူတွင် နေထိုင်ခဲ့ကာ နောက်ပိုင်းတွင် ကော့တေး၌ လေ့ကျင့်ခဲ့၏။ အင်ပါယာရှားက သူ့နောက်ကြောင်းကို သေချာပေါက် ခန့်မှန်းမိနိုင်ပေသည်။
“ ကျွန်တော် လမ်းလျှောက်ချင်တယ်… ” ရီဖူရှင်းက ထရပ်ကာ အပြင်သို့ ထွက်သွားသည်။ အားလုံးက သူ့အား ကြည့်ကြ၏။ ဂတုံးလျိုက တီးတိုးပြောသည်… “ သူ့ကို တိတ်တဆိတ် ပေးနေလိုက်ပါ…” အားလုံးက ခေါင်းညိတ်ကြသည်။ လက်ရှိတွင် ရီဖူရှင်း မည်သို့ ခံစားနေရမည်ကို အားလုံးက နားလည်ကြသည်။
ရီဖူရှင်းက တော်ဝင်ရှီနန်းဆောင်အနီးတဝိုက်တွင် ဖြည်းဖြည်းချင်း လမ်းလျှောက်နေခဲ့သည်။ လေပြင်းများ တစ်ချက်တစ်ချက်အဝှေ့၌ သူက အနည်းငယ် အေးစက်မှုအား ခံစားရသည်။ သူ့ရှေ့၌ကား လူနှစ်ယောက် လျှောက်လာကြသည်။ သူတို့သည် ကျေးရွာခေါင်းဆောင်နှင့် ရာရာတို့ဖြစ်ကြ၏။ သူမက ရာရာမဟုတ်တော့သည်လည်း ဖြစ်နိုင်ပေ၏။
ရီဖူရှင်းက လွန်စွာ ပြောင်းလဲသွားသော ထိုမိန်းကလေးအား ကြည့်သည်။ သူမကား ကျစ်ဆံမြီးမကျစ်ထားတော့ပဲ ဆံထုံးကို သိပ်ယပ်စွာ ထုံးထားပြီး မျက်လုံးများမှာလည်း ယခင်လို ကြည်လင်သန့်စင်ခြင်း မရှိတော့။သို့သော်လည်း သူမကား ယခင်ကထက် များစွာ လှပလာခဲ့၏။ သို့သော်လည်း ရီဖူရှင်းက သူမအား ယခင်ကဲ့သို့ မိန်းကလေးငယ်လေးအဖြစ် မြင်နေဆဲဖြစ်သည်။
ထိုမိန်းကလေးကလည်း ရီဖူရှင်းအား ကြည့်သည်။ သူမ၏မျက်လုံးများထဲ၌ ပြောမပြတတ်သော ခံစားချက်များ ရှိနေသည်။ သူမ၏နှုတ်ခမ်းများက တစ်ခုခုကို ပြောလိုသည့်ဟန် ကွေးကောက်သွားသော်လည်း သူမက ဘာမှ မပြောပေ။
ရီဖူရှင်းက သူမအား ကြည့်ရင်းက ရုတ်တရက် ပြုံးသည်။ သူက သေတော့မည်ဖြစ်သည်။ ဤသို့ဆိုလျှင် အဘယ်ကြောင့် အဆင့်အတန်း၊ ရာထူးဝိသေဿများအား တွေးတောနေရဦးမည်နည်း။ သူမက မရဏဓားနတ်မယ်ဖြစ်စေ၊ ရာရာဖြစ်စေ သူ၏ညီမငယ်တစ်ယောက်ဖြစ်ပေသည်။
ရီဖူရှင်းက ရှေ့သို့ တက်သွားကာ သူမ၏ခေါင်းကို ပွတ်သပ်ရန် ကြိုးစားသည်။ သူမက ဘေးသို့ အနည်းငယ်ယိမ်းကာ ရှောင်ဖယ်၏။သို့သော်လည်း ထိုအခိုက်အတန့်တွင်ပင် ရီဖူရှင်း၏လက်က သူမ၏ခေါင်းပေါ်သို့ ရောက်လာကာ ပြောသည်… “ အစ်ကိုလို့ခေါ်… ”
ထိုမိန်းကလေး၏မျက်လုံးများက အလွန်တရာ စူးရှသွားပြီး တဖန် ပြန်လည် သိမ်မွေ့သွားသည်။ သူမ၏မျက်လုံးများက တစ်စုံတစ်ခုကို ရုန်းကန်နေသောဟန်ရှိသည်။ သူမ၏နှုတ်ခမ်းများက ကွေးကောက်သွားပြီး အလိုအလျောက်ဆိုသည်… “ အစ်ကို.. ” အသံကား တိုးလွန်းရကား နားဖြင့် ကြားရဟန်ပင်မရှိပေ။
ရီဖူရှင်းက ထိုတိုးညင်းသော အသံကို ကြားလျှင် သူ၏မျက်လုံးများက နီရဲလာခဲ့သည်။ သူ၏လက်ကလည်း ဆတ်ခနဲ တုန်ယင်သွား၏။ ရာရာ ရှိနေသေးသည်လား။
သူက လက်နှစ်ဘက်လုံးအား ဆန့်တန်းကာ ထိုမိန်းကလေး၏မျက်နှာအား အသာအယာကိုင်တွယ်ကြည့်သည်။ ထိုမိန်းကလေး၏ခန္ဓာကိုယ်က တောင့်တင်းသွားဟန်ရပြီး တချိန်တည်းမှာပင် သူမသည် ခန္ဓာကိုယ်အတွင်းတစ်နေရာမှ လာသော နွေးထွေးမှုအား ခံစားရ၏။ ထိုခံစားချက်ကား ဆယ်စုနှစ်တစ်ခုကြာ ဖြစ်တည်လာသော ဘဝတစ်ခုမှ လာသော ခံစားချက်ဖြစ်သည်။ ထိုအရာက နက်ရှိုင်းသော ဝိညာဉ်အတွင်း၌ ကပ်ညိနေခြင်းဖြစ်ရာ အလွယ်တကူ ပြောင်းလဲနိုင်ခြင်းမရှိပေ။ သူမသည် မရဏဓားနတ်မယ်ဖြစ်သော်လည်း သူမသည် ရာရာလည်းဖြစ်၏။
သူမ၏ခန္ဓာက တဖြည်းဖြည်း ပြန်လည် သက်တောင့်သက်သာဖြစ်လာခဲ့ကာ ရီဖူရှင်းအား ကိုင်တွယ်ခွင့်ပြုသည်။ နောက်တွင် ကျေးရွာခေါင်းဆောင်မှာ ထိုမြင်ကွင်းအား ကြည့်ပြီး မသက်မသာဖြစ်လာသည်။ တစ်လောကတွင် သူမအား ဤသို ပြုမူရဲသူမှာ ရီဖူရှင်းတစ်ယောက်သာ ရှိပေမည်။ ထို့အပြင် သူမက ရုန်းကန်ခြင်းပင် မပြုပေ။ ရီဖူရှင်း၏လက်ရှိစွမ်းရည်သည် ယခင်ထက် မြင့်မားလာသော်လည်း သူမအတွက် ရီဖူရှင်းအား သတ်ရန်မှာ အလွန်တရာ လွယ်ကူသည်ကို သူသိသည်။
ရီဖူရှင်းက လက်အား ပြန်ရုတ်သိမ်းကာ ရာရာအား ပြုံးပြသည်။ ယခု အချိန်တွင် ရာရာအား တွေ့မြင်ရခြင်းက သူ့စိတ်အား ပိုမိုကြေကွဲနာကျင်စေ၏။
“ ကျေးရွာခေါင်းဆောင်… ကျွန်တော် တစ်ခု တောင်းဆိုချင်ပါတယ်… ” ရီဖူရှင်းက ကျေးရွာခေါင်းဆောင်အား ပြောသည်။
“ ကောင်းပြီ… ” ကျေးရွာခေါင်းဆောင်က ခေါင်းညိတ်၏။
“ ကျုပ်သေခဲ့ရင် နန်းတော်ကို နှစ်အချို့ စောင့်ရှောက်ပေးပါ… ကျွန်တော့ဆရာကို နန်းတော်သခင်နေရာ ပေးအပ်ပေးပါ… တစ်ကယ်လို့ အမှားအယွင်းမရှိခဲ့ရင် အနာဂတ်မှာ ယူချင်းက ဆရာ့ကိုယ်စား တာဝန်ယူပေးပါလိမ့်မယ်… ” ရီဖူရှင်းက ကျေးရွာခေါင်းဆောင်အား ပြောသည်။ နန်းတော်တွင် သူစိုးရိမ်ပူပန်ရသောသူများစွာ ရှိနေသည်။ သူ၏ညီအစ်ကိုမောင်နှမများ၊ မိတ်ဆွေများ၊ သူ့ဆရာနှင့် ဆရာကတော်တို့…။
ကျေးရွာခေါင်းဆောင်က သူ့ရှေ့မှ မိန်းကလေးအား ကြည့်လျှင် မိန်းကလေးက ပြောသည်… “ ကောင်းပြီ… ”
ရီဖူရှင်းက သူမအား ကြည့်ကာ သူမ၏ပါးပြင်အား အသာပွတ်သပ်လျှက်ပြောသည်… “ ကောင်းကောင်းနေ… ” ထိုသို့ပြောပြီးနောက် သူက ထိုနေရာမှ ထွက်လာခဲ့သည်။ မှန်သည်… ရာရာမှာ ရာရာမဟုတ်တော့သလို ရာရာဖြစ်နေသေးသည်ကို သူနားလည်၏။
ကျေးရွာခေါင်းဆောင်မှာ ထိုစကားများကို ကြားပြီး ဝေခွဲမရသော ခံစားချက်များဖြစ်လာသည်။ သူ့ရှေ့မှ မိန်းကလေးကား တစ်နည်းအားဖြင့် ကြောက်မက်ဖွယ်ကောင်းပေသည်။ မိန်းကလေးက နောက်လှည့်ကာ ကျေးရွာခေါင်းဆောင်အား ကြည့်သည်။ ကျေးရွာခေါင်းဆောင်က ဘာမှ မမြင်သည့်အလား ခေါင်းငုံ့၏။ သူ ဘာမှ မမြင်ပေ။
