========= الحلقة الاولى =========
كانت فوق الشجرة كالعادة تكونكتي ولا عالابالها ودنيا مقلبة عليا فليسي اوووب ويجيها ميساج من صحبتها فالانستا : لينوش ساحة المعركة معمرة جنود حافظي ع منطقتك راهم بداو ينسحبو جيهتك
لينا بخبث : لاتقلقي ساتصرف شكرا وزيرتي ملاك اممحااات
ملاك : امححاات تهلاي فالاعداء
لينا قفلت ليدوني وبدات توجد في رحها طبعا الاسلحة بكل انواعها عندها ( الحجر و البلوط وهاديك وكيفاه اسمها نسيتو لي يجي وصتها خيط ) وبدات تراقب (y) في منطقتها تم تبسمت بشر كي شافت العدو قرب حكمت سلاحها وجهاتو عليهم طيييييييين تجي في راس العدو والعدو لاخر دخل بعضو يتلفت يمين ويسار ملقا والو
راحو يجريو ويعيطوو : جن جن والله جن يااااربي جن
لينا بالت مضحك شعلت لي دوني بعتت لملاك صحبتها ميساج : تمت المهمة ( نيهاها يصيدو فلي كوبل )
ردتلها ملاك : اخراااا رانا نقرا راهم جابولنا بروف جديد تع مات اجري
لينا مالخلعة مافقتش لقات روحها فلرض مع وصلت للرض دارت رجلها عيطت ملوجاع مي تحملت وراحت بسيف للكلاسة تحا ما وصلت غير وجها ولا احمر مالوجاع وع زهرها لقاتهم دخلو كامل مام لبروف والباب مقفول طلت ع طاقة بسبست ل ملاك : بسس بسس خرا نعلبوك بسس
ملاك تهمس : وشبيك طولتي دوك ميدخلكش ويديرلك شرع قدام تلاميذ
لينا : ازحي اسكتي عليا رح نموت وانتي رح طلعيلي روحي قبل وقتها اسمعي واسكتي .................
ملاك : اااه هبلتي نتسحتو لزوج لكان نتكشف لاااا ماهااا
لينا : مشني نشاور نفذي راهو امر
ملاك : بففف ربي يستر...يتبع
الكاتبة ===== the_sinchine =====
