Won't Let You Go

Unicode

"Cheers"
"Cheers"
"Cheers"

Club ထဲတွင်သီချင်းသံများဆူညံနေသည်။ လူမျိုးစုံက Dancing floor မှာကတဲ့သူကက၊ bar မှာ သောက်တဲ့သူကသောက် သီချင်းအကျယ်ကြီးကြားက စကားပြောနေတဲ့လူကပြောနဲ့ လူတိုင်းက ပျော်ရွှင်မြူးထူးနေကြသည်။

'ဒီမှာ ငါတစ်ယောက်တည်းမပျော်တာလား' ဟု PP စိတ်ထဲက တွေးလိုက် မိသည်။

"PP တစ်ခွက်လောက်သောက်ပါလား"

Dream က PP ကို ဘီယာတစ်ခွက် လှမ်းပေးကာသောက်ရန်ပြောသည်။

"ဟင့်အင်း မသောက်တော့ဘူး"

"မင်းကလည်း P အကြောင်းသိရဲ့သားနဲ့၊ သူဒီနေ့ club မှာ ငါတို့ကိုလာတွေ့တာပဲ ကျေးဇူးတင်ရမယ်၊ သူ့ကိုအတင်း တိုက် မနေစမ်းပါနဲ့ကွာ"

PP အကြောင်းသိတဲ့ New က PP ဘက်က ၀င်ပြောပေးသည်။

"‌ငါ....toilet ခဏသွားလိုက်ဦးမယ်"

သူငယ်ချင်းတွေကိုနှုတ်ဆက်ခဲ့ပြီး Toilet ရှိရာသို့ထွက်လာခဲ့သည်။
-------------

Toilet ထဲကထွက်လာပြီး ဘေစင်မှာ လက်ဆေးနေတုန်း မူးနေသောလူတစ်ယောက်ကို လူနှစ်ယောက်ဆွဲခေါ်လာတာကို PP တွေ့လိုက်သည်။

PP ရှိနေသော ဘေစင်နှင့် မလှမ်းမကမ်းတွင် မူးနေတဲ့လူကို လူတစ်ယောက်ကချုပ်၍ ကျန်လူနှစ်ယောက်က ထိုးကြိတ်နေသည်။ အထိုးခံနေရသောသူမှာ မူးနေသဖြင့် ဘာမှပြန်မလုပ်နိုင်၊ မျက်နှာများဖူးယောင်နေပြီး ပါးစပ်ထဲကသွေးများထွက်နေသည်။

ထိုမြင်ကွင်းမျိုး တစ်ခါမှမမြင်ဖူးတဲ့ PP က မျက်လုံးပြူးကာ ‌မင်သက်နေမိသည်။ ဘာစကားမှလည်းမပြောနိုင်၊ ဘာမှလည်းမလုပ်နိုင်ပဲ ထို ထိုးကြိတ်ပွဲကို ကြည့်ရင်း ရင်တွေတုန်နေသည်။

အတန်ငယ်ကြာတော့ hoodie အနက်ရောင် ၀တ်ထားသော မိမိအရွယ်လူတစ်ယောက် ၀င်လာတာကို ‌PP တွေ့လိုက်သည်။

ထိုလူ၀င်လာလာချင်းပင် မူးနေတဲ့လူကိုထိုးနေသော လူနှစ်ယောက် ချက်ချင်းရပ်သွားသည်။

"ဘာဖြစ်နေတာလဲ"
"ဆရာကြီးခိုင်းထားလို့ပါ"

"အဲ့ဒါဆိုလည်း တခြားနေရာသွားလုပ်၊ ဒီမှာလာမလုပ်နဲ့၊ သွား"