صحيت على صوتها وهي بتقولي اصحي يا لانا بقا يالا
انا لانا 19 سنه اولى كليه اثار جامعه القاهره والي كانت بتصحيني دي ست الكل امول اسما امل بس بحب ادلعها
ماما_اصحي يا لانا يالا
لانا_ صحيت يست الكل صباح الخير
ماما_صباح النور يحبيبتي يالا عشان تفطري وتنزلي الكليه
لانا_حاضر يا ماما هلبس واطلع خلصت لبس وطلعت فطرت ونزل الكليه وقابلت صاحبي دينا و ريم
دينا_صباح الخير ينسوان
*لا عادي دينا بتحب تهزر قد عينيها 😂
ريم_صباح النيله
لانا_صباح الفل
دينا_ييييختاي مالك يريم قالبه وشك ليه هو سيد كخه زعلك تاني !
*بصتلها ريم بشر باين في عينيها
ريم_عارفه لو مقفلتيش بقك دا هفلقك زي ما هفلقه بالظبط
*اه دي ريم خلقها في مناخيرها مرتبطه بواحد اسمه جاسر بينكد عليها فتيجي تنكد علينا وكدا 😂
لانا_عملك اي يريم المره دي !
ريم_قال اي فيها اي لما زميلته في الشغل تكلمه ابن الحيزبونه
لانا و دينا_ 😂😂😂😂😂
لانا_وعملتي اي !
ريم_مسبتوش طبعا
دينا_قتلتيه ! قتلتي الراجل يريم عشان كلم زميلته في الشغل !
*ريم رمت الكتب وطلعت تجري ورا دينا عشان هي الي طلعت جعفر المدفون في ريم 😂
خلصنا محاضرات وروحنا عالكافيتريا بتاعت الجامعه نشرب حاجه وفجاه جاتلي مسدج منه مسدج من خالد
و خالد يبقا اكتر إنسان كنت بحبه اه كنت بروده وقله اهتمامه موتت كل حاجه ليه جوايا
خالد _عامله اي
*عملت سين مردتش
خالد_ كنت عايز اطمن عليكي انتي وحشتيني
*عملت سين ومردتش بردوه
*وفي سري بقول كنت فين لما كنت لوحدي واحتجتك وملقيتكش كان فين حبك دا وانت بتخوني
______________________ Flash back________
بعتله مسدج
لانا_انت فين بقالك يومين مكلمتنيش في اي يا خالد
خالد_ في الشغل اكلمك بعدين عشان مشغول
لانا_طيب
*كلمت دينا وريم كول جماعي عشان نخرج عشان كنت زهقانه
دينا _في كافيه جديد فتح يبنات هنروح هناك نتقابل كمان ساعه
لانا وريم _ماشي
روحنا كان كافيه دورين كان حلو اووي وقررت أنه يبقا المفضل لينا لحد ما جت عيني على ترابيزه فيها ولد وبنت كان شكلهم حلو بس لما ركزت حسيت اني عارفه التيشيرت والساعه دول ايوه دا خالد حسيت بصدمه وريم كانت رايحه ونيتها قتل بس انا قولتلها لا
طالبنا عصير وقعدت على الترابيزه الي قدامهم بس كان مندمج معاها لدرجه انه مشافنيش اصلا وبعدها جه العصير وعدلت نفسي عشان يشوفني وشافني وفضل باصصلي شويه ومصدوم روحت رافعاله كوبايه العصير بصحتك بقا وقومنا نمشي عشان المكان بقا رخيص اووي
ريم واحنا قايمين عشان نمشي كان لازم تقوله حاجه محشوره في ظورها بقالها كتير
ريم _ياشيخه اي القرف دا اتنين نسوان ماسكين ايد بعض 😂
______________________back_____________
عملتله بلوك عشان مبقاش فارقلي
اتكلمنا شويه وفجاه عدي من قدامنا احمد اهو دا الي تقولي عليه قمر
احمد كان الشاب الي بحلاوته وقع نص بنات الدفعه عضلاته وابيض وشعره بني وعينه عسلي قعد في الترابيزه الي قدامنا أو بالأصح قعد وشه في وشي وبصلي
دينا_الحقي يالانا الحليوه بيبصلك 😉
ريم _يختي دا انجلينا بس بشنب
ضحكت و لقيت مسدج من رقم غريب تفتكروا مين !
Rekaa🔥❤️
فوت وكومنت برايكوا يقمرات
