Unicode
ကုမ္ပဏီဘေးက ကွန်ဒိုဆီကို တရွေ့ရွေ့လျှောက်သွားနေသည့် ကျောပြင်လေးအား ရှောင်းကျန့် အဝေးကငေးကြည့်နေလိုက်သည်။ တစ်ပတ်အတွင်းချောင်ကျသွားတဲ့ မျက်နှာလေးက ရိပေါ်လေး ဘယ်လောက် ပင်ပန်းနေလဲဆိုတာ သိသာ၏ ။
အရင်လိုဘေးမှာမရှိနိုင်တဲ့အတွက် အစားဂရုစိုက် ကျွေးပေးလို့်မရသလို ကုမ္ပဏီမှာလည်း မသိခဲ့တဲ့ လူတွေလိုသာ ဆက်ဆံနေရ၍ အစားသေချာစားဖို့လည်း မပြောနိုင် ...။"ဟယ်လို .. ရိထန် ... ငါရိပေါ်ကြိုက်တဲ့ မုန့်တွေပို့ခိုင်းထားတယ် မင်းဆင်းယူလိုက်နော် ... ပြီးရင် ငါပို့တယ်မပြောနဲ့ ... "
"ဟုတ်ကဲ့ "
အနီးလေးရောက်နေပေမယ့် သွားတွေ့လို့မရတဲ့ ခံစားချက်ကြီးက ဆိုးလှသည်။ ဒီနေ့လည်း ချီရင်ကြောင့် ရိပေါ်နဲ့ ပြဿနာတွေဖြစ်ခဲ့ရပြီး ရိပေါ်ဟာ ချီရင်နဲ့ သူ့ကို အထင်လွဲနေသလို ...။
ကလေးငယ်ရဲ့ စကားလုံးတွေဟာလည်း သူ့ရင်ကို လာလာစိုက်တဲ့ မြှားတွေနဲ့တူသည်။
Training စဆင်းကတည်းက ရိပေါ်ကို မင်းသားတစ်ချို့နေသည့် ကွန်ဒိုမှာ တိုက်ခန်းတစ်ခန်းပေးထားခဲ့၏ ။ ထိုအရာလည်း သူဌေးလျိုရဲ့အကြံပင် ...။ တခြား Trainee တွေနဲ့ အတူမထားချင်ဘူး ဆိုကာ ရိပေါ်ကို သီးသန့်ထားပေးခဲ့ရသည် ။ ရိပေါ်တစ်ယောက်တည်းလည်း မဖြစ်တာကြောင့် သူကပဲ ရိထန်ကို ရိပေါ်ဘေးထားကာ ရိပေါ်ကို ဂရုစိုက်စေသည်။"ရိပေါ်ကတော်ပါတယ် ... တစ်ပတ်အတွင်းတောင်အများကြီးတိုးတက်လာတာ"
"ချီရင်နဲ့ နီးနီးကပ်ကပ်မနေစေချင်ဘူး"
ရှောင်းကျန့် ကုမ္ပဏီထဲပြန်ဝင်ခဲ့ပြီး အကိုယွီချန်းနဲ့စကားပြောနေမိ၏ ... ။ အကိုယွီချန်ကတော့ အကုန်သိထားသူဖြစ်၍ သူ့ရင်ထဲက ခံစားချက်တွေကို ထုတ်ပြောလို့ရသူဖြစ်သည်။
"သူဌေးလျိုကလည်း ချီရင့်ကိုပဲ သင်စေချင်နေတာ ... ဒါလည်းဟုတ်ပါတယ် ... အခုချိန်မှာ ချီရင်လောက် အကတော်တဲ့ သူမှမရှိဘဲ"
"ချီရင်က သူ့နေရာကို လုယူဖို့ကြိုးစားတဲ့ သူတွေဆို ကျွန်တော်နဲ့ နာမည်ထွက်အောင်လုပ်ပြီး နာမည်ကျအောင်လုပ်ပစ်တာလေ ... ကျန်တဲ့သူတွေကရပေမယ့် ရိပေါ်ကတော့ မရဘူး"
YOU ARE READING
𝐓𝐡𝐞 𝐀𝐫𝐭𝐢𝐬𝐭 [ᴄᴏᴍᴘʟᴇᴛᴇᴅ]
Fanfictionကိုယ့်လက်တစ်စုံနဲ့ ဖန်တီးခဲ့တဲ့ အနုပညာလေးဟာတစ်ပါးသူတွေရှေ့ ခမ်းခမ်းနားနား ဖြစ်နေဖို့သာလျှင်...။ Xiao Zhan x Wang Yibo ကိုယ့္လက္တစ္စုံနဲ႔ ဖန္တီးခဲ့တဲ့ အႏုပညာေလးဟာတစ္ပါးသူေတြေရွ႕ ခမ္းခမ္းနားနား ျဖစ္ေနဖို႔သာလၽွင္ ... ။ Xiao Zhan x Wang Yibo