[Zawgyi]
""......."" = English
"......." = Korea
*.......* = Myanmar
-------------------
၂၀၂၂ ။
New York City .
တုံ့ခနဲ ရပ်သွားသော ကားထက်ဝယ်
ထိုင်ခုံကို မှီ၊ ယုန်သွားများပေါ်သည်အထိ ပါးစပ်ဟကာ အိပ်မောကျနေသော ကောင်လေးသည် မနိုးသေးပေ။""ရောက်ပြီ""
Taxi driver မှ ကျယ်လောင်စွာ အသံပြုမှ
အလန့်တကြား နိုးလာတော့၏။ သွားရည်ကို လက်ခုံနှင့် မသိမသာသုတ်ပြီးနောက် မျက်လုံးဝိုင်းပိုင်ရှင် ကောင်လေးသည် ကားပေါ်မှ မဆင်းသေးဘဲ ကားမှန်မှ ခေါင်းပြူပြီး နေရာမှန်မမှန် ဦးစွာစစ်ဆေးသည်။*ဓာတ်ပုံထဲကထက် မိုက်တယ်ကွာ*
သေချာပြီဆိုမှ ကားထဲမှ အထုတ်များကို ချပြီး
ကျသင့်ငွေ ရှင်းလိုက်သည်။
ထို့နောက် အိမ်ကြီးထဲကို လျှောက်လှမ်းအတိုင်း ဝင်၏။
အိမ်ရှေ့မျက်နှာစာက မြက်ခင်းပြင်ကို ငေးရင်း
မြက်ပေါ်မှာ ထိုင်ပြီး ဂစ်တာ တီး ၊သီချင်းဆိုရမည် ဟု
စိတ်ကူးယဉ်မိတော့ သွားများပေါ်အောင် ပြုံးမိတော့သည်။
မာမီ့သူငယ်ချင်းငှားပေးထားသော အိမ်က
ကျွန်တော့်အကြိုက်ပုံစံမို့ တော်ပါသေးသည်။ ဒီလိုကျတော့လည်း
ဘေးမှာခေါ်ပြီး ဒုက္ခပေးဖို့ မတွေးသော အန်တီမေကို
တကယ်ကျေးဇူးတင်ရတော့မည်။အိမ်တံခါးရှေ့မှာ ရပ်ပြီး ဘဲလ်တီးလိုက်သည်။
Ting !
ဘဲလ်သံမြည်ပြီးသည်နှင့် ကြားလိုက်ရသော အသံ။
ဒုန်း!
ကျယ်လောင်လွန်းသော အသံမို့
ကျွန်တော့်အပျော်တွေပင် ပျောက်လုနီးနီး။
ဒီအိမ်ပိုင်ရှင်က အမေရိကန်ခပ်ကြမ်းကြမ်းလူဆိုးကြီးများလား ဟု ထိတ်လန့်တကြား အတွေးဝင်မိချိန်မှာ *သူက ရှေ့နေ* ဟူသော အန်တီမေ့အသံကို ပြန်ကြားယောင်မိတော့
ကျွန်တော့်စိုးရိမ်စိတ်က ပြန်ပဲဝင်ရတော့မလိုလို။ရုတ်တရက် ပွင့်သွားသော တံခါးနှင့်
ကျွန်တော် မြင်ရသော အိမ်ပိုင်ရှင်က
မျက်ဝန်းရောင်တလက်လက်ဖြင့် ပြုံးနေသောသူ။
မေးရိုးထင်းထင်း၊ နှာတံစင်းစင်းနှင့် အမေရိကန်မျက်နှာပေါက်မျိုးတော့ မဟုတ်ပေ။
သို့သော် ကျွန်တော့်ကို တွေ့တွေ့ချင်း တည်သွားသော မျက်နှာနှင့် မှိုင်းညို့သွားသော မျက်ဝန်းတွေက ကျွန်တော့်ကို မကြိုဆိုချင်သည့်ပုံပင်။