♡اسكربت جديد♥🫂
كنت قاعده في أوضتي مكتئبه جدًا من كل حاجة حوليا، حسا أني عايزه أموت، مش عايزه الحياة طلما بشكل دا، مسكا في أيدي أختبار حمل وفيه شرطتين لونهم أحمر، غصب عني دموعي نزلت، كان نفسي الخبر دا يكون معايا فيه ويكون فرحان، بس هو فين بس...؟!!
سمعت صوت الفون بيرن قومت عشان أجيبوا وأشوف مين لقيتوا My love أتنهدت تنهيده حزينة بحاول أجمع أكبر قدر من الأستوعاب عشان أقدر أكلموا
- الوا،... أهلًا يا ماذن
- ايوا يا حبيبتي، أنا بس برن عشان أقولك اتغدي انتي وأيسل عشان مش هقدر اجي بدري
كان نفسي اوي يقولي أنوا مش هيتأخر وهيرجع بدري عشانا،.... غاصب عني لقيت دموعي بتنزل وأنا بقول
- ماذن أنا تعبانه شويا، وعايزه أروح اقعد عند ماما يومين...
-؛مالك يا نادين..، فيكي ايه..؟!!!
- مـ مافيش بس... حسا أني مخنوقة شويا وإنتَ مش موجود وراك شغل... لو سمحت سبني اروح
- طيب..، روحي وهاجي أخدك بكرا
- آآآ ا لا، بلاش بكرا، بقولك عايزه أقعد يومين هناك يا ماذن
- ايوا آد ايه،.. إنتِ عارفة مش بعرف أنام غير وإنتِ جنبي...
نادين أبتسمت بسخرية...، هي فعلًا مش بتشوفوا غير وقت النوم الـ بيرجع فيه هلكان على أخر
- عارفه يا ماذن، إن شاء الله مش هطول كتير عند ماما
- طيب يا حبيبتي خدي بالك من نفسك ومن أيسل مضطر أقفل عشان عندي حالات كتير برا، سلاام...
نادين بعدت الفون من على ودنها وحطتوا على الكومود قدامهاا وبصت لبنتها الـ بتزحف على الأرض بحزن،...
على قدر حبها لماذن بس قلة الأهتمام والبعد بيولد الجفا وهي عايزه تبعد قبل ما تكرهوا
قامت استحمت ولبس أيسل ولبست هي كمان ولمت هدوم ليها ولـ أيسل ونزلت....
نادين راحت عند مامتها وبابها وفتحت الباب ودخلت وهي شايله بنتها وشنطة هدومها
مامتها
- نادين..!! تعالي يا حبيبتي عامله ايه يا ضنايا
وحضنتها ونادين أكنها وحشه حضن والدتها جدًا فحضنتها جامد اوى بعد ما نزلت ايسل الـ أول ما شافت جدها راحت عليه
بعد وقت نادين كانت قاعده مع مامتها وبابها بعد ما غيرت هدومها هي وأيسل
بابها
- مالك يا بنتي، حسك زعلانه كدا وأول مرة من ساعة ما اتجوزتي تيجي تبيتي من غير مناسبه دانتي في فرح أخوكي معملتيهاش..، قوليلي ماذن مزعلك..!؟!!
نادين طبطبت على رجل بابها وقالت وهي بتحاول ماتبينش زعلها
- لا يا حبيبي مش مزعلني ولا حاجه أحنا كويسين الحمدلله، بس... يعني حسيت أنكوا وحشيني جامد فقولت أجي اشوفكوا وابيت معاكوا يومين، ولا أخد بعضي وبنتي وامشي لو متقله عليكوا يا سي بابا
