الاول
👑لا حول ولا قوه الا بالله العلي العظيم 👑
في بيت عمده كفر ابو عجوه اشهر كفر في نواحي المحافظه
هنلاقي العمده قاعد وهو بيندب حظه : اه يا وقعتك المطينه بطين يا حسنين . مكنش يومك يا ابن بهانه . اللي كلته بط بط هيطلع عليك وز وز. .
دخلت مراته : مالك يا حسنين قاعد كده ليه يا راجل
حسنين: ابنك مش راضي يرجع البلد وله يتجوز بنت المامور.
ضربه مراته علي صدرها : يا واقعه مربربه . ازاي بس . ده احنا لدينا كلمه للناس . عايز يخلي رقبتنا قد السمسه
حسنين: مش كده وبس ده المامور هيسود عيشتنا ويخلي حياتنا جحيم ومش بعيد العموديه اللي انا وارثها عن جد جد جد جدي تروح مني وده بسبب مين ابنك
الام : طاااه وهو رافض ليه
حسنين: قال ايه بيقول هو اللي عايز يختار شريكه حياته . انا بقولك اهو طلاقك في كفه والواد يحي يتجوز بنت المأمور في كفه تانيه
الام شهقت :هطلقني يا راجل
حسنين: اه هطلقك وأطلق اللي خلفوكي كمان . انت عايزين تضيعو مستقبلي
الام : لا يا خويا وده اسمه كلام .. انا هجوزه البت غصبن عنه
حسنين : اما اشوف اخرتها ايه معاكم يا ولاد اللذينا
مشي حسنين وعزيزه مراته قعدت تفكر في حل يرجع ابنها يحي اللي سافر بره القريه ومش راضي يرجع تاني .. شكله كده عجبته العيشه في البندر
.....
في مكان تاني
كان يحي نايم علي الارض والاوضه متكركبه
فتح عينه : اااه يا ضهري . انا ايه اللي نيمني هنا
بص حوليه وهو بيفتكر حصل ايه بس مفيش اي حاجه في ذهانه
يحي : انا اخر حاجه فكرها اني كنت سهران مع صحابي
حاول يعصر دماغه بس مفيش حاجه . كله ابيض
نفخ وفاق وهو بيبص حوليه : الاوضه مالها متبهدله كده ليه .
بعد وقت كان لبس ونزل علي جراج العماره
بس اتصدم اما شاف العربيه بتاعته متكسره
وقف يزعق : انا بدفع الفلوس علشان ارجع القي عربيتي متكسره. يا بهايم يا للي هنا .. حد يقولي مين المسؤول. حد يرد عليا
الحارس : في ايه يا فندم
يحي: انا بدفع فلوس الجراج علشان ارجع والقي العربيه متكسره بالشكل ده
الحارس: احم . حضرتك احنا منعرفش اللي حصل ده حصل ازاي
يحي : انا عايز اعرف مين اللي عمل كده في العربيه علشان هو اللي يدفع تمن تصليحها يا اما انتم اللي تشيلو الليله
