الضابط والمحامية🔥

البارت الاول تعريف الشخصيات

السلام عليكم
اني اسمي بان عمري25محاميه شاطره واحب شغلي كولش مواصفاتي عيوني خضر وشعري عسلي ومو كولش طويل وطولي 160يعني مثل الصوره الي موجوده اني اهلي كولش منفتحين وناس مثقفه بابا (امجد) محامي كبير بالعمر هوه لحد هسه ياخذ قضايه على كد مكدرته محامي شاطر ويامه حل قضايه، امي (زهره) ربت منزل وهم كبيره بالعمر واني وحيدة اهلي مدلله واهلي ميمانعون بـ اي شي اسوي عدهم ثقه بقراراتي، يلا نبلش بالقصه
بان/كعدت الصبح الساعه 6عندي دوام كعدت عدلت غرفتي رحت اخذت حمام وطلعت اتريك اهلي نايمين هيج وقت خلصت حمامي واتريكت وصعدت غيرت ملابسي لبست ستره سوده وقميص ابيض وبنطلون اسود قماش وحذاء كعب اسود وفتحت شعري وطلعت صعدت بسيارتي ورحت للمحكمه جانت عندي قضيه جان اكو ولد مضروب واهل الولد مشتكين على الضاربه واكيد اني كالعاده كسبت القضيه والولد انحكم عليه 15سنه لان الولد مضروب ومجروح اهلي الولد حقدو عليه اني مااهتم القانون يمشي فوق الجميع ولازم يطبق بالعدل حاولو يرشوني بس مقبلت،
محمد/زميل الي محامي
محمد/بان انتي ليش تورطين نفسج بهيج قضايه جبيره تره هاي القضايه تخوف احنه الزلم وماخلصانين من التهديدات
بان/محمد اني هاي شغلتي وبعدين شنو يردون يسوون يقتلوني مثلا هواي ناس ابرياء جاي يأذوهم وماكو احد يعاقبهم تدري اجو يرشوني المفروض ميقبلون على ابنهم لان غلطان
محمد/كولشي يكدرون يسوون تره ابسط شغله يقتلوج بان واني حذرتج
بان/لتختاف عليه يلا اني راح اطلع مع السلامه
محمد/الله وياج وديري بالج على نفسج
بان/إن شاءلله
بان/صارت الساعه10خلصت شغلي ورجعت لكيت امي كاعده
بان/صباح الخير يا شمعه البيت
امي/هله يمه صباح الخير الله يساعدج، شوكت طلعتي
بان/كعدت من السته اليوم كاعده نشاط كلت اسبح واتريك واطلع
امي/شعندج هيج من وكت كل مره ب7اطلعين
بان/يوم نمت من وكت وطلعت منشطه كملت شكم شغله ورحت للمحكمه
امي/اصار عله قضيتج يمه خلصت لو بعدها
بان/شيخلصها يوم هوه انسجن الولد بس اهله اظاهر مراح اخلص منهم يردون يطلعون ابنهم بكل طريقه، صدك بابا وين
امي/ابوج طلع بالتسعه وصيته يجيب مسواك ويجي
بان/ماشي ياست الحبايب اني اطلع اسبح وانام شوي لان كولش تعبانه
امي/ماشي يمه ارتاحي من اكمل الغده اكعدج
بان/اوك ماما،، صعدت طلعت ملابسي لبست دشداشه قصيره من بعد الحمام ورحت نمت،،نومه عميقه
امي/بان يمه كملت الغده وهسه ساعه 1تكومين تتغدين حبيبتي
بان/بنعاس) اي يوم انتي روحي هسه اغسل وجهي واجي وراج
امي/اوك يمه
بان كمت غسلت ونزلت.. بابا حبيبي اشتاقيتلك اليوم مصبحت بهذه الوجه الجميل
بابا/هله ابنيتي تعالي كعدي اكلي
كعدت اتغديت ويا اهلي كالعاده
بابا/بابا شنو اصار عله قضيتج اليوم
بان/كملت بابا بس اهل الولد مناوين يسكتون لان منا ابنهم انسجن وفصل لازم ينطون وهمه مبينين يحبون المشصاير
بابا/ديري بالج بابا اني بوكتج هواي هددوني بالقتل لدخلين هيج قضايا بعد مشوفين جنت بين فتره وفتره اغير مكاني من وره هالناس هاي المتخاف الله
امي/اي يمه فدوه بعد لتدخلين بهيج امور
بان/صار يابه صار
بان/كملت غده وصار العصر متفقه ويا صديقاتي نطلع كوفي بس عوائل،، صار العصر وقبل لا اطلع اجاني اتصال من رغم غريب مااعرفه
بان/الوو
المجهول/ورطتي نفسج بشي مو كده انتي
بان/منو انته وشنو تريد
المجهول/اريدج تتنازلين ع القضيه واطلعين الولد بـ اي ثمن
بان/بضحكه ههههه انته كل عقلك هسه عرفت انته من طرف السجين،، انته اجاي تحجي الولد انسجن وراح ياخذ جزاته ومحاكمته بعد شكم يوم
المجهول/انتي ناويه تحاربينه مبينه. ماشي مثل متريدين
بان/لتتصل بعد لان المره الثانيه راح اشتكي عليك انته هم
المجهول/لعبتي ويا الاشخاص الغلط
بان/الله وياك.. وسدت الخط
خلصت مكالمتي وطلعت للكوفي اتصلت ع صديقتي كالن منتظريج
وصلت سلمت عليهم
حوراء/ولج والله مشتاقيلج صار هواي ممشاوفين
زهراء /شلونج حياتي شنو هاي الغطه
بان/والله اني هم مشتاقتلكم كومه بس شغل عندي والله والتهيت
زهراء /اي صح كل وحده توظفت والتهت
حوراء/اي بان سولفيلي شنو وضعج اخبارج ممفكره تزوجين
بان/عفيه عوفني من سيره الزواج لان صايره عندي عقده من الاشوفه بالمحاكم
زهراء /ولج هوه هذه الزواج شتردين لعد كلنه هيج
بان/والله عاد انتن عقلج مدري وين من ازوجتن هههه
بان/كاعده ويا صديقاتي مصارلي نص ساعه من كعدنه نسولف ونضحك
اجاني اتصال هم غريب توقعت نفس الشخص طنشته
حورراء/ليش مجاوبين
بان/قبل شوي اجاني اتصال من رقم بابا..
بان/بنات بس اجاوب بابا ديتصل
الووو،، الووو
بابا شبيك متحجي انقطع الخط....
بان/بنات بابا اتصل ومحجه شي بس اسمع اكو نفس يعني موجود ع الخط بس مااعرف ليش ميحجي
حوراء/بان اذا تحبين روحي لا تنحرجين شوفي شبي خاف صاير شي
بان/اني اعتذر منجن بنات بس صدك لازم اروح
حوراء وزهراء/لتهتمين بعدين نعوضها يلا مع السلامه
بان/بوستهن ورحت ع السريع واني بوجهي للبيت جنت حيل خايفه بس مااجه ابالي شنو ممكن صاير

شنو تتوقعون صاير ويا ابو بان انتظرونا بالبارت الثاني