فصلية فاطمة والنقيب

البارت السادس والاربعون

نزلت ولكيتهم بعدهم يركصون وفرحانين ووائل وأفراح ديكصون الكيكة واكلوا وشربوا عصير
وزعوا اكل اكلنا وشربنا وخلصت الحفلة وائل طلع
والعروسة سبحت وبدلت لأن هية راح تبقى هنا بيت
عمها لأن مراح يزفوها من ديالى بعيدة واتفقوا
يسون الحنة الأربعاء والزفة الخميس وسارة انهارت
من سمعت هيج العرس راح يصير بسرعة
فاطمة: سارة مانصحج تعترفين لوائل
ريم: يي والله شيلي الفكرة من راسج اذا سويتها راح
تندمين
فاطمة: شوفي اول شي افراح راح تبقى يمكم ويومية
وائل راح يجي ويروح واذا كليتيلة راح ياخذج عليج
غير نظرة
ريم: صحيح كلام فاطمة
فاطمة: سارة هايهية كافي شي الله مقاسمة الج لاتلحين الله يعوضج بواحد احسن منة زين هاي بالعرس من نزفهم شراح تسوين تطبين وياهم للغرفة
سارة: ههه لا مو هلدرجة
فاطمة: يي همزين شفنة ضحكتج كافي هسه هوه منو
وائل توم كروز خلي يولي كرايبج كلهم حلوين عايفة
الكل وجاية على وائل
ريم: يي والله اني خالتة واعرفة خيولي مو خوش ولد
طبعاً شلنة بغيبة وائل لحد ما الله كاللنة يس حتى
نخلي سارة تكرهة المهم المعازيم راحوا بس الي جاين
محافظات بقوا يم بيت ابو سارة واني وريم رجعنا
وية أحمد وكل وحدة اجتي وية زوجها رجعت للبيت
ميتة وراسي يوجعني من صوت للأغاني اني والفستان
ذبيت روحي ونمت كعدت بل ١٠ بليل لكيت أحمد
نايم بصفي كمت سبحت يمة المكياج شكد ثكيل رغم
اني محطيت ظلال وهلي الأشياء بس حمرة ومسكرة
واحس حاطة حديد بوجهي بدلت ومشطت شعري
ونشفتة وجنت ميتة جوع نزلت فتحت الثلاجة لكيتهم
جايبين لفات مال خطوبة وببسي باوعت عليهن وكتلهن
اجيتوا بوكتكم وكعدت اكلت لفتين بركر وببسي
كملت وصعدت فتحت الباب جان أحمد يفز من النوم
أحمد: وين جنتي
فاطمة: جنت داكل جوعان اسويلك اكل
أحمد: لا تعالي نامي وفتح ايده
اني مصدكت شمرت روحي بحظنة ونمنا كعدتنا الصبح
اتريكنا على راحتنا لأن العصر راح نتحل المناطق كل
وحدة تشتري من منطقة شكل أنوب سوينا غدة واتغدينا وصار العصر كلت هايهية لازم افضها يومية
رايحة جاي خلي اشتري فساتين اثنين للحنة وللزفة
لأن مابية حيل يومية ماخذه أحمد وافتر خلي افظها
واخلص اول شي رحنة اني وأحمد لشارع فلسطين
معجبني شي أنوب رحنة للمنصور أحمد اشترى ملابس
واني اشتريت فستان لون وردي فاتح يخبل بس
معجبني شي ثاني انوب رحنة للاعظمية بشارع
الضباط اكو محل اسمة ازياء الحرملك هيج شي 
ماذكر اسمة عدل يبيع قفطان واحد احلة من واحد
اشتريت هذا

اشتريت أحذية كعب همين وأحمد هم كمل هدومة
من الاعظمية واتعشينا ورجعنا للبيت ميتين تعب
رجعنة كبل نمنا مدرينا بروحنا المهم خلي احجيلكم
قبل الحنة بيوم أحمد جان عندة دوام ومرتضى هم
وحمد بالشغل ومرت حمد ومرتضى بيت ام سارة
دينظفن العروس تعرفون سوالف العرس اني وريم
كاعدين جان الباب تندك عبالك مداهمة كمنا فتحناها
جان اشوف سارة والكحلة سايحة من البجي شمرت
روحها علينة وتبجي وتعيط أريد انتحر وركضت للمطبخ ولزمت سجينة
فاطمة: سارة شدسوين بس اوكف خلي نفهم بس ذبيها
لسجينة
ريم: لج سارة ستري علينة لاتسوين العرس فاتحة
سارة: لج شفتة يبوس افراح بيتنا وتعيط
فاطمة: لج بابه مرتة شتريدن منهم
سارة: والله إذا مدكون على وائل يجي هنا واحجي
وياة اطلعوني منا جثة
فاطمة: يااا صدك تحجي ذبي السجينة بلا لواكه
سارة: والله العظيم اذا مدكيتو على وائل انتحر وتعرفوني اسويها
ريم: دخيلج سارة ستري علينة
سارة: ادكون هلى وائل لو انتحر
ريم: فاطمة دكي على وائل
فاطمة: شنو من كل عقلج ادك على وائل
ريم: دكي خلي نفض السالفة ترة هاي مخبلة اسويها
فاطمة: سارة راح ادك على وائل بس ذبي السجينة
سارة: ذبيتها بس دكي
دكيت على وائل
فاطمة: الوو هااا وائل شلونك
وائل: الحمدللة بخير انتي شلونج
فاطمة: تمام الحمدللة وائل عندك مجال تمر للبيت
اكو شغلة كلش ضرورية
وائل: خير شصاير
فاطمة: من تجي تفتهم بس بسرعة مسئل حياة وموت
وائل: يلا تمام جايج بالطريق
فاطمة: هاا سمعتي كال بالطريق
سارة: يي سمعتة
ريم: سارة كافي مابينة حيل اخبالاتج
اخذت ريم ورحت على صفحة
فاطمة: ريم هسة وائل يكللها اني احب افراح
وهمين راح اتسويلنة مصيبة وتأخذ السجينة
ريم: خلي نطلعها من المطبخ ونقفل الباب
فاطمة: اخذيها للاستقبال واني أقفل المطبخ
ريم: تمام
ريم أخذت سارة وطلعتها من المطبخ
واني قفلت الباب وحطيت المفتاح بصدري
اندكت الباب رحت فتحتها
وائل: هاا خير شصاير
فاطمة: تعال فوت وافهمك
طببتة بالاستقبال
وائل: سارة شجابج هنا قبل شوية شفتج بيتكم
فاطمة: ريم تعالي خلي احجي وياج شوية
طلعنة اني وريم من الاستقبال وظلينة منتظرين
الفرج جان نسمع شي انكسر ركضنة للاستقبال جان
انشوف سارة كاسره التحفية ولازمة قطعة منها ووائل
دافعها عل حايط ولازم ايدها
سارة: عوفوني خلي اخلص
وائل: يمعودة باجر الحنة مالتي لاتسويلنة عزه
فاطمة: وخرو عوفوها خلي تنتحر يلا انتحري يلا
منتظريج
جان تذب البيدها وتكعد بالكاع تبجي
وائل طلع ظايج
فاطمة: بت الاوادم من كسرتيها مكلتي منو يلمها
ريم: ياا هيه بياحال
فاطمة: شكالج المصخم وائل
سارة: يكول انتي مثل اختي ومابوعلج بأكثر من هيج
نظرة
فاطمة: هاا شمظرطنة مو كنالج يحب افراح
ومشايف وحدة غيرها لاتلحين
وهنا وصلنة لنهاية البارت مو تنسون التصويت ☆☆☆☆ والمتابعة تصبحون على خير بااي ♡♡