Unicode
Xiao.......
Xiao က နာမည် တစ်လုံးတည်းနဲ့ တလောကလုံးကို ပိုင်စားရထားတဲ့ နတ်သားငယ်....
အမေဖြစ်သူက တရုတ်ပြည်မကြီးရဲ့ အကျော်ကြားဆုံး အလှကုန် ကုမ္ပဏီ ကသူဌေးဖြစ်ပြီး အဖေ ဖြစ်သူက Korea နိုင်ငံရဲ့ အကြီးမားဆုံး ဆေးရုံကိုဦးစီးနေတဲ့ ပါမောက္ခဆရာဝန်တစ်ယောက်ဖြစ်တယ်...
အဲ့လို မိသားစုမိဘမျိုးက မွေးဖွားလာခဲ့တဲ့ Xiaoဟာ အဘက်ဘက်က ပြည့်စုံတဲ့ လူသားလေးတစ်ယောက်ဖြစ်နေသည်မှာမဆန်းချေ...
ကျောင်းမှာဆိုရင် Xiao ကို အပေါင်းအသင်းလုပ်ချင်တဲ့သူ သိပ်များတယ်။ကောင်မလေးတွေဘက်က စပေးတတ်တဲ့ ရည်းစားစာတွေကိုလည်း Xiao က အပြုံးချိုချိုလေးတွေနဲ့အမြဲလက်ခံပေးတတ်သေးတယ်။
အသက် 22နှစ် ရှိပြီဖြစ်တဲ့ Xiaoဟာ အခုချိန်အထိ ဘယ်သူ့ကိုမှ ရင်မခုန်ခဲ့ဘူးသလို ပိုက်ဆံရှိတဲ့အသိုင်းအဝိုင်းက ဖြစ်တာကြောင့် အပျော်အပျက်ကိစ္စမျိုးတွေကိုလည်း လုပ်ဖို့သူဝါသနာမပါခဲ့....
အနေအေးပြီး စာကြိုးစားတဲ့ Xiao ဟာ...အဖေဖြစ်သူလိုမျိုး ဆရာဝန်တစ်ယောက်ဖြစ်ချင်တာကလွဲရင် သူ့ဘဝမှာ ထွေထွေထူးထူး ဖြစ်ချင်ခဲ့တာဘာမှမရှိ...
"Xiaoရေ...ဆရာ့အိမ်မှာ မနက်ဖြန်ည ညစာ စားပွဲရှိလို့ လာခဲ့အုံးနော် "
Xiao ကို ဆရာ/ဆရာမတွေက ငြင်းမရလောက်အောင်အထိ ချစ်ခင်ကြတယ်။ အနေအေးတဲ့ Xiao က မိဘဆရာအပေါ်လဲ ရိုသေပြီး ပြောစကားနားထောင်တတ်တဲ့ လူလိမ္မာလေးဖြစ်တာကြောင့် လူကြီးသူမတွေကအစ Xiao ကိုဆို အလေးပေးပြီး တခြားကလေးတွေထက်ပိုဂရုစိုက်တတ်သေးတယ်။
အခုလည်း Physics သင်တဲ့ဆရာက ညစာစားပွဲအတွက် Xiao ကို ဖိတ်စာလေးလက်ထဲထည့်ပေးတာကြောင့် Xiao အပြုံးချိုချိုလေးတွေထုတ်သုံးကာ ခေါင်းလေးအသာငြိမ့်ပြလိုက်တယ် ။
"Xiao Ge Ge ''
နောက်က ပြေးလာတဲ့ ခြေသံလေးနဲ့ မတိုးလွန်း မကျယ်လွန်းတဲ့ တရုတ်သံလေးကြောင့် Xiao က လှည့်ကြည့်လိုက်မိတော့ အရင်တစ်ပတ်ကမှ သူ့ကို စာအိတ်လှလှကလေးနဲ့ သူ့ကို ချစ်တဲ့အကြောင်းဖွဲ့သီရေးပေးထားတဲ့ စာပိုင်ရှင်ကလေး....
