اكابر واقول فراقه عايدي

1

حي من ارقي احياء الشرقيه..
قصر ضخم و فخم يدل على رقي وفخامه صاحبه بالبوابات الكثير و الحراس المنتشرين حولها اوقفت سياره فراري اخر موديل فتح النافذه وصرخ:مصطفى
جاء يركض مصطفى وفتح البوابه ودخلت الفراري وسكر الباب مصطفى
ورجع لغرفته
وقف سيارته بالكراج الخاص بالسيارات ونزل
دخل القصر كان فخم بمعنى الكلمه عباره عن صالات مفتوحه ع بعض
بعضها مرتفعه وبعضها بايكنباتها الراقيه والكلاسيكية والمغربيه الفخمه
والتحف و اللوحات في كل مكان وبكل زوايه والستاير الفخمه اللي
بعضها توصل للرخام الفخم ويتوسط الصالات درج وسيع مفروش عليه فرشه حمرا وينقسم من فوق لدرجين ومن تحت الدرج مصعد وعلى اليسار
الصالات غرفه من القزاز عباره عن مكتب فخم وكنب كلاسيكي اما المطبخ
فاهي برا عند الطباخين
صار يتلفت بالبيت"زي العادة فاضي"
مرت من عنده اميره وهي طايره مسكها من ذراعها:لحظه لحظه على وين؟
اميره وهي مستعجله:يوه ناصر بعدين!
ناصر:وش بعدين وين بتروحين؟
اميره:وشفيك نسيت اليوم اول يوم تطبيق لي بالمستشفى!
ناصر:اها ايه صح يلا بالتوفيق!
اميره وهي تركض:امين
كمل ناصر طريقه لفوق الدرج مايحب يركب المصعد يقول الدرج احسن
رياضه وصل للدور العلوي اللي كانه نظام فندق 4 اجنحه مقابل بعضها
جناح لاميره وجناح له وجناح للنادر والدور الثالث كله لامه و ابوه اما السرداب عباره عن مسبح كبير وحوله الآلات الرياضية والعاب اكترونيه
وشاشه بلازما ضخمه وبلاستيشن و اكس بوكس ويووكل العاب موجوده هنا
((ناصر بثاني الجامعه هادي لابعد الحدود وطيب حنون ع اخوانه يدرس اداره اعمال واذا خلص بيشتغل بشركه العيله))
ركبت اميره السياره وهي تقول:راج روح مستشفى عمي((هي بتطبق
في مستشفى عمها))
(( اميره بنت ررجة لابعد حد بس حاره وعلى طول تعصب برابع جامعه قسم طب جراحه والحين تتطبق اذا حبت حبت بجنون واذا كرهت كرهت بجنون))
اعرفكم على عائلة ابو ناصر
ابو ناصر:رجال طيب بس فلوسه و منصبه يهمه كثير ويحب المظاهر قدام
الناس
ام ناصر:حنونه ع عيالها بس غيوره ماتحب احد احسن منها
ناصر:سبق التعرف
اميره:سبق التعرف بس اميره كانت ودها يكون عندها خوات زي ساره
وخواتها بنات عمها تحس حياتهم فله مع انها دوم معهم بس تحس لو عندها
اخت كان غير
نادر:12سنه هادي مودب ومايحب اللعاب الحركه ويحب البلاستيشن
والكس بوكس والكمبيوتر ذكي ويفهم بسرعه
بسوبر ماركت مصغر بحي متواضع
كانت قمر جالسه وراء طاوله الكاشير وخصلات شعرها القصير متبعثر ع
وجهها وابتسمت"معقوله لي اسبوع هنا اه يارب لك الحمد"
فهد وهو يضرب كتفها:فارس وين رحت؟
ناظرته قمر وابتسمت:معك
فهد:وشي معك يلا امشي تاخرنا على الشباب!
قمر:طيب يلا بروح البيت وانا الحقك بس بغير!
فهد وهو يمد يده بتهديد:بس ياويلك لو تاخرت ترى اذا تاخرت بجيك
ابتسمت وهزت راسها اوقفت واتجهت للمخزن اللي صارغرفتها وقفت قدام
المرايه وفصخت بلوزتها ورمت المشد الماسك صدرها تنهدت براحه وقعدت تتذكر شلون صارت هنا...
كانت تركض بخوف بطريق مظلم وصوت ضحكات عاليه مرعبه غمضت عيونها وصرخت بصوت عالي وطاحت ع الارض:ااااااااااه
قامت من النوم وهي مفزوعه حطت يدينها الناعمه الصغيره ع قلبها اللي صار يدق بقوه وبعنف بلعت ريقها وغمضت عيونها ولمت رجولها لصدرها
وبدت دموعها تنزل وهي تناظر الباب اللي صوت ضحكات جنون خالها
واصحابه السكارى واصل عندها تنهدت وبعدت الغطاء عن جسمها النحيف
بفراش مفروش بالارض سحبت البرواز من الارض جنبها وهي تناظر الصوره
شهقت بعنف:اه يمه ليش تركتيني(ناظرت اخوها المبتسم بجنب أمها تحولت نظراتها الضعيفه والمشتاقه لحقد وغضب)اكرهك اكرهك واكره كل الرجال اه(ضمت الصوره الى صدرها بقوه وهي تغمض عيونها رجعت بزمن قبل
سنتين بالضبط)
دخلت من المدرسه وهي ترمي شنطتها بالارض وهي تصارخ بمرح:يمه
يييييييمه
امها من المطبخ:قمر يمه انا بالمطبخ
ابتسمت قمر وركضت للمطبخ المتواضع بكل شي فيه ضمت امها من وراء غمضت عيونها وهي تشم رايحه الاكل:الله ياام قمر تجنن ريحه الاكل
امها:هههه يلا روحي غيري ملابسك وغسلي وصلي وتعالي كولي ووايه صح نادي عبد العزيز
قمر باستغرب:عبد العزيز ماراح الكليه!
امها:لا ماراح يلا روحي بسرعه!
ابتسمت قمر وهي تمشي:يمه تراني ثلاث ثانوي مفروض تريحوني ع الاخر عشان اجيب نسبه
ضحكت امها:ههه مايحتاج اقول روحي بس ذاكري وتجيبين نسبه!
ابتسمت ابتسامه بعيده:ان شاء الله مابقي الا اسبوعين بشد حيلي فيهم
عشان اصير الدكتوره قمر
دخل عبد العزيز:ههههههه مايحتاج تذاكرين اصلا انتي دافوره
ناظرته بطرف عينه وبغرور:اكيد اجل تبيني اصير مثلك فاشله؟؟(قالتها وهربت)
كان يبي يلحقها بس صوت وقفه:ههههههه بنتك هذي يبغي لها تربيه من جديد
اضحكت ام عبد العزيز:ههه الله يخليكم لي!
عبد العزيز وهو للسماء وهو كانه طفل:امين