Ruhunu ruhuma gülüm, qatmamış,
Niyə yol yoldaşı götürdün məni.
Yolun yarısına gəlib çatmamış,
Yorğun baxışlarla ötürdün məni.♡♡♡
Mən getdim, elə bil olmamışam heç,
Sənin həyatında, bu yer üzündə.
Yalançı vədlərə qalmamışam heç,
Hər şey yalan imiş elə özün də.♡♡♡
Bizi bir-birinə bağlamır nəsə,
Sən də yoxluğumla razılaşmısan.
Mən həmən insanam ama sən isə,
Əvvəki deyilsən ucuzlaşmısan.♡♡♡
Gedəndə hər şeyi apar get ki sən,
Bəhanə eliyib qayıtma geri.
Onsuz yoxluğuna üzülmürəm mən,
Kimsə dolduracaq boş qalan yeri.♡♡♡
Dağ idin gözümdə, sonda qum oldun,
Çiçəkdən çevrilib adi tum oldun,
Xoşbəxtlik tacından sən məhrum oldun,
Yazığın gəlmədi özünə sənin...
Mən necə yanmışam közünə sənin...