Chapter 131 - ယန်ချီရဲ့ အစီအစဉ်
ယန်ချီက ကျန်းဇန်နဲ့ ကျန်းတျန်းတို့ ထိတ်လန့်နေမှာကို စိုးတာကြောင့် သူ့နာမည်ကို မပြောချင်ပါဘူး။
ဒါပေမယ့်လည်း သူ့နာမည်ကို ပြောတဲ့အပြင် အခြား ဘာမှ မရှိပါဘူး။
မူလဆရာသခင် ကျန်းဇန်နဲ့ ကျန်းတျန်တို့က ယန်ချီရဲ့ နာမည်ကို ကြားလိုက်တဲ့အခါ အံ့အားသင့်သွားတာကြောင့် အသိစိတ်တောင် လွတ်သွားခဲ့ပါတယ်။
“မင်း. . . မင်း. . .”
ကျန်းဇန်က အံ့အားထိတ်လန့်နေတာကြောင့် ဘာပြောရမှန်း မသိပါဘူး။
ခဏလောက်အကြာမှာတော့ ကျန်းဇန်က ရုတ်တရက် တစ်ခုခုကို ရုတ်တရက် နားလည်လိုက်ပါတယ်။
“ငါ အခု နားလည်သွားပြီ။ မင်းရဲ့ နာမည်က ရှေးဦးဆရာ ယန်ချီနဲ့ နာမည်တူတာကြောင့် မန့်ရှန်တောင်ကုန်း နတ်ဆိုးလှိုဏ်ဂူက နတ်ဆိုးမိစ္ဆာတွေက မင်းကို နားလည်မှု လွဲတာ မှတ်လား”
ကျန်းဇန်က ယန်ချီကို ကြည့်ပြီး ပြောလိုက်ပါတယ်။
ကျန်းတျန်းလည်း သူမအဖိုးဖြစ်သူရဲ့ စကားကို နားထောင်ပြီးနောက် သူမရဲ့ လှိုင်းထသွားတဲ့ စိတ်က ပြန်လည်တည်ငြိမ်သွားခဲ့ပါတယ်။
“ဒါက နာမည်တူတာကြောင့်လား”
ယန်ချီက ခေါင်းကို ခါယမ်းလိုက်ပြီး ကူကယ်ရာမဲ့စွာ ရယ်လိုက်ပါတယ်။
“မဟုတ်ဘူး။ ကျွန်တော်က ရှေးဦးဆရာအဆင့် ယန်ချီပဲ။ ဒါပေမယ့် ကျွန်တော်စွမ်းအားက ရှေးဦးဆရာအဆင့်ကို မရောက်သေးဘူး”
“ဒါ. . ”
ကျန်းဇန်နဲ့ ကျန်းတျန်းတို့က တစ်ယောက်ကို တစ်ယောက်ကြည့်ပြီး အံ့သြမှင်တပ်နေခဲ့ပါတယ်။
သူတို့တွေက ယန်ချီ ဘာဆိုလိုချင်တာလဲ ဆိုတာကိုနားမလည်သေးပါဘူး။
ယန်ချီက ကျန်းဇန်နဲ့ ကျန်းတျန်းရဲ့ အမူအယာတွေကို ကြည့်ပြီး ဆက်ရှင်းပြချင်စိတ် မရှိတော့ပါဘူး။
သူက ကျန်းဇန်နဲ့ ကျန်းတျန်းတို့ကို နတ်ဆိုးမိစ္ဆာတွေကို အပြင်ကို ခေါ်ထုတ်စေချင်ပါတယ်။
YOU ARE READING
နတ်ဘုရားရေးရာ ဓားဆွဲထုတ်ခြင်းစနစ်( ယန်ချီ )စနစ်စာစဥ် အတွဲ ၁ (ခွင့်ပြုချက်ရပြီး)
Adventureယန်ချီရောက်ရှိသွားတဲ့ လောကကြီးမှာဆိုရင် နတ်ဆိုးမိစ္ဆာတွေနဲ့ လူသားတွေက နေရာလု တိုက်ခိုက်နေကြပြီး တနေ့မှာတော့ ယန်ချီက စနစ်တစ်ခုကို မတော်တဆ ရရှိသွားခဲ့တယ်။ အဲ့ဒီစနစ်ကတော့ ဓါးဆွဲထုတ်ခြင်းစနစ်ပါပဲ။
