﴿ الحظرية و الشيخ فهد ﴾ حقيقية

السابع عشر

من اسئله يكولي يغارن منج غدورتي

مرت ايام واني وفهد عصافير حب

وصار عندي حمل صح تعبت بفترة الحمل وكله نوم

ومالي خلك شي اهلي مرحتلهم همة اجوي بقو يمنه كم

يوم ورجعو لبابل..وفهد مدللني اخر دلال..بدت بطني

تكبر بشهر ال٧ دخلت وحركتي ثكلت...بيوم اتصلو

على فهد  وراح طاير من الفرحة بس معرفت شي

بقيت بالغرفة

للعصر سمعت صوت جوا وهلاهل نزلت لكيت ثنين

شباب عبالك اترك مو عراقيين ..

أم علي حاضنه واحد منهم وتبجي والخ يسلم على

الولد وعلى جمره.. بقيت اباوع عليهم من باب

المطبخ الحجية صاحت يلا حظرن ماي اكل

اخاف جوعانين رحت حظرت مي وجيت يمهم

.غدير  السلام عليكم

.علي و اركان وعليكم السلام

.اركان منو هاي شارده من الجنة

.صكر ونمر هههه لك هاي حرمة الشيخ

.غدير شكد خجلت من كال هيج قدمت الهم

المي وسلمو علية.  اركان يحشش هواي وعلي جدآ

هادء.. وخجول. هيج حسيته

.اركان اكول خويه فهد  وين لكيت هل حوريه

ماعدها خوات وانا هناك واكول لعلي مرت فهد تشبه

نمر ههههه

.نمر وشبيه انا احلى منك.

.فهد الغيرة كلت كلبي وهذا مابطل يشاقه ويحرج

بغديرتي اعرفها شلون ترتبك .

كتله خايب  ماتعرف تحجي يريكان حرمة اخوك

لاتحجي وياها هيج اعدل كلامك وماعدها اخوات انا

حصلت غدير  بمعجزة..

.اركان وآلله يخوي اتشاقه وياكم بس حرامات ماعدها

اخوات هههههه

أم الشيخ كف عنها يمه شمالك استلمتها حاصل فاصل.

.غدير اني بس ابتسم وفهد  يخوز بيا.

.ام علي يمه علاوي هاي مريت اخوك فهد  دشوفها

جنها البخت. خطية ماتخليني اشتغل

.علي شلونج خيتي ان شاء الله مرتاحه هنا

ربي يحفظج امي دوم تسولف بيج

.غدير  ستحيت من كلام خاله أم علي وابنها

تسلم خويه امك هية امي.

بعدها اجتي جواهر واهل زوجها وجمره وعلياء

كاعدت يم اركان وعلي .. والتهينة بالعشاء والتحضير

واجوي عمامهم صار البيت هوسة

صبينة العشاء سفرة وحده جبيرة وفهد كعدني يمه

ماكدرت اكل احس كلهم عيونهم علينة.

وأركان مابطل تحشيش وضحك يساوي اجواء حلوه. 

بالكعدة..

خلص اليوم وجاان متعب وثاني يوم من الصبح اجوي

بيت جلال وياهم اهل زوجته يلي همة بيت عمه بناتهم

3 ولد 3 عايشين ابابل

وهمات جان يوم متعب والم ضهري موتني

لان بشهر ال٧  فهد عيونه علينه من التمو عمامه وكل

شويه وكال شعرج ايدج صوتج لاضحكين طلعها

لروحي واخواته يضحكن عليه

مرتين غيرت دشداشتي لان يكول حاصره جسمج

هية عاديه بس فهد  يشوفها مخصرة.

بالليل واكفين نغسل مواعين اني وجمره  وعلياء

ودخل للمطبخ ابن عمهم اسمه نائل يصير اخوها لنازك .

.نائل سلام صبايا هاي شنو مشغلينكم بنكلادش ههههه

.جمره  وعليكم السلام هههه لا شنو بنكلادش بس غير

هواي مواعين تعال ساعدنه

.علياء اي لك تسوي فضل وتكسب بينا اجر ههه

.نائل لا يابه شغلتكم هااي انتم بنكالي طبعآ محشومه

زوجة الشيخ اله صدك انتي بابلية ترا سئلت نازك

عليج لان مبينه مو منا

.غدير  اي من بابل اني شلون مبينه يعني

.نائل هنا عبالك زلم متشوفين جمره وعلياء يشبهن

شلتاغ هههه انتي ناعمه ونازكه حليوه الله يحفظج

.غدير  تسلم خيي كلك ذؤق بس ترا البنات حلوات

مااقبل تحجي عليهم.

.جمره وعلياء بقن يتعاركن ويضحكن ويا نائل

قراءة ممتعة