﴿ الحظرية و الشيخ فهد ﴾ حقيقية

الواحد والعشرون

أم فهد يمه نسمه ماكو احسن منها بس احجي ويا فهد

.صكر فهد تحجي ويا غدير وانتي احجي ويا جواهر

تشوف نسمه شنو رايها قبل لا ناحجي عمي

.ام فهد خير ان شاء الله وليدي الله يجعلها من نصيبك

.غدير انتظرت فهد باليل من رجع اكول حبيبي عندي

وياك موضوع بس مااريد اعصاب وعياط خليك هادء

.فهد الله يستر شعندج بعد

.غدير اهوو شنو احجي لو نشد الموضوع

.فهد لا بويه احجي اسمعج

.غدير اوعدني متعصب

.فهد يابه اوعدج دحجي

.غدير صكر يريد يزوج

.فهد صدك تحجين بداعت اعزاز كلبج ياهو كالج

صكر هوة كالج يا رايت الله بيضه

.غدير هاي شبيك خلي احجي متوقعت هيج حتفرح

.فهد خايبه شلون ماافرح هذا صكر اتمنا اشوفه

عريس مات ابوي وهوة بحسرت يشوفنه انا وصكر

عرسان ويشوف خلفتنه

.غدير بس ماعرفت العروسة منو

.فهد منو لو باخر الدنيا اروح اخطبها اله

.غدير لا مو باخر الدنيا قريبه علية منريد

نتعبك وهية بنت عمك

.فهد بس لا قصدج نهى

.غدير لا تعصب شبيك موو نهى يريد يخطب

نسمه بنت عمك

.فهد شنهي نسمه ماغيرها

.غدير اي حبيبي كم نسمه عدكم شبيك اختفت

الفرحه والضحكه من وجهك

.فهد ولج هذا صكر مايتوب وشعندة ويا نسمه

احجي خايبه

.غدير ع كيفك ماعندة شي وياها بس اريد اخطبها ترا

عادي ماكو داعي للعصبية يريد زواج على سنة الله

ورسولة شبيك وبعدين نهى شي ونسمه شي لا ادخل

موضوع بموضوع نسمه قريبه عليكم بنت عمك واخت

صديقك وحمات اختك بنفسك الوقت افتح الموضوع

ويا عمك وابنه انطوها خير على خير منطوها ترا كومه

بنات ونزوجه..

.فهد صافن عليها شلون تحجي اول مره انتبه لكلامها

مخلصتها وياي عرك وغيرة مالها معنا شلون تسولف

هسة كملتي غدورتي

.غدير انتبهت لنفسي عصبية واحجي عبالك يركضون

ورايه هههه لا انوب يكول كملتي بهدوء

شكد فشلت كتله اي

.فهد صار وتدللين باجر اروح احجي ويا عمي وانتي

وامي هم امشن ويانه حاجن مرت عمي والبت

اخاف ماتريد

.غدير يعني وافقت اووي فدوة لحبيبي رحت لحظنة

وابوس بي وبعدين البنت كلنه لجواهر تحاجية

وترجعنة الجواب

.فهد ايا منعوله مدسترة السالفة وجاية ادكين ناعم

وتبوسين ماتنكدرين صايرة

غدير اغمزلة واكوله اعجبك اني بس انت مستهزء

بقدراتي

.فهد دكومي طفي الضوء خلينه انام يمقدرات

.غدير بس لحظه اشوف جواهر شنو كالت وارجع

رحت لجمره وكالت اي اتصلت ودكول موافقه وفرحت

هواية رجعت لفهد كلتلة حتى نروحلهم نخطبها باجر 

فهد يلا لج تعاي لحظني وكافي لغوه اي حبيبي تأمر

💏💑.. 

وثاني يوم رحنه لبيت عمهم وخطبنة نسمه حددنه

موعد الخطوبه بعد يومين الجمعة فهد كله

مستعجل منلحك البنت متحلك ليش الستعجال يكول

شعدكم بيومين كملو اموركم وفعلآ كدرنه بيومين

نحظر كلشي للبنت فقيرة ومينسمع الهة صوت وكله

بكيفكم.  حجزنه صالون واشترينالها فستان اوفايت

للمهر وعزمنه كل عمامهم

بيوم الجمعة الصبح اجه الطباخ يطبخ بالحديقة

فهد حذرنه ممنوع الصوت اجوي بيت جلال نهى

مااجت بس رنا واهلها ب 12 اخذنه العروسة لصالون

اني وجواهر طلعت تخبل نسمه شعرها اسود طويل

لجوا خصرها وبيضه عيونه لونهم ازرق عبالك السماء

الصافية من تباوعولهم وقصيرة جسمها حلو رفعت

شعرها أم الصالون والباقي سوته لورات ومكياج

خفيف طلعت تخبل لعابه فدوة واني وجواهر همات

مكياج وفساتين مال محجبات اني فستاني مال حوامل

شي نازك وحلو وكل شؤي يتصل فهد مااريد مكياج

مااريد شي حصر البسي شي راهي والله ياغدير اذا

مسمعتي الكلام اكلبة عليج عزا مو فرح

واني صار تدلل حبيبي بس اريد يمشي اليوم ومتخرب

فرحت نسمه وصكر.

اجانه نمر بالسيارة نزلنه نسمه وجواهر لبيتهم واني

رجعت للبيت ويا نمر اخذ الطريق يلغي اني علية بس

الكراوي التعبانة روح اخذهن امشي ردهن شني

ماتحاجين رجلج بس نمر كدامه

قراءة ممتعة