صدمت عمري

134 14 44
                                    

زهراء.. سحبني حسام ونمت كعدت على عيطت مهند حتى ردت اوكع من ورا باوعت على حسام لو ما اني بحضنه جان كام كتله همزين اني بحضنه

مهند.. رحت شفت صديق الي ورجعت ردت اروح للغرفة بس كلت خاف حسام الوحده وزهراء نايمه خليني اروح يمه خطية دخلت للغرفة لن طلبت نسخه دخلت وشفت حسام منوم زهراء فوكاه وحاضنها ونايم شعوطت .. ولكم ماتستحون احترمو وجودي وياكم همزين اني وياكم جان الله اعلم شسويت بزهراء وانتي مو جنتي نايمه شجابج هنا شنو صايره تمشين بنومج واني ماادري تعالي نامي جوه .. سحبتها ودخلتها للغرفة نومتها على الجرباية ونامت طلعت سديت الباب رحت وكفت كدام حسام وكلبت وجهي عليه .. حسام ليش هيج تسوي ليش تريد تاخذ مني طفلتي البريئة ولك من اشوفها نايمه يم احد ومرتاحه بحضن غيري اتخبل فوكاها منومها فوكاك لك ستحي شويه ولك والله العظيم احسها بعدها طفله ليش محد يفهمني ياهو احجيله يكولي تغار لن راح تزوج وانته بعدك ولك والله احسها بنتي ربيتها من جان عمرها سنه علمتها تمشي اني اول واحد تحجي ويا كالتلي ابا تعرف بوكتها حسيت ملكت الدنيا ومابيها وهسه حضرتك جاي على الحاضر تاخذها مني على الاقل انته افهمني انته مو صديقة من ايام الابتدائية افهمني يااخي 😤

حسام.. صح عصبت منه بس من حجه وفضفض عرفته مقهور هم حقه لن هو الي رباها وكبرها .. افتهمتك بس انته هم افهمني اني هم احبها اذا انته تحبها فاني احبها اكثر منك ولك حسيت روحي ترجعلي من اشوفها قريبة مني افهمني مهند من اشوف شخص غيري يحضنها اتخبل احسها مالتي لوحدي شي يخصني احسها روحي اريدها تبقى يمي ومامستعد اخسرها باي شكل من الاشكال ولو عندي شي اذا عرفته مامتاكد اذا راح تقبل تبقى وياي بعد ما تعرفه ممكن يهدم كلشي بنيناه بثانيه وماريد هذا الشيء يصير بس مستحيل يبقى سر راح يجي يوم وينعرف ويهدم كلشي الاحلام والامنيات كلشي اووووف

مهند.. شجاي تخربط انته شنو سر شنو يهدم كلشي شبيك حسام شجاي تحجي

حسام.. هاي الحقيقة الي مراح اكدر اواجه احد بيها لن مستحيل احد يفهم صعوبة الموقف

مهند.. حسام كل هذا عوفه على جنب وكولي هل شي يخص زهراء وياذيها لو لا

حسام.. اكثر شخص راح يتاذه وينجرح ومراح يفهم الوضع هي زهراء

مهند.. شنوو احجيلي شكو صاير هسه حسام كلشي ولا زهراء تخرب فرحتها

حسام.. زهراء نامت

مهند.. اي نامت

حسام.. دكوم لعد خلينه نطلع نتمشى وشتريد اسال واني اجاوبك خوش

مهند.. خوش يله لعد .. طلعنه نتمشى دخلنه كهوه طلبنه جاي ونركيله. اجي احجي يا استاذ

حسام.. هو اني عندي......😇

خلينه نروح لزهراء وبعدين نرجع

زهراء.. كل الكلام الي صار كدامي خلاني ماعرف شنو اتصرف شنو قصده بسر وليش اني اكثر وحده راح اتاذه ياريت لو باقين حتى اعرف شنو هل سر وليش ضامه عليه معقوله خطير لهل درجه شنو هو يالله راسي راح ينفجر شنو الشي الي راح يخليني نهدم احلامنه وحبنه شنو اوووف ياربي انشالله ربي يحلها من يمه اوووف ياربي من يمك اريدها طلعت كعدت بلصاله تقريبا مرت ساعة ونص واجوي حسام مبين تعبان ومهموم ومنهد معصب اني من خوفي ركضت حضنت حسام خفت لا صدك اخسره وينكسر قلبي وقلبه واني ماريد هذا الشي يصير لن تعبت من البعد تعبت وتاذيت وماريد هل شي ينعاد ابدا ومااتمنى احد يفقد حبيبه ابدا حضنته وجهي صار على مهند .. وين رحت وعفتني لوحدي ديربالك بعد تسويها وتعوفني لوحدي افتهمت.. شددت على حضني اله وهو هم حضني قوي وهز راسه صارت عيوني على مهند الي عيونه كامن يلمعن عرفته يريد يبجي يعني لهل درجه هذا السر راح ياذيني معقوله حسام ياذيني ويكسر قلبي معقوله يعوفني بيوم واني مدمره لا لا مستحيل يسويها لا والله ميكدر يسويها لن هو يحبني يموت عليه ومستحيل يكسر قلبي حسيت جسمي كام يرجف من مجرد التفكير حسام وخرني من حضنه لزمت ايده حيل وهزيت راسي ب لا والله كمت اخاف يعوفني بلحضه ويختفي باوعت على مهند الي نزلت دمعته عليه سحبني حسام كعدني على القنفه وراد يكوم لزمت ايده رجع كعد وكمت كعدت بحضنه شلون الطفل من يكعد بحضن امه ويخاف تكوم وتعوفه بين وحوش كام مهند جابلي مي شربته مره وحده واخذ الكلاص واني ايدي ترجف باوعت بعيون حسام كلهن خوف وقلق مستحيل هاي النظرات تكون جذب مستحيل المشاعر الموجوده تكون جذب لا لا اكيد اكو غلط بس ماريد اعرفه ماريد حضنت حسام واني كاعده بحضنه خليت راسي بركبته وبجيت اي بجيت لن مستحيل اتخيل حياتي وحسام ماموجود بيها لا ما اكدر حاول يوخر وجهي منه حتى يعرف شبيه ابجي.. لا لا تعوفني حباب والله اني احبك اموت اذا عفتني حباب

جنت مدللة من رحت فصليةحيث تعيش القصص. اكتشف الآن