جنت مدللة من رحت فصلية

حبيت العب باعصابه

زهراء.. قراري مو هسه اخذه خليني ارتاح وافكر بهواي اشياء لن الشي الي سويته مو سهل ابد لن اني جنت احسك مالتي لوحدي احسك شي خاص بيه ملكي مسجل باسمي وحلالي لوحدي بس طلع اكو شخص غيري اله الحق بيك يعني انته مو بس الي لا انته لطفلتك وعندك بعد طفل جاي بطريق وعندك م مر مره ثانية تشاركني كلشي بيك هذا الحضن وهذا العطر وهذا الدفو والحب والحنان ويمكن حتى قلبك مو الي لن مستحيل احد يحب او يعشك يخلي شخص غير محبوبه ينام هنا .. حجيت اخر كلمه بحصره واني اشر على مكان قلبه كمت من حضنه رحت للحمام وكمت ابجي خليت ايدي على حلكي حتى لا ينسمع صوتي سمعت صوت هوسه بره عرفته مهند لبست الفستان وعدلت شعري بس لون الاحمر الي بعيوني شلون اخفي طلعت من الحمام لبست حذائي وطلعت بره الغرفه واني ابتسم نزلت وكفت كدام مهند الي عيونه كامن يلمعن عرفته راح يبجي .. تره مابيه شي دودي

مهند.. من طلعت من بيت افيان ضليت اركص وياالولد ونضحك سمعت سيارة شحطت باوعت عليها سيارت حسام تعجبت لن مستحيل يسويها ويعوفني بهيج يوم وخاصتن كلها منتظره زواجي خلصت الحفلة وانتظرت البنات يجن حتى نرجع اجني ريم وزينب باوعت ..عليهن لعد وين زهراء

ريم.. والله مادري من طلعت انته كامت تركص تعبت وكعدت انوب راحت تشرب مي وبعد مارجعت عبالنه انته رجعتها للبيت

مهند.. عرفت حسام ماخذها غصب صعدت بسيارة وخليت البنات احمد يرجعهن مشيت بسرعة كلش وضلت ب5 دقايق دكيت الباب ماكو دكيت قوي نزل حسام بدون بدي وعيونه حمر شعره مخربط عقلي كام يودي ويجيب هواي اشياء كامت تخطر براسي دفعته دخلت..وين زهراء وشعدك اخذتها بدون متكول هااا متحجي شبيك ساكت شايف اذا تطلع مسويلها شي حضك اطيحه افتهمت لو لا زهراء بويه وينج تعالي اطلعي

حسام.. مهند شبيك كلبت عليه تره انته تعرف البيها ليش هيج كلبت عليه تره والله اني بشر حسو بيه تعبت وتاذيت وهسه ماريد اخسر فرحتي لن زهراء فرحتي الاوله والاخيره افتهمت اذا حاولت تبعدها عني امحيك من الكره الارضية افتهمت امحي شي اسمه مهند والله

مهند.. انوب فوكها يعني زهراء رادت تموت من وراك وهسه جاي بكل صلافه تعلي صوتك لك افتهم زهراء سمعت الخبر منك وكف قلبها مرتين تخيل اذا تشوفها شيصير بحالها ولك خلي عندك شويه رحمه وعوفها لحال سبيلها.. سكتت من سمعت الباب نفتح نزلت زهراء هم عيونها حمر من احس بيها باجيه احس قلبي يوجعني بس ما بيدي شي عليها عيوني كامن يحركني وحجت حضنتها وبجيت.. ولج خفت عليج شلون ينطيج قلبج تعوفيني بسبب هل الاثول الي ميعرف قيمتج اذا رتي سبب للحياة اتذكري كل الاشخاص الي يحبوج ماشي بنيتي

زهراء.. ماشي ياروح بنيتك بس اشرب مي واجي

حسام.. اليت بيتج هذا المطبخ

زهراء.. شكرا.. دخلت للمطبخ ادور على كلاص اشرب مي لكيته وترست مي وجاي اشرب اندك الباب ردت اطلع صار حسام ومهند كدامي مهند فتح الباب فتح عيونه ياا هذا شبيه صوت رجال جبير يحجي