ڪف السلاطين

مقتطف ♠

# کْفُـ 🖐 الســــلَأّطِيِّنِ

بقلمي : ريـام السـاعدي 🦋

ـ لا تنسـون التصويت والتعليق بين
الفقرات + متـابعه لحسـابي 🍒❤

.....  ﷼

-  أهووو

شيريد يسوي خل يسوي ميهمني
اني مااخاف من اكبر واحد زين؟
اذا هو رجال خل يجي ويواجهني
لايضل كل ساعه داز چلابه عليه
خل يطلع لايضل خاتل وره النسوان
عود خل يجي للشركه ونتواجهه..

ـ فزيت ع صوتها وهي تحجي بكل
ثقه وبرود وهادئه عڪس عادتها
القديمه رفعت رأسي واني ميته
من النعاس والجو يگص من البرود
بودي مااگوم وارجع اتلفف مثل الدولمه
بالغطا لحد مااشبع نوم بس  مااگدر
لأن ورانه شغل ومسؤوليه باوعتلها
گتلها هاي شعدها متصله عليج من
الصبح شايفتج بحلمها ردت عليه
وهي تكمل لبس..

ـ نفس السالفه ماكو جديد..

ـ دفرت الغطا يبووو مانخلص منه
شگد لزگه باعي ليش منعوفهم والله
هذوله شرانين وخاف يأذونه مابيهم
واحد زين البنات العن من الولد شفتي
نظراتهن عبالك كاتلات أهلهن بنات
ابليس شگد لوگيات..

ـ اصبري هانت.. يلا اتجهزي خل
نروح واني احل السالفه زين..

ـ رديت عليها الله يساعدج شتحلين
هنه وحده اثنين يجوز هاي المشكله
هينه بس سالفتنا مالها اي حل تدرين
شنو نهايتها واكعين بين نارين والا
ماتلوحنه ونحترگ بيها..

ـ ولي يسلمج لا ترجعين تعيدين نفس
الكلام زين؟

ـ تمام اسفه والله مو قصدي بس اني
مو مثلج اكدر اكتم بداخلي واسوي
روحي مصاير شي النهار كله شاغل
تفكيري واكل بروحي والف شغله تخطر
ابالي احسدج ع قوتج وصبرج والهدوء
الي انتي بيه..

ـ لا تحسدين زين

ـ تمام.. لبسنه وتجهزنا وركبنا بالسياره
انفتحت اغنيه وليد الشامي الصدفه
الي خذتني يومها صوبه ردت اغيرها
لو انصي كالت لا خليها اريد اسمعها
رغم شگد تكابر بس كلشي واضح
مبين عليها الطريق كله سكوت لا
اني ولا هي فتحنا اي موضوع لأن
خلصت طاقتنه من الكلام لحد ما
وصلنه للشركه اتفاجأنا بماكو ولا احد
والمكان شبهه فارغ استغربنا وصرنا
نتلفت ندور ع احد طلعت موبايلها
رادت تتصل بس اجتي بنت ابليس تتمايل گدامنه وصاحت بصوتها
الي يخلي الواحد يتقيأ بمكانه من
گد مياعته..

ـ صباااااحووو..

ـ ماردينه  عليها بس سألناها وين
البقيه..  وين شو ماكو احد هنا

ـ اي صح انتي ماعندكم خبر..

ـ خبر شنو

ـ الشركه انتقلت بمكان ثاني

ـ واحنه ليش ماعندي علم

.. جاوبتها..
ماادري شوفي نفسج بيش موضجه الأوستاذ ومحد بلغج واضح معزتج

صارت صفر عنده مو گتلج من  قبل انتي
نزوه بالنسبه اله اني لو منج استقيل
وانهزم بمكان ميلگاني بيه..

ـ مو اني الانهزم.. العنوان وين

ـ عود شجاعه هههه هاج بهاي الورقه  ..

ـ هي اخذت منها الورقه واني رجعت سألتها  شنو انتي عافوج اهنا حراسه لو مبقيج علمود تبلغينه؟

ـ الكل بالكل اني اچيگ المكان والحگهم
معاش اليعوفني..

ـ جاوبتها اي صح من جهه كلها تريدج خدووومه الله يسلمج ماتگولين لاااا..

ـ شقصدج!!!

ـ مقصدي شبيج اتحسستي

.. ردت عليه..

ـ نهايتكم  قربت..

ـ شنوو عفوا ماسمعت؟ اي نهايه..

ـ عبالج راح يعفوچ!

ـ خلاص اتركيها..

ـ يبوو ولا تخلين الواحد يتعارك
امشينه يلا....

مشينه من يمها وهي
ميته قهر منه عفناهه احنه بيا حال
وهي عباله ميتين ع الاستاذ مالتها ماتدري مانشتري بفلس وهو اصلا
مايسوه اول وصلنا للعنوان المكتوب
بيها جانت عماره بمنطقه شبهه مقطوعه.انخطف لونا وحته السايق سأل يمعودات متأكدات هنا العنوان وين اكو شركه بيهج بمكان خاف تريدن تورطني 
معرفنه شنو نرد ولا خطر باله شي ثاني
قررنا ننزل ونروح للعنوان وهو راح بسرعه اذكر كلامهت  گالت ثالث طابق
النه ويا مجاي هستونا نريد ندخل جوه مانحس السيارات حاوطتنا من كل مكان هي لحظه خوف وصدمه جمدت كل اطرافنه ويا اخر جمله  سمعناها محد يلعب ويا الاستاذ  .. اخذوهن يلااااا...

♠♠♠

  ـ يتـــــــــــــــــــبع...