Unicode
မရင်းနှီးတဲ့ပတ်ဝန်းကျင်တစ်ခု . .
ဘယ်လိုပတ်ဝန်းကျင်လဲဆို အခု သူရောက်နေတာက ဆူညံပြီး ပျော်ချင်တိုင်းပျော် သောက်စားချင်တိုင်းစားလို့ရတဲ့ လူငယ်တွေရဲ့လွတ်လပ်ရာနယ်မြေ။
ပထမဆုံး တက္ကသိုလ်မြေစနင်းတဲ့နေ့မှာပဲ ရင်းနှီးသွားကြတဲ့အထိမ်းအမှတ်ကြောင့် သူငယ်ချင်းအပေါင်းအသင်းတွေဆွဲရာနောက် သူ လိုက်ခဲ့ရတာ။ ဒီလိုနေရာမျိုး မွေးကတည်းက ရောက်ဖူးခဲ့တာမဟုတ် ..
မာမားတို့သာသိရင် ဆူလောက်တော့မှာ ဆိုတဲ့အတွေးကြောင့် ကောင်းကောင်းကြီးလည်းမပျော်ရဲ . . အင်္ကျီမှာ အရက်နံ့တွေစွန်းကုန်မှာလည်းကြောက်သည်။
တကယ်တော့ သူပျော်ချင်ပါတယ် . ဒါပေမယ့် ဒီလူတွေကြားထဲ ဘယ်လိုပျော်ရမှန်း မသိလို့သာ .. အတင်းတိုးဝှေ့ကနေတဲ့အထဲ သူရောက်သွားလို့ အနင်းခံရရင် ဘယ်လိုလုပ်မည်နည်း ?
" ဟ ဆော့မက်သရူး ဘာထိုင်လုပ်နေတာလဲ . လာလေကွာ "
လက်ယပ်ခေါ်နေသည့် သူငယ်ချင်းကို ရှုံ့မဲ့မဲ့သာပြုံးရယ်ပြလိုက်ပေမယ့် နေရာကမရွေ့ .. ထိုချိန်မှာပဲ အိတ်ကပ်ထဲမြည်လာတဲ့ တုန်ခါနေတဲ့ဖုန်းကြောင့် မက်သရူးဟာ လွယ်အိတ်ပိုက်လို့ အပြေးထွက်ခဲ့ရတယ်။
.
.
" မာမား သားကိုစိတ်မပူနဲ့လို့ .. သူငယ်ချင်းတွေအများကြီးရှိတယ်၊ နောက်မိနစ်သုံးဆယ်ဆို အတည်ပြန်လာပါ့မယ် ကတိပေးပါတယ် မာမားရယ် "
အထပ်ထပ်အခါခါပေးလိုက်ရတဲ့ကတိတွေ . စိတ်မပူကြောင်းပြောရတာတွေ။ တစ်ခါတစ်လေတော့ သူများတွေလိုလွတ်လပ်ချင်ပေမယ့် မာမားတို့က သူ့ကိုဘယ်လောက်ချစ်ကြောင်းသိရပြန်တော့လည်း မလွန်ဆန်နိုင်ရဲပေ။ ပြောရရင် လူကြီးတွေကို စိတ်ဆင်းရဲအောင်လုပ်မယ့်ကလေးမျိုးထဲ သူ က ဘယ်တော့မှပါလိမ့်မှာမဟုတ်ဘူး။
" ဖြောင်း ! "
အနောက်ကိုအလှည့် လူတစ်ယောက်ပါးရိုက်ခံရတဲ့မြင်ကွင်းနဲ့ တည့်တည့်တိုးတဲ့အဖြစ်။
လွယ်အိတ်ကိုကျစ်နေအောင် ပိုက်မိရင်းကနေ နေရာကလည်းမရွေ့ .. ရှေ့ကလူနှစ်ယောက်က ဘာပြဿနာဖြစ်နေမှန်းမှမသိတာ ဒါကိုသူက ထိုလူနှစ်ယောက်ကြားထဲက ဘယ်လိုသတ္တိနဲ့ ဖြတ်ကျော်ရဲပါ့မလဲ ?
