مشهد 🔥🔥

37.6K 1K 74
                                    

بسم الله الرحمن الرحيم
——————-
#الكاتبة .. فاطمة الأسدي

// المشهد

الساعه / 3:7 يوم الثلاثاء شهر الـ 4 .
دخلت للغُرفة ؏ أطراف رجليه امشي

الغُرفة باردة ثلج وهدوء وظلام.. لدرجة كُلشي ما اشوف غير الضوء الي داخل شوي من فتحة الباب

سديت الباب وحل ظلام دامس.. حجيت اردد بگلبي خاشية يكعُد

- اللهِ بس اخذه واطلع ليكعُد دخيلك محبوبي.

حجيت هلكلمات بگلبي ميته خوف، وشلون ما اخاف واني داخلة غُرفة اكثر شخص مُرعب عرفته بحياتي!

تقربت امشي ؏ كيف وأتلمس بالارجاء وادعي من كُل گلبي لا يطلع صوت او اوكع شي مناقصني ابد لأن حـ اللزم اكيد واني بنُص هلزلك ... شغلت فلاش التلفون

ولزمت يدة الخزانة الاولة وفتحت بابها بـ ايد وحدة لأن الايد الثانية حاملة بيها الفلاش ..فكيت عيوني من ظهر صوت خفيف من الخزانة

ييييمه! فز اكيد فز عمتي كالت يفز من اقل حركة هَلا هَلا هذا الناقص هلهل يلساني شو هلهل كملت

كعدت ادور عَليه بنُص الملابس اُصخااام وين صرت ابن النعجة

لكيته واخيرًا

شُكرًا جزيلًا ربي بالنبي متنوصف شكد كريم احبببك

لزمته بالايد الي بيها الفلاش وصار هو والفلاش واحد هسه يوكع من ايدي ويتفلش واللزم سوده بوجهي افكار افكار!

سديت باب الخزانة ؏ كيف دا اغلُق باب الخزانة الُخ وحسيت ايد شخص صارت ؏ ايدي وسدت الباب قوي ورجعتني عليه

وأيد ثانيه هماات صارت ؏ حلكي وضغطت عليه بكُل قوتها

وسعت عيوني ربيييي هوو اكيددد

رحت بيها وسعت عيوني وغلقتهم سريع دنك راسه ؏ فارق الطول بينا وصارت انفاسه يم اذني ونطق بهمس بصوته الخشن

-شتسوين هناااااا! يَا طركاعه الله ؟


في ذالك المكان المُخيف الذي يكسوه ظلام الليل الحالك وستار السكون يطغى عليه .. أصوات صاخبة وكلام حاطم يخرج من افواهُ ناسه واظنهُ لي .. كُل ما يُرى ضوء القمر الخافت الذي اضفى رعُبً ؏ الأجواء .. كانت تلك الفتاة المسكينة تركض حافية القدمين الى المجهول ملابس بالية ودماء كست جسدها الأنثوي الذي يقاوم بصعوبة شديدة كانت تلهث وتحاول الصمود ودموعها كالشلالات المنهمرة طريق غامض وهي لا تدرك كيف أتت الى هنا كل ما تعرفه انه عليها النجاة بحياتها نحو الملجأ ولكن اي ملجأ ؟
ها هوَ ملجأي أتي نحوي رجلاً اسمراني يحوط بهِ النور فاتح يديه وينظر لي ونظراته تخبرني بأنه الحياة الجديدة حياة احلامي ولكن لحظة ! ذئب وجعار شرس عافس غامض بارد مُرعب كاره للحب والسعادة اهوَ هذا الملجأ !!!

فـ كيف هي النجاة من قبضة الوجعَار ؟

يتبع ...

" في قبضة الوجعَار "

قريبًا

للكاتبة .. فاطمة الأسدي 🐆

حساب الانستا @fatima_alasidi اطلبوه ويطلع الكم بالبحث وموجود الرابط بالبايو كلشي ينشر حيكون بيه ♥️

في قبضة الوجعَار حيث تعيش القصص. اكتشف الآن