أحتاج شمعة لإنارة حياتي

Part"18"

#أحتاج شمعة لإنارة حياتي
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#غزل
. كعدني الصبح فهد اخذني ڷــ بيت اهلي من بعد ما سويت اكل إله بلشت اتعلم واحفظ حركاته دائما صبح يريدني كاعده وياه اسويله اكل و اودعه قبل لا يروح من خلال هاي الايام لي راحت عرفته ودعته ونزلت دكيت الباب شوي وطلع بابا سلم عليه وراح دخلني بابا للبيت وسد الباب
- علي :- شلونج بابا
- غزل :- الحمد الله وأنتَ شلونك
- علي :- بنعمه

. اخذني ورحنه دخلنه جوا لصالة
- غزل :- لعد ماما وين
- علي :- نايمه روحي انتي هم نامي بغرفتج
- غزل :- وأنتَ
- علي :- رايح لدوام
- غزل :- اسويلك اكل
- علي :- لا بابا اني اسوي روحي ارتاحي
- غزل :- ماشي

. عفته دخل للمطبخ وصعدت لغرفتي فتحت الباب راحت عيوني عليها شفتها نفسها ابدا ماتغير شي منها من عفتها لحد هسه ابتسمت ودخلت نزعت حجابي وطلعت تراك خفيف لبسته وتمددت راح نضري للحلقة قربها لشفتي وبستها بقيت اباوع عليها لحد مانمت...

. فزيت ؏ صوت تلفوني يدُك طفرت بسرعه أخذته شفته فهد فتحت خط جان صوت نفس مالته كُلش عالي شلون احد راكض وره حجه بعصبية

✆
- فهد :- شني مشتهية نوم
- غزل :- نعسانه فهد بليل مخليتني انام
- فهد :- اوف اوف باع الصوت
- غزل :- شبي صوتك
- فهد :- شبي ولج
- غزل :- راحت العصبية مالتك
- فهد :- اوف تريدني افقد عقلي هسه
- غزل :- اسم الله عليك حبيبي
- فهد :- ديلا لبسي جاي
- غزل :- وين تجي
- فهد :- اخذج
- غزل :- مو عساس خفر
- فهد :- دبرتها يلا تجهزي
- غزل :- وين أنتَ هسه
- فهد :- بعدني بــ المركز دقايق ويمج اني
- غزل :- أوكي
- فهد :- يلا بوية
- غزل :- باي
- فهد :- هلا

. سديت الخط وكمت غيرت ملابسي ولميت شعري لبست الحجاب ونزلت شفت بابا وماما كاعدين
- غزل :- صباح الخير
- سرين :- صباح الظهر
- غزل :- هههه
- سرين :- بــ 1 هسه عيني
- غزل :- هلكد نمت
- سرين :- كعدتج ومتكعدين
- غزل :- اي بليل ما نمت
- سرين :- خير ان شاء الله

. كعدت يمهم لحد ماندك الباب ودعت اهلي وطلعت فتحت الباب صار بوجهي فهد
- فهد :- ها عروستي
- غزل :- هلاو حبيبي
- فهد :- هلا عيني
- غزل :- شلونك
- فهد :- زين يلا امشي

. اخذ ايدي وفتح الباب صعدني وصعد وصلنه لبيتنه ونزلت اجه فتحلي باب المطبخ ودخلني
- فهد :- انزل المسواك واجي
- غزل :- مو تتأخر
- فهد :- لا يأبه شتأخر هنا يمج