في قبضة الوجعَار

بارت 3

"في قبضة الوجعَار"

بـقلمي: فـاطمة الاسدي

أراك الأمَان لي ، ولا أريدُ وطنًا إلا قلبك🖤🫂.

لا تنسون التصويت ومتابعة الحساب والتعليق ؏ كل فقرة فضلًا♥️
——————————
-انتِ بنت ميسرةةةة؟؟؟

-ايي ؟

-يا لو تعرفين شگد تحجي ماما بيكم

خزرتها اختها وحجت بـ ابتسامة..

-تشرفنا حبيبتي احنى تعرفينا بنات حاتم ...

-ايي اعرف بس ماعرف اسمائكم

-باعي اني الچبيرة بعد اخويه اسمي جواهر وعمري ٢٤ وهاي اختي البعدي الوسطانية جيهان عمرها ٢٢ وهاي الصغيرة حياة عمرها ١٦ سنة

باوعت للصغيرة بـ اندهاش..

-مو معقول انتِ ١٦ يعني اني اكبر منج بسنتين بس تبينين اصغر

-حياة: هههههه عادي هذا كلام الكُل شسوي بس انتِ مو كلتي ١٧ عمرج؟

ابتسمت الها
- اصلًا كُلكم تبينون اصغر ، تشرفت بمعرفتكم و ايي اني حيصير عمري بهاي السنه ١٨ بس بعدني بشهر الثامن ادخل بـ الـ ١٨

-حياة: طولة العمر

ابتسمت الها بـ امتنان...

-جيهان: حبيبتي انتِ علمي لو ادبي ؟

صفنت هاي هم مثلي ماتعرف تسولف..

-علمي

-شلونج ويه العربي والفيزياء والاحياء

-مدبرة أموري هههههه

-هههه شدي حيلج اني هم جنت علمي وعانيت هواي بيهم درسي ؏ ملازم نصيحة

-ايي ان شاء الله

بقينا نسولف شوي وترخصت ورحت لغرفتي لطيفات ومُريحات بالسوالف مو مثل متوقعتهم وحسيتهم كتومات نوعًا ما بس هم افضل من أخوهم يدخل بكيفه

انتظرت الاذان وصليت ورجعت نمت كعدت بثمانيه لكيت البنات يمنا بغرفتنا غسق وجِنار وميقات فوك راسي

-مَلكوت: صباح الخير

-ميقات: صباح العسل يا عسل

-خير

-الخير يصيبج

-شبيج

-غسق: لج عيني كومييي تحظري للرزاله

-ليشش

-جِنار: شنو نسيتي البارحه نمتي من العصر

-ياااا صدُك زيين ليش فرحانات انتو راح اتعاقب مو اختكمم اني !!!!