" في قبضة الوجعَار "
بـقلمي: فـاطمة الاسدي
لاتنسون التصويت ومتابعة الحساب والتعليق ع كل فقرة فضلًا♥️
—————————
-اليوم اني كدامكم وكدام الكُل يشرفني ورايد اطلب ايد بنتكم ميقات لأبني رسول ع سنة الله ورسوله عاد شتكولون موافقين... ؟!
حل سكوت والصدمة ع وجوه الكل بينت اللتفتت اباوع لميقات الي تصنمت بلى حركه بس تباوع لـ عمو چوزيف بصدمة وسكوت..
رجعت نظري لـ رسول عيونه تفتر ع وجوه بابا وجدو بقلق منتظر جوابهم بـ فارغ الصبر، حچه بابا
-ميسرة: احمم والله چوزيف فاجئتنا ما چنه متوقعين
-چوزيف: هوَ صح فجاة حجينه بس ما بيها شي والزواج سنة الحياة رسول ابنكم وتعرفونه اكثر منه ماكو داعي للرفض مو بويه؟
رد عليه جدو..
-اكيد ماكو داعي للرفض همَ كبروا وابن عمها خوش رجال ونعم من رسول تربيتي وقسمه زينه ومراح يلكه وحدة احسن من بنيتنه ميقات تصونه وتعرف القوانين وحياتنا تكدر تتعايش ويا بسهوله اني موافق بس بقت يم ابوها الرأي اله
-چوزيف: الولد عاشكهه لا تكسرون بخاطره ومستعد يعيشها احلى عيشه واني وامه مراح نلكه بنيه مُناسبة لأبنه گد ميقات ويشهد الله نحطها ابين عيونه بنيتنه هيَ ،مو ام يحيى ؟
ردت ميسون من وره خشمها وهيَ الى شويه تنفجر وتحركنه بكرهه النا..
-ايي طبعًا بنيتي ميقات نحطها بين عيونه
ضحكت بگلبي وكلت هه يُمه منچ اي كُلش حتحطيها بعينج اكبر كذابه مستعدة هسه تكومين تُقتليها خلاص وتقُتليني وياها رد بابا عليهم بـ ابتسامه..
-ونعم منكم اني حاليًا ما اكدر اقرر وانطيكم كلِمه اشوف بنتي بالاول وانطيها الوقت تفكر ويصير خير لأن هيَ حياتها وهيَ الي حتعيشها مو احنى الرأي الها الله كريم ان شاء الله خير..
حبيبي بابا كبر بعيني اكثر تفهم الموضوع اكيد شنو يردون يخلون بابا يوافق بدون ليسأل ميقات، لِنفرض ميقات مچانت تحبه شنو يجبروها تزوج شخص كُلشي متعرف عنه او مو بداخلها مشاعر اله؟ او مُمكن اُختي متريد تزوج؟
هز راسه عمو چوزيف بالموافقة ورجعوا يحجون بينهم ع الشُغل طبيعي كأنوا مفتحوا الموضوع باوعت لرسول چان كُلش فرحان وعينه ع ميقات حتى ميرمش..
ابتسمتله واللتفتت اباوع لميقات بتعجب من كامت ومشت سريع صعدت فوك هايه شنو اُختي خچلت عود هههه حبيبتيكمت صعدت وراها والبنات ورايه
YOU ARE READING
في قبضة الوجعَار
Mystery / Thrillerفي ذالكَ المُكان الواسع حَيثَ في الشمال تَقعُ منطقةً لا يُدخلها احدًا الى بـ أذنً منهم هُناك قصرًا كَـبير تسكنهُ ذئابًا حيث يُلقب بـ مَملكة الشياطين سُكان الذئاب تركع لهمَ النِسّاءَ والرجَالَ تحكم بهِ مجموعَة مِنَ الفتيات يتمُ تدمِيرهمَ يومًا تَ...
