Godly Sword System
Chapter 776 ကျိုးရွှယ်ရဲ့ အံ့အားသင့်မှု
Translated by Thura
“ဟား ဟား ဟား ”
ကျိုးရွှယ် က ယန်ချီရဲ့ စကားကို ကြားတော့ နောက်တစ်ကြိမ် ထပ်မံ လှောင်ပြောင်ရယ်မောလိုက်တယ်။
“ရှင့်စကားတွေက ကျွန်မရဲ့ ဆက်နွယ်မှုလက်နက်ကို သာမန်အဖြစ် ပြောဆိုတာကို ကြားဖူးတာ ပထမဆုံးအကြိမ်ပဲ”
ကျိုးရွှယ် ရဲ့ အမြင်မှာတော့ ယန်ချီက တကယ်ကို ရယ်စရာ ကောင်းနေခဲ့တယ်။
“မင်းရဲ့ ဆက်နွယ်မှုလက်နက်က တကယ်ကို သာမန်ပဲ ” ယန်ချီက ကျိုးရွှယ်ကို ကြည့်ပြီး ပုံမှန်အတိုင်း ဆက်ပြောလိုက်တယ်။ “မင်း မယုံကြည်ရင် မင်းရဲ့ ဆက်နွယ်မှုလက်နက်ကို သုံးပြီး ငါ့ကို တိုက်ခိုက်ကြည့်လေ”
“ဘာ. . .”
ယန်ချီရဲ့ စကားကို ကြားတော့ ကျိုးရွှယ် နဲ့ မိန်းကလေးတွေအားလုံး မှင်သက်သွားခဲ့ကြတယ်။
ယန်ချီက ဒီစကားကို ဆက်ပြောနေလိမ့်မယ်လို့ သူမတို့တွေ မထင်ထားမိပါဘူး။
“မင်းတိုက်ခိုက်လို့ ငါ ရွေ့သွားရင် ငါရှုံးမယ်”
ယန်ချီက ဆက်ပြောလိုက်တယ်။
ကျိုးရွှယ် က ဒီစကားကို ကြားတဲ့အခါ ဒေါသတွေ အလိမ့်လိမ့် ထွက်လာခဲ့ကြတယ်။
သူမက ပါရမီရှင်များစွာကို မြင်ဖူးပေမယ့်လည်း ယန်ချီလို မောက်မာတဲ့ လူကို ပထမဦးဆုံးအကြိမ်အဖြစ် မြင်ဖူးတာပါ။
“သေချင်နေတာပဲ”
စကားသံ ဆုံးသွားပြီးနောက် ကျိုးရွှယ်က အပြာရောင် လဓါးကို ကိုင်ပြီး ယန်ချီဆီကို ပြေးဝင်တိုက်ခိုက်လိုက်တယ်။
ချက်ချင်းပင် ကျိုးရွှယ် က လက်ထဲမှာ ကောင်းကင်အဆင့် အလယ်အလတ် ဆက်နွယ်မှုလက်နက် အပြာရောင် လဓါးကို ကိုင်ပြီး ယန်ချီအရှေ့ကို ရောက်သွားပြီးနောက် ယန်ချီရဲ့ လည်ပင်းကို ခုတ်ပိုင်းလိုက်တယ်။
ယန်ချီကတော့ သူပြောတဲ့အတိုင်း ရှောင်လည်း မရှောင်သလို ခုခံခြင်းလည်း မရှိပါဘူး။
ကျန်တဲ့ မိန်းကလေးတွေက ဒီမြင်ကွင်းကို မြင်တော့ သူမတို့ မျက်လုံးကို မှိတ်ထားမိကြတယ်။
YOU ARE READING
နတ်ဘုရားရေးရာ ဓားဆွဲထုတ်ခြင်းစနစ်( ယန်ချီ )စနစ်စာစဥ် အတွဲ ၁ (ခွင့်ပြုချက်ရပြီး)
Adventureယန်ချီရောက်ရှိသွားတဲ့ လောကကြီးမှာဆိုရင် နတ်ဆိုးမိစ္ဆာတွေနဲ့ လူသားတွေက နေရာလု တိုက်ခိုက်နေကြပြီး တနေ့မှာတော့ ယန်ချီက စနစ်တစ်ခုကို မတော်တဆ ရရှိသွားခဲ့တယ်။ အဲ့ဒီစနစ်ကတော့ ဓါးဆွဲထုတ်ခြင်းစနစ်ပါပဲ။
