Hollow Spirit🍁 [ Zhanyi Complete ]

🍁 තිස්හතරවන දිගහැරුම 🍁

ඊයෙ අයියා ඇවිත් ගියායින් පස්සෙ අම්මා ටිකක් කල්පනා කරනව වැඩිදෝ කියල මට තෙරුනේ එයා ඔහේ බලාගත්ත අත බලන් ඉන්න ගත්‍ත නිසා...

සමහට විට අම්මා අර භූතයට මාව දෙන්න දෙපාරක් හිතනව ඇති...

කොහොමත් ඉතිං මන් වගේ ලස්සන ළමයෙක් ඒ වගේ අංකල් කෙනෙක්ට දෙන්න කලින් දෙපාරක් තුන්පාරක් නෙමෙ සියපාරක් වත් හිතන්න ඕනෙ...

මන් පාඩම් කර කර උන්න බයෝ පොත වහල දාලා නැගිටල ආවෙ කණ්නාඩිය ඉස්සරහට...

" කොහොමද ලස්සන ළමයෝ....."

කොන්ඩෙ අවුල් කරල මන් ඇහුවෙ මගෙන්ම.....

වෙලාව හවස හය පහු.... අද දවසෙම මන් කළේ ප්‍රජනනය පාඩම් කරපු එක..... කොච්චර පාඩම් කරාද කිව්වොත් මට දැන් ප්‍රජනනයත් එපා වෙලා සංසර්ගයත් එපා උනා වගේ....

මදුරුවො එන නිසා ජනෙල් ටිකත් වහල දාලා මන් ආවෙ කුස්සියට අම්මා එක්ක කයියක් දාන්න... දැන් එයා උයන ටයිම් එකනේ....

අම්මා හවස නාලා....ඉරි ඉරි ගිය නයිටියක් ඇදගෙන තෙත නීසා  කොණ්ඩෙ කඩල දාලා මට පිටුපාලා අම්මා ජනෙලෙන් එළිය බලාගෙන හෝදන්න ගත්ත හාල් එකක් ඔහේ අතගානව....

අපේ අම්මගෙ කොණ්ඩෙ දණිස්සෙන් පහලටම දිගයිනෙ...ඒක බිම ගෑවෙන නොගෑවෙන තරම්.... එයාගෙ මුළු කොණ්ඩෙම එකතු කරාම මගේ එක අතක් මිට මොළවන්න මදී....ගොඩක් මහත කොණ්ඩයක් එයාට තිබ්බෙ......ෂැම්පු කන්ඩිෂනර් මුකුත් ගාලා නෙමෙයි ඔය.... 🙂

මන් හෙමීට පිටිපස්සෙන් ගිහින් අම්මගෙ උරිස්ස උඩින් බෙල්ල දාලා බැලුවා...... අම්මෝ බර කල්පනාවක..... මන් ආවා කියල වත් දන්නෑ....

" ආහ්හ්හ්......"

මන් එහෙන්මම අම්මගෙ කනට හුස්ම පොදක් පිම්ඹෙ අම්මා බය උන පාර කෑ ගැහද්දි.....මන් එහෙන්මම හිනා උනේ මුවට අත තියන්....