في قبضة الوجعَار

بارت 11

" في قبضة الوجعَار "

بـقلمي: فـاطمة الاسدي

لا تنسون التصويت ومتابعة الحساب والتعليق ع كل فقرة فضلًا♥️
—————————
تقرب وعينه بـعيني ما نزلت صار صوت هلاهل عالي اللتفتت اباوع لي جوا وما احس الا ايدي تنسحب وانطبكت ع صدره ..

بحركة سريعه منه حاوط خصري وايدي بعدم انتباه صارت ع صدره سحبني شوي بعيد عن الباب وهوَ بعده محاوط خصريحجيت بهدوء

-يـامـان شكو ؟

باوع بعيوني وشد ع فكه واسنانه

-ولچ الزلم كلها يم الباب بره ونصها شافوج بهاللبس وبعدج واكفه شعدنه استعراااض

-ها ؟ يا زلم

-هوَ شنو هااا شكد فاهيه انتِ ولج بابا اصحيي انتِ مو يم الأجانب كاعده

-اهوو شكوو والله موتتني

-اخ ربي انوب طالعه طركاعه

مجاوبته بقيت اتأمل بشكله عزا ليش هيج شكله بينلي هسه هوَ صاك كُلش ويمووتت هوَ هم سكت يباوعلي تحسر وكال بهدوء

-وهسه ما توخرين بس لا عجبج حضني

-شنو ؟

رفعلي حاجبه واشر بـ عينه ع وضعيتنا وكال..

-انتِ اللازكة نفسج بيه هسه اني معلي

بقيت صافنه وهناااك يلا استوعبت اني حاطه ايديه ع صدره ولاطشه ع صدره عزاا دفعته وصرخت..

-شوكت تبطل سوالفك يعني انتَ حتخبلنييي متعرف غير كل شوي لازمني..

رفع حاجبه بخبث يباوعلي وحك انفه وكال..

-صيحيلي چواهر

كال هالكلام وعينه الصلفه مستمرة تباوعلي من فوك لي جوا وترجع تصعد گلبت عيوني ومشيت اصيحله چواهر..

والهلاهل مستمرة دخلت وباوعت كلها تبارك لميقات وميسون ع ابنها شفت چواهر واكفه يم غسق ووياهم بنيه غريبه مشايفتها من قبل يسولفون رحت كلتلها يامان يريدها بره ورحت يم ميقات

كالت عقدولهم وتم كلشي ع خير ياروحي فرحانة بوستها وباركتلها وكعدنا وره ساعات بدوا الناس يطلعون وجِنار تطرد بيهم بصوت ناصي وتصيح يلا اكلتوا شربتوا ركصتوا تونستوا يلا الله وياكم ازعجتونه عزلنا