لا اتذكر

زهراء

يفتح الستار على زهراء وهي نائمة و تيقظها الخادمه
الخادمة:اصحي يا زهراء هانم يلا عشان عندك اجتماع مهم
زهراء بصوت خافت:قايمه اهو...جهزيلي القهوة
الخادمه:حاضر يا هانم
زهراء بنعاس:كل يوم اجتماعات كدة استغفرالله العظيم...وفجأة يرن موبايلها ... الو يا ياسمين
ياسمين:ايوة يا بنتي انتي فين
زهراء:انا عالسرير..اه اقصد لسه صاحيه من النوم في ايه
ياسمين:دة وقتك ... الاجتماع هيبدأ كمان ساعه الا ربع و حضرتك ف السرير!؟...قومي بسرعه!
ردت زهراء بصدمة:بتقولي ايه! مش قولتو ان الاجتماع الساعه 9:00!!
ردت ياسمين: ما هو معادو اتغير بقى 8:45
قالت زهراء بعصبية:اوففففف مين الغبي ال غير الميعاد
ردت ياسمين: مستر جاكسون
قالت زهراء:احم اصلا لا دة يغير براحتو نص ساعه و اكون عندك
وقامت زهراء من على سريرها و خدت شاور و لبست و سرحت شعرها و شربت القهوة بتاعتها

*تعريف زهراء*
(بنت تبلغ من العمر 25 سنه ذات الشعر الاسود الطويل و العينان الخضراء و البشرة البيضاء وبتشتغل موظفة في شركة كبيرة لانتاج ملابس عالميه عايشة مع باباها و مامتها في فيلا كبيرة عندها اخ مسافر امريكا و متجوز و عندى اطفال و عايش هناك بقالو 7 سنين و بتحب صاحبت عمرها "ياسمين" يعرفو بعض من 1 ابتدائي)

نزلت زهراء و سلمت على باباها و مامتها
قالت زهراء:صباح الخير يا بابا صباح الخير يا ماما
رد يوسف "الاب":صباح الخير يا حبيبت بابا
ردت سميه "الام":صباح الخير يا حبيبتي...مش هتفطري؟
زهراء:لالالا مش هعرف خالص عندى اجتماع كمان نص ساعه يلا مش عايزين حاجة
الام:لا يا حبيبتي ربنا معاكي
خرجت زهراء من الفيلا و ركبت عربيتها
بعد ما وصلت الشركة
ياسمين ترن على زهراء و زهراء تكنسل
ياسمين:اخيرااااا جيتي الاجتماع هيبدأ دلوقتي...اي دة الله حلوة اوي التسريحه بتاعتك عملتيها ازاي؟؟
زهراء:دة وقتك!؟
ضحكت ياسمين و زهراء و راحو الاجتماع
(ملاحظه:عندهم اجتماع مع راجل مهم جدا جاي من روسيا اسمو جاكسون جيندلز و هيعمل معاهم صفقه)
دخلت البنات الاجتماع و بدأ الاجتماع
قال جاكسون جيندلز:

Hello, I am businessman Jackson Rendells, and I have heard a lot about this company of yours and its good reputation. I would love to
work with you on a deal. Thank you.

الترجمة:

مرحبا انا رجل الاعمال جاكسون ريندلز و قد سمعت كثير عن شركتكم هذه و عن سمعتها الجيدة و كنت احب انا اعمل معكم على صفقه و شكرا

زهراء لياسمين:احنا ايه لازمتنا هنا يا ياسمين؟؟
ياسمين:والله معرف بس نقول ايه اي بهدلة وخلاص
زهراء:اه والله يا بنتي...طب اسكتي عشان هيطردونا

وبعد الاجتماع قالت ياسمين لزهراء:
بقولك ايه انا هروح انهردة الجيم بعد الشغل هتيجي انهردة؟
قالت زهراء:ايوة هاجي...انا جعاااااانه
ياسمين:انا كمان هروح اجيب اكل من الكافيتريا و جاية
زهراء:طيب بسرعه ارجوكي عشان ممكن اكل دراعك عادى لو اتأخرتي
ياسمين:يماما هروح بسرعه
زهراء بضحكة:يلا بسرعههه
ياسمين راحت الكافيتريا و قالت: لو سمحت عايزة اتنين كورواسون و اتنين ايس كوفي و اتنين دونتس
خدت ياسمين الاكل و راحت لزهراء
زهراء:وصلتي بسرعه ههه
ياسمين:هههه...خدي يختي الاكل
بعد الشغل راحت البنات البيت غيرو وراحو الجيم:
زهراء:عااااش يا ياسمين اديلووو
ياسمين:يعني انا شايلة قد وزني و انتي سانده عليا و بتاكلي كيكة كمان!!
زهراء:ههه..امال المفروض اعمل ايه؟...انا جاية اشجع بس
ياسمين:لا ونبي يلا بدل ما انادي الكابتن و اقولها انك كنتي بتاكلي كيكة
زهراء:لااااا خلاص حاضر
زهراء بخبث و هزار:والله لأردهالك يا ياسمين
ياسمين برخامه:بتقولي حاجة ؟
زهراء:لا مفيش بقولك يا ترى ايه الاكله ال مامتك طبخهالك
ياسمين: ايه الاكله ال مامتك طبخهالك بردو!؟
زهراء:ايوا طبعا
ضحكت زهراء و ياسمين
بعد الجيم روحت البنات
زهراء بتدخل البيت
مامتها:اهلا يا ست زهراء
زهراء:اهلا يا ماما..ءءء في حاجة ولا ايه؟
مامتها:لا مفيش يا حبيبتي ... انتي تعبانه؟...سخنه؟....عندك برد؟
زهراء:في اي يا ماما قلقتيني و شككتيني ف نفسي
مامتها:اصلك رجعتي بدري
زهراء:اااه...ههه شفتي بقى بنتك بقت عاقلة ازاي
مامتها:عاقلة بردو ... هههه
وتدخل زهراء تنام و تحلم:
انها في محيط على مركب بيمشي لوحدو و فجآة تغمض و تفتح تلاقي نفسها في غابه كبيرة اوى و شكلها مرعب و الشجر بتاعها طويييييل و المحيط لونه اسود و اتحول الحلم الجميل الى كابوس مرعب.

:اااه انا فين (صوت تزمير جهاز)
الممرضة:الحق يا دكتور المريضة فاقت
دكتور يوسف:اخيرا صحيتي
:انت مين..وانا فين؟
دكتور يوسف:انا دكتور يوسف وانتي جاية من حادثة عربية و مفيش اي حاجة تعرفنا شخصيتك ولا حتى عندك كام سنه او اسمك ايه و قولتيلي انك اسمك زهراء و عندك 25 سنه و عايشة في فيلا مع عيلتك...
قاطعتو:انا مش زهراء
قالها امال انتي مين؟...تقدري تساعديها ب أي حاجة عشان نعرف هويتك؟
:ايوة انا هقولك...

(انتظرو الفصل التاني)