بارت 12

11.8K 784 252
                                    

" في قبضة الوجعَار "

بـقلمي: فـاطمة الاسدي

تبقى انت فـي حياتي احلى وأحب عشرة 💛..

لا تنسون التصويت ومتابعة الحساب والتعليق ؏ كل فقرة فضلًا♥️
——————————
اللتفتت بفزع من انفتح الباب بهمجية ودخلت ميقات قفلت الباب سريع واللتفتت تباوعلي وتتنفس سريع ووجهه اصفر مخطوف..

كمت وكفت ؏ حيلي واحس گلبي وكع بصف رجليه .. حجيت برعب

- ميقاات شكو ؟؟

- ولجج ولج.. يُممه

تحجي وتلهث ... بقيت ساكته معرف شسوي.. فجأة تغيرت ملامحها وحطت ايدها ؏ حلكها وابتسمت صحت بيها :-

- شبيييجج بس لا تخبلتي عليه هسه ؟؟؟

- سُكتي سُكتي

بقيت مفهية بوجهة كعدت ؏ جربايتي واني حتى الهوى من وره هبطتها ما اكدر اتنفسه ..

مشت هيَ كعدت ؏ الجربايه وتوزع ابتسامات .. سألتها

- مَلكوت : اكُلج شنو هذا صوت التكسير البره سمعته ؟

بقت ساكته متجاوبني صحت بيها بنفاذ صبر..

- ميقااااتتت موو احجييي وويياااج!!

رفعت راسها واخييييرًا جاوبتني بهدوء

- ميقات : شنو

- مَلكوت : شنو هذااا صوت التكسيير البره ؟؟

- ميقات : ماادري كُلشي معرف بس سمعت عمه رِحاب تسولف وي مُصطفى بالصاله واني اصعد تكوله هذا يامان معصب وديكسر بغُرفته

- شنوو .. زين انتِ شبيها حالتج متخربطة ووجهج اصفر وسويتي مُداهمة ؏ الغُرفة وكفتيه لگلبي والله ..

- ميقات : اسفه ومابيه شيي

كالت هيجي ودارت تمددت ؏ الجربايه وانطتني ضهرها وغطت روحها وخنست .. عفتها واخذت فوني وكعدت اگلب ؏ الانستا ..

منتبهة ؏ شي بنفسي صايرة ما اهتم لقوانين جدو مثل قبل مو يكول لازم ننام ؏ وقت من العشره اني ضربته بوري وبقيت كاعده للـ ١١ انوب نعست لأن ممتعودة وعفت الفون ونمت

كعدت الصبح ؏ صوت المنبه يدُك فوك راسي والله لو مو دوام جان سديته ورجعت نمت شگد جان راحه اليوم بدون المدرسة وضيمها ..

ولا احلى شي تصبح بوجه يـامان بومه ملابسج وملابسج كادر بس عليه هسه مو جِنار وغسق يلبسون مثلي عادي ؟ ليش صاير ابن العم الغيور عليه بس اني هفف

في قبضة الوجعَار حيث تعيش القصص. اكتشف الآن