في قبضة الوجعَار

بارت 13

" في قبضة الوجعَار "

بـقلمي: فاطمة الاسدي

لا تنسون التصويت ومتابعة الحساب والتعليق ؏ كل فقرة فضلًا ♥️
—————————-
الساعه ٩:٠٠ ضبط ليلًا..

طلعت بالطارمة وكعدت افكر الى متى يا مريم تبقين تركضين وره منتظر اوره الشركة اوره ابوج واخوج واختج الي متعرفين عنها ولا شي

وين رحتي موج وين رحتي يا عيون اختج والله حتى فريق قانوني خليت يدورون عليج ليش هيجي تزيدين فوك تعبنه تعب ..

صافنة ؏ نفسي وحياتنا الي تدمرت بيوم وليلة .. حابين تسمعون قصتي شويه ؟ لازم تعرفون منو اني وشنو قصتي حتى يتوضح كُـلشي يخص مريم ..

تحملوني شويه...

- مريم : اني مريم يوسف موسى عُمري اربعه وعشرين سنة عراقية الاصل من محافظة بغداد العظيمة عاصمة العراق

عايشة ويه ابويه واختي واخويه بس واذا تسألون عن امي فمن حقكم امي تركتنا وسافرت لسوريا واني عُمري كُله ١٢ سنة بس بدون لا احد يعرف من البيت غيري

اكدر اكول حقها واكدر اكول لا مو حقها لأن تركت اولادها بعمر صغير بدون لا تفكر بيهم وهاجرت بس حقها بـ انُ ما تهنت بحياتها ويه بابا !

اُمي اسمها رهف تزوجت ابويه اجباري بعمر صغير وأبويه هم تزوجها اجباري بسبب اهلهم وجابوا حياتهم عركات من انولدنا كبرت وعشت وسمعت و ؏ نفس عركاتهم ما تغيرت ؏ اتفه الأسباب يسببون مشكلة بين بعض ابد مو متفاهمين بعيدين عن بعض

ونكره البيت وحياتنا بسببهم اذا اجتمعوا حتى ما اعرف شلون جابونا وهمَ محد يطيق الثاني بيوم من ايام طفولتي

چنت كاعده اللعب وهيَ طلعت من غرفتها الي وحدها تنام بيها وكالت اني مسافرة يوم وارجع اهتمي بـ اخوانج وابوج سألتها وين كالت لسوريا وطلعت بدون لا تبوسني او تودعني او تكول شي ثاني..

چنت اتمنى تحضني مثل اي بنت يسافرون اهلها وتسوي امها بس امي جانت غير ام فقط بالاسم راحت امي رهف وسنين وهيَ ماكو چانت هاي اخر مرة اشوفها بيها واسمع صوتها

ومن يومها وتكلفت بحياة اخواني وابوي وشلت مسؤوليتهم ومسؤولية البيت كبروا اخواني وصار عمر امير ٢٢ سنة وموج ١٨ سنة ..

اهتميت بيهم وعلمتهم هوايه اشياء وعلمتهم بين الصح والغلط وأبويه بقى عايش ويانه ومدللنا بس اخواني طايشين مثل منكول ما يهتمون لحياتهم ولا شي عكسي

من صار عمري ٢١ سنة بديت اطلع ويه ابويه للمحافظات ومثل ما نذكر ابويه يملك شركة وهالشركة كُل حياته