بارت 15

11.8K 791 221
                                    

"في قبضة الوجعَار"

بـقلمي: فـاطمة الاسدي

لِيكِن الليِل وُجَهِك وانا كُل المَتأملين
انا نجمك وانتَ قمري،انا غُصنك وانتِ وردتي

لاتنسون التصويت ومتابعة الحساب والتعليق ؏ كل فقرة فضلًا♥️
——————————
رفعت شعري اللمه ذيل حصان وبحلكي البوند اليربط الشعر توني لزمته اريد اشد شعري ونفتح

شمرته ؏ الباب وكعدت ؏ الارضيه وكطعت روحي بجي هالفترة تعبانة نفسيتي من الامتحانات وروحي مالي خلكها

وصايرة ؏ اقل شي اتنرفز وما اتحمل اليحجي وياي اريد اموته من الخنكه البيه .. امتحانات الشهر الثاني

وامتحان وره امتحان وضغوطات من كُل الجوانب ادريي حتى الحيونات موو هييججيي يعاملوهم ميكولون طلاب سادس مقبلين ؏ الامتحانات النهائية وقلقين

كُل همهم شلون يجرون فلوس الكبر لفكم ولف وجوهكم وأيديكم التكتب الاسئلة ياا نذلييين

مسحت دموعي ؏ كيف اخاف ؏ بشرتي ورجعت احاول أربطه انربط بعد الف سبة والف حلفان واصيح اكصك اكصك ومكطعه روحي

عذروني كُله بسبب السادس ادمرت مَلكُوت..

اخذت الكيمياء ونزلت واني مبوزة وعاكدة النونه ومتحضرة لليحجي وياي علمود احط حركه گلبي بيه ..

شافتني رزان تريد تصعد وضحكت بشماته عود شنو قصدها هاي عصبتني

- مَلكوت : خيررر كبرر شكوو تضحكيننن؟؟

- رزان : هههههههههه مو وياج

غميتها ومشيت ابد ما احب أتناقش وياها بطرانه

رحت للمطبخ واجت فجأة ؏ بالي ميقات البارحه سافروا شهر العسل ومفتقدتها .. شمرت الكتاب ؏ الطاولة ومشيت بسرعة للكرسي جبته وحطيته يم الطاولة وصرخت

- مَلكوت : بعدددد لاااتحططوووننن الكرسييييي ؏ صفحححة خلوووههههه يممم الطاووولة موتووووننيييي

كعدت ودخل يـامان يهز بيده

- يـامان : حتى الي برى ديالى سمع

باوعتله بعصبيه وحجيت

- مَلكوت : خللل يسمممعون ميهمنيي طزز

- يـامان : ها المزاج زفت؟

بقيت ساكتة مطنكرة وادرس مارديت .. تقرب يمشي سحب كرسي وكعد وكال

- اساعدج؟

- لا شُكرًا

- عود ليش مطنكرة منو محاجيج

- ابوويه

- عمي ميسرة؟ له له لاهه محبيتها منه شسوالج؟

باوعتله وخزرته وشمرت القلم وبديت اقرأ .. بقى كاعد يدخن خنكني

في قبضة الوجعَار حيث تعيش القصص. اكتشف الآن