في قبضة الوجعَار

بارت 16

" في قبضة الوجعَار "

بـقلمي: فـاطمة الاسدي

لا تنسون التصويت ومتابعة الحساب والتعليق ؏ كل فقرة فضلًا♥️
——————————
وكُـل شوي عايدته وما احس الى بـ جِنار تقتحم الغُرفة وتفتح الباب بقوة وبسرعه دارت قفلته واجتي كعدت كبالي تربعت وتدك وتلطم ؏ خدهه وايديهه ترجف...

يمه ما احجي عن الرعب الي تملكني من حالتهة بحيث بقيت بس صافنه عليهه واريد حرف واحد بس أنطقه ماكوو

-جِنار: يبووو مَلكوت يبوو

-شـ شبيج؟؟

-يمه عزا شسوي ياربيي يا كاع نطمي وشكيني

-شنوو؟؟

-لجج مَلكووتت شفتلج شي مينشاافف مينشاف ابد ابدد

-شنوو احججيييي حموتت

-ييييماااي

-جِنار احجيييييي

-باعي شفت مُصطفى حاضن رزان وهيَ تضحك

صفنت بوجهه وسرعان ما نزلت عيوني ورجعت ارتب بالملابس الي بصفي اني كاعدة يم الخزانة وارتب حجيت بعدم اهتمام..

-وشنو يعني طبهم مرض

-شنوو؟؟ شنو شنو يعني دا اكُلج شفت مُصطفى ابنن خالووو چووزيفف حاااضن رزان بنتتت خالة رِحاابب وهيَ مكيفففه

بقيت ساكته وما انطيت اي ردة فعل ورجعت هيَ كملت بصوت عالي..

-والي مدا افهمه هذااك اليوم سمعته هم يكول لجيهان احبج

رفعت راسي بسرعه وباوعتلها بصدمة عفت الملابس من ايدي وحجيت بسرعه..

-جِنارر صووتجج

-شنو شبيجج بااردةةةةة تعرفييين المصيبة الوكعت فوك راسنه لو لاااا اطرش بالزفة

-اعرففف اعرفف وقبلج بس صوتتج عفييه ليسمع احد

شهكت وكالت بصوت ناصي..

-تعرفيينن قبلييي وساكتة يااا حيوانة خااينه

-لاا يعني مو من زمان قبل كم يوم عرفت

-لعد طلعت اني الأطرش بالزفة اييي والله ايي وهسه شنو شيحيصير يبووه عليج جِنار