" في قبضة الوجعَار "
بـقلمي: فـاطمة الاسدي
شلون اضيعك وانا روحي الكَاها بيك .
لا تنسون التصويت ومتابعة الحساب والتعليق ؏ كل فقرة فضلًا♥️
—————————
بقيت اباوع لفترة انوب طلعت دخلت للواتساب احجي وي ميقات هيَ راسلتني ولحد ما اجتني رسالة ؏ الواتساب من رقم غريب مكتوب بيها " شعندج هسه كاعدة ومتصلة؟ "
عكدت ملامحي بـ استغراب رقم غريب منو ممكن يكون.. فتحت الرساله وكتبت
-منو؟
-ليش كاعدة لحد الان؟
صفنت كلت شهل التمسلت رجعت دزيت علامة استفهام..
-"؟"
-مادام كاعدة نزلي للمطبخ
ما طول وبسرعه دز هاي الرساله واختفى ظهوره شنو نزلي للمطبخ معناته هذا شخص من البيت دخلت ؏ الصورة الي حاطهه الرقم جانت مجرد صورة سوداء خالية ..
الوقت تأخر والدنيا ليل بس قررت انزل اشوف منو .. نزلت ورحت للمطبخ شفت يـامان معقولة هوَ الي كلمني ابد ما خطر ؏ بالي هوَ تقربت منه انتبهلي وابتسم بهدوء..
-يـامان: ها هلو
-مَلكوت: هلا يـامان انتَ الي راسلتني ؏ الواتس ؟
-يـامان: ايي راح اسوي بيض وطماطه اسويلج وياي؟
ابتسمت بخفة وهزيت راسي..
-مَلكوت: ايي سوي جواعة مال اواخر الليل هههه
راح جاب من السلة طماطيتين وثلاث بيضات واجه كفيت ردانات بلوزة التراك مالتي ورفعت شعري وحطيت ؏ راسي كبوس البلوزة ونزلت كم خصلة من شعرياخذت منه الطماطه وحجيت بـ امر..
-انطيني اني اكصص طماطه وانتَ روح خدر چاي
-هلو اشتغلت الندارة وعاشت الدور وصارت تتأمر
-سوي واسكُت يلاا
ضحك وضربني ؏ راسي بخفة وراح صدُك يخدر چاي واني كعدت اكصص بضمه وضمير.. خلصت اجه يـامان واخذ مني الطماطه وطلع الطاوة..
جبت كاسة وحطيت بيها البيض وحطيت فوكاه شويه ملح وخبطتهن ودرت ارتب الطماطه دوائر وي يـامان تقربت يمه وبديت احطن سويت دويرة طماطه بالطاوة
YOU ARE READING
في قبضة الوجعَار
Mystery / Thrillerفي ذالكَ المُكان الواسع حَيثَ في الشمال تَقعُ منطقةً لا يُدخلها احدًا الى بـ أذنً منهم هُناك قصرًا كَـبير تسكنهُ ذئابًا حيث يُلقب بـ مَملكة الشياطين سُكان الذئاب تركع لهمَ النِسّاءَ والرجَالَ تحكم بهِ مجموعَة مِنَ الفتيات يتمُ تدمِيرهمَ يومًا تَ...
