"في قبضة الوجعَار"
بـقلمي: فـاطمة الاسدي
مُغرم جدًا بِها، وآهوى عيناها العسلية
وزاوية كحل عيناها مُغرم بضحكتها وذلك
الوجه القمري ❤️.
لا تنسون التصويت ومتابعة الحساب والتعليق ؏ كل فقرة فضلًا♥️
—————————
فتحت باب غرفتي بتعب ودخلت سديته وسندت روحي عليه رفعت راسي ونزلن دموعي صعبه اليوم زواج الشخص الي حبيته وتمنيته الي من اقرب الناس عليه اختي وامي الثانيه..
وكعت وسدنت روحي ؏ الباب غطيت وجهي بـ اديه الترجف وبجيت بصوت عالي ابجي من آلم روحي وگـلبي الما قابل ينساه اخ اااخخ تزوجها ما شرد نفس الصار ويايه..
يمكن هسه نايمه بحضنه حضنها وباسهة ويهمس بـ أذنها انواع الغزل ليش چذب عليه اذا يحب اختي؟؟
صرخت ولطمت ؏ وجهي ورجليه حيل ليش كسروني شسويت بحياتي هسه شلون انساه شلون اكدر اباوع لوجه اختي مااعرف انقهر لو افرحلها والله جنت مستعدة لو يطلب عيوني اشلعهن واكوله هاك آخذهم..
چنت جسد بلى روح روحي هوَ انطيت روحي فداء لروحه وتالي هجي اخاف ادعي وابجي ويصير بيه شي لو ترجع ؏ اختي..
لعد هَيچ اليَحب يَتجازة بِـ الشَوغات؟
كمت ادفر وامسح ؏ گـلبي لعل يرتاح وتهدئ النار البروحي كرهت نفسي وكرهت الدنيا كلها بفترة تعلقت بيه ما كال لعد شكد حبها صادق وحبتني فعلًا، ولا كال خطيه شلون بيها باچر عكبه جرحني وراح الچنت منطيته عيوني الثنين...
شقصرت گمت دخلت للحمام واصبر بروحي بس خلوا بگلبي جرح ما يتشافى ابد گلبي صار ملجوم للأبد بسببهم..
فتحت المي الدافي ونزل عليه ويه كُل قطرة تنزل استغفر لعل ارتاح وتنزل وياها ذنوبي سامعة مريم تكول الي يحس بضيق وحزن يستغفر وتخف ذنوبه ويرتاح..
وذنبي حبيت منتظر استغفرت هوايه استغفر وابجي طلعت وكفت كدام المراية اباوع عيوني حمر وخشمي احمر وحلكي ووجهي كُله وياريت يستاهلون ابجيلهم
الروحَه محتركَه ؏ روحَه بيش يطفه؟
رحت لجنطتي طلعت منها تلفوني ودخلت للاستديو
اگلب بصوره هههه اضحك واگول انساك بَس شنساك شنساهن اگلب بالصور واتگلب وياهِن!
غمضت عيوني بتعب ونزلن دموعي من تذكرت شلون عيونه تاكلها ونظراته متوسطها حُب ولهفة ما شفتهن منه بيوم حتى بالتمثيل وتذكرت شلون يبوسها ويهمس بـ أذنها..
YOU ARE READING
في قبضة الوجعَار
Mystery / Thrillerفي ذالكَ المُكان الواسع حَيثَ في الشمال تَقعُ منطقةً لا يُدخلها احدًا الى بـ أذنً منهم هُناك قصرًا كَـبير تسكنهُ ذئابًا حيث يُلقب بـ مَملكة الشياطين سُكان الذئاب تركع لهمَ النِسّاءَ والرجَالَ تحكم بهِ مجموعَة مِنَ الفتيات يتمُ تدمِيرهمَ يومًا تَ...
