مضلوم

.

من بدايه كورونا بدة ناس تموت من عدنه هواي جانت حياتنه طبيعيه فجأة رجعت من المدرسه للبيت جان الوضع ميبشر بخير جان جدو واكع وهوه ديرجع للبيت واكع ومتخربط جدو اول مدخل بسرعه حط راسه جوه المي وجان دايخ جدو وكع من طوله مع العلم جدو جان رجال قوي ومحد يكدرله بهاي الدنيه وره ما وكع شالو ودو للمستشفى ولعدين رجع جدو للبيت طبيعي وكلشي مابي صح جان تعبان شويه فه ثاني يوم نتفاجئ جدو يمشي طبيعي وكلشي مابي صار العصر وجانو الاهلزكلهم متجمعين جدو صاحني كال ديمه سويلي چاي كتله حاضر رحت سويت الچاي رجعت ذاكله حطيته على النار لكيت بابا لازم فچ جدو ويفرك بي وجدو چان فچه معوج بابا كالي روحي بسرعه صيحي عمتي اخت جدو رحت صحتها واني مخروعه وابجي كتلها عمه برعه جدو الحكي اجتي جان تكول هاي جلطه لكم ياناس اول مره اشوف هيج منضر بحياتي كلها منضر يخوف شفت جدو متيبس بمكانه وميتحرك بَسہ عيونه تتحرك وجان مخروع سوده عليه 7مستشفيات ودينه جدو ومقبلو يدخلو مو اختصاصهم وجان جدو شويه ويموت اخيراً لكينه مستشفه تستقبل جدو ضل بيها شهر كامل هوه بالغيبوبه ضعف وصار يخوف ومن كعد جدو مكدرت اشوفه جنت خايفه منه مع العلم ولا يوم عفت جدو ضليت اعوف المدرسه واغيب هواي علمود اجي اشوفه اخيراً جدو رجع للبيت وذبحنه طلي علمود رجعته لاكن جدو صار بي شلل نصفي وفقد النطق الكلمه الوحيده الي يكولها هيه الله ، الحمد لله على كل حال مرت السنين وجدو مع العلاجات و العلاج الطبيعي كدر يمش على تك رجل المهم جان طول هاي السنين من 2019 الي 2022 جان بابا يراعي ويعلمه على كلشي جان بابا المعين الوحيد اله يطلعه ويونسه لاكن صار شي خله الكل يعيش بجحيم بابا راح من البيت وصار بمكان محد يوصله من العائله بابا جان مجد بشغله جداً وحب الشغل علمود يصرف علينه وهم علمود جدو يودي للدكاتره وميبخل علي بشي ، بابا هوه ضابط برتبه رائد جداً مجد بشغله ويصلي ويصوم وعمره ممد ايده الاحد ابداً جانت حياتنه الكل يتمنه يعيشها لاكن جان المدير مال بابا ميحبه ويقسه عليه دائماً ، وكع بابا بمشكله جبيره ومحد يكدر يحلها وانسجن ضلم ،(حسبيه الله ) على كل ضالم اله ايد بمشكله بابا ، جدو يومياً يبجي دم عليه واني متغفالي عين وبس ادعيله واصلي وابجي عليه تخيلو جانو اصدقاء بابا يجيبون ملابس بابا الوصخه علمود نغسلها وجدو كبل ياخذها ويشم بيها ريحه بابا ويلجي دم ، بابا حيصيرله سنه مسجون وسنه مشايفيه انحكم بابا 8 سنين ضلم حسبيه الله
ربي محيضيع تعب بابا طول هلسنين انشاء الله ربي ميضيع حقه بجاه امير المؤمنين ،

هاذا ابويه شوفو شصاير بي حبيبي اسالكم الدعاء الى بهاء وعن كل سجين مضلم بحق محمد (ص) ادعولنه الله يفرج عنه يارب نسالكم الدعاء فضلاً وليس امراً 🤍