في قبضة الوجعَار

بارت 26

"في قبضة الوجعَار"

بـقلمي: فـاطمة الاسدي

- صيري قوية ، الضعيفة يگدرولها 💙.

لا تنسون التصويت ومتابعة الحساب والتعليق ؏ كل فقرة فضلًا♥️
————————
لحكتهم وصعدت بس وكفت مصدومة اباوع للكدامي جانت رزان واكفة ؏ صفحة وتبجي وتحك بجسمها بطريقة غريبة بقوة لدرجة شخطت ايدها ولحمها وطلعت منها دمم..

بقيت واكفة ؏ بايات الدرج مصدومة بمنظرها شلعت لحمها وحتى وجها تحكه وتبجي گامت بسرعه ومستمرة تحك بجسمها عثرت وانضربت بباب غرفة عباس..

وابتعدت بسرعه وركضت لغُرفتها شبيها يمه شنو هالحالة الغريبة ما دققت هوايه وكملت صعدتي لغُرفتي

كعدت ادرس لحد ما اذن صليت ونزلت واسمع اصوات عاليه ضحك جايه من المطبخ رحت امشي دخلت باوعتلهم البنات متجمعين

-غسق: لك باع منو اجه النايم بكتاب الفيزياء

-ميقات: لك الله حيوو اخووويااا

ضحكت ورحت سحبت كرسي كعدت ورفعت رجليه تربعت عليه اخذت حب شمسي منهن اسلس واكُل..

-حياة: مبروك لأن باجر ترجعن متحررات بعد ماكو امتحانات

-مَلكوت: الله يبارك بيج حبيبتي بس منرتاح ورانه نتائج

-حياة: اهم شي خلصتوا من الدراسة

-جِنار: ايي والله

-مَلكوت: هم صح اني ايدي دا اعاني منها من كثر الكتابة صارت توجعني

-چواهر: ايع السادس كُلشي بيه مو حلو تفكير وقلق وسهر وتعب وبجي وضغط ودراسه وتراكمات وصعوبة وحفظ وفهم حررفيًا اليطلع منه بطل همزين خلصنه واللهِ انتو محاربات وبطلات حاليًا خلصوا من السادس وصفنوا وتذكروا وراح تشوفون شكد عانيتوا بفترة السادس طالب السادس فعلًا انسان عظيم..

-غسق: بالضبط يارب ميضيع تعبنه

-جيهان: ان شاء الله

-حياة: صحيح صحيح كلامج جواهر السادس يدمر

-چواهر: المطي من يحجي هوَ انتِ بعدج مداخلته..

-حياة: يمي معليج اعرف

-ميقات: ههههههههه اوي رفسني

-حياة: علليييج الله؟؟

-ميقات: والله اوف ماما ارفسني بعد خلي احس بيك يروحي

نزلت رجليه وكمت مديت روحي ولزمت بطنها بس كُلشي محسيت..

-مَلكوت: شو مدا احس بيه

-ميقات: اكيد بس اني احس بيه لأن امه وهوَ ابطني

-جيهان: شلج بيها

-ميقات: والله وهسه مدا يرفس ضاج لأن انتو هواي متجمعين ميحب الازدحامات

-جِنار: ايع بس لا يطلع مثل حموضه ميقات وثقتها