فصلية لكن ..

Part 1

اسمي لوزان.. عمري ٢٢ سنه المفروض تكون هاي اخر سنه بالكليه الي بس اهلي بطلوني لمن عبرت السادس بمعدل كلش قوي بس معه ذالك ماقبلو اكمل..

مواصفاتي .. اني طويله طرلي 170 جسمي حلو مو سمين ولا ضعيف ولا مربرب يعني عادي حلو رشيقه الحمد لله ملامحي كلهن صغار خشمي حلكي عيوني .. عندي جفون وعيوني عسليه.. شعري لحد خصري ومايل على الشقار

بالبيت يسموني ام كرون لاني كلش شيطانه وخبيثة وصراحة الوكت هذا كلش محتاج هيج ناس.. عملود يكدرون ياخذون حقهم بالقوة وثقافة ومرونة اللسان.

احب الاشياء الكلاسيكية احب محمود درويش احب مارلين احب القهرة والالوان البنيه احب الهدوء

بس...

كل هل اشياء ماكدرت اشوفها كلها ببيت اهلي
صح جانو مدلليني بس حرموني من الدراسه مع انو هذا مستقبلي وعاجبني ادرس.

عوفونه من التفاصيل بس كل الي اعرفه انو اني بعد اسبوع احروح فصلية لانو اخويه دعم سيارة شيخ

والشيخ مات.

كاعده يم خواتي وديسولن وياي ويكولن راح نشتاقلج يحاولن يضحكني ويسلني ويحششن وياي ويصيحلي ام كرون اني اضحك بس احسهن يردن يبجن لانهن مقهورات عليه

ملاحضة هنه اصغر مني وحده ١٩ والثانيه ٢٠

ختمنه هاي اللمه وحضنتهن حضنه كُلش قوية

طلعت من بيته انداريت عليه بيتنا الي مستحيل انسى طول عمري ويبقى بمخيلتي

صعدت بالسيارة اني وماما وبابا وطول الوقت ماما تبجي وتفرك بايدي وتبوس بيها واني هم
احنه من اهل بغداد والطريق الى كربلاء المقدسة...

وصلنا لبيت الشيخ ب٧ المغرب
طلعت من السيارة وهنا جانت الوداعيه حضنت ابوي كلش قوي وكال الي
راح اشتاقلج يبنيتي
كلش انقهرت ودمعت لمن كال يبنيتي

صراحة ما انتبهت بس اجوي ثنين ولد يعني يطلعون شباب ثلاثينين سلموا على بابا

اني وماما دخلنا للبيت جان كلش حلو وجبير
اول ما دخلنا لكينه نسوان يطلعن بالعشرين وحدة كاعدات ومشغلين قرأن ويوزعون جاي وكعك ومدري شنو بعد