في قبضة الوجعَار

بارت 31

"في قبضة الوجعَار"

بـقلمي: فـاطمة الاسدي

صدفة شفناك ونسينة شلون چنه كثر ما بيها
امان النظرة منك چنه نتمنى مثل عينك وطنة..

لا تنسون التصويت ومتابعة الحساب والتعليق ؏ كل فقرة فضلًا♥️
————————
سديته منها ورجعت اريد اتمدد توني مديت رجليه وسمعت صريخ جميلة ومنتظر عالي جوه شنو رجع نزلت اركض وتصنمت من شفته مخلي ايديه ؏ ركبتها خانكها صحت..

-مريم: منتظرر شصايرر؟؟؟؟

ركضت صرت بينهم ودفعت منتظر عن جميلة الي اختنكت وصارت زرگه..

-مريم: شبييك وياهاااا

-منتظر: انتتتتِ معليييج وخري لا تنكتلين وياها

-مريم: والعباس مااا اوخر حراام عليييك

-منتظر: لا تدافعيلهاااا هالكلبه اليوم اجنزهااا

دفعني ورجعلها عود ركضت منه تبجي جراها من شعرها وانهد عليها بالـ راشديات ركضت اجره عنها وهوَ مفرفح ويصيح

-منتظر: ليش بشنو قصرتت ويااج ليش ليشش؟

-جميلة: اسسفه عليييك الله عوفنيي رااح اموت

-منتظر: اسفه هااا تموتين موو اي ايييي موتي احسن انييي حيوااان و***** وكـ*** من اخذتج ما قصرت وياج بشييي

-جميلة: لااااه اااييييي راسيييي

-مريم: اصخم وجهييي شمسوية وخررر عنهاااا

-منتظر: كلبه بت سطعشش گلببب وانييي گلب من جبتج انعللل ابووج لابو ابوي طاح حظي وحظج چلبه

وخر عنها يلهث بعد مشافها وكعت ؏ الارض ما تحرك لا ايد ولا رجل والدماية ملتها كعد كبالها وجرها من شعرها يحجي بوجها..

-منتظر: منو ياسين؟

صفنت ياسين!؟! .. ما جاوبته مااتكدر تحجي صرخ بوجها حتى تحجي نطقت بكلمات متقطعة..

-جميلة: و والله ماعرفه

-منتظر: لعد شلون رقمه بجهازج وبينكم محادثات وغزل؟

-جميلة: م ما بيهن شي..و والله

-منتظر: احبج واحبك وشوكت تجي تخطبني بعدجج بطول زري وتردين تعرسين ليش بس كليلي ليش تحجين ويا شكد صارلج تعرفينه؟؟  

-جميلة: سبع تشهر..

-مريم: لااااا

صحت من راد يرجع يضربها بس هوَ تراجع من شاف حالتها منتهية وخر عنها وگام يدك ؏ راسه گمت ابجي ؏ حالتهم..

-منتظر: اخخ بويه من وين ما اجيبها واحطها سودة مصخمه ليش جميلة ليش منطيج عيوني حاسبج اختي وبنتي والله اموت عليج واخاف عليج من الاذى ليش سويتي هيج بيه ليش ترحين تحجين وي ولد غريب كلام غزل وتدخلون بعلاقة محرمة ليشش ما اريد اضربج بس تستاهلين كسرتي ظهرري اخخخ منج ولج ليششش بس جاوبيني مافكرتييي بيه ما گلتي هذا رباني ويخاف عليه ومخلي عندي جهاز امانة شلون اخون امانته وثقته الله عليج حتى ما فكرتي هيج ما صرت بين عيونج سبع اشهر بالسر وشايفج اكثر من مرة ما خفتي ما حطيتيلي مكانة شيي ابدد ولا حسبتيلي حساببب من گد ما مدللج گلتي گلشيي ما يسويلي موو ما گلتي اخوي خطيه ليش اكسر ثقته ابدد ما فكرتي ببييه؟؟؟؟؟