في قبضة الوجعَار

بارت 32

"في قبضة الوجعَار"

بـقلمي: فـاطمة الاسدي

احبك من تجي معلعل شحلاتك من تكلي
ولايتي بحضنك واسويلك وطن من ديرة
بضلوعي واگلك نام يمدلل❤️.

لا تنسون التصويت ومتابعة الحساب والتعليق ؏ كل فقرة فضلًا♥️
————————
صار صوت صريخ قوي فزينه اربعتنا گمنه وركضنه طلعنه الصوت جاي من بره البيت طلعنا كُلنا واشوفهم كُلهم متجمعين حول مكان وعياط نسوان وزلم قوي صدمنا....

چان الصوت بره بالشرع طلعنا وما نشوف غير بيت جوارينه محترك نااار وكُل المنطقة ملتمين عليه

والنسوان يلطمن ورجالهم يدكون ؏ راسهم بيتهم بصف بيتنا والنار وصلت لبيتنه غوشت عيوني واني اشوف النار..

تذكرت .. تذكرت ماما شلون حتركت كدامي وتفتر وتصرخ تريد واحد يطفيها والنار تاكل بجسمها صريخ النسوان ذكرني بصريخها

راسي افتر وعيوني بدت تغوش اجتني اختي تكح من الدخان جرتني ودخلتني للبيت بالصالة ركضت ماشا والبنات اليشتغلون بالبيت النا

ميقات حامل واختنكت صاحت بيها ماشا ليش طلعت اجتني انطتني مي واني بس ازرزر بعيوني اباوع لكُل مكان وابلع ريك مرعوبة..

والاصوات بره اجو الاطفاء وطفوهم والعائلة طبت للبيت كعدوا يسولفون وصديق يامان يطحن بالجكارة ويگول..

-منتظر: طركاعه اللفت هذا البيت من اول ما داخلته بس مغامرات وطاح طيح ادري شكو يماااا انتو وين كاعدين بيا زلك؟

-ام يامان: ليش ولك

-منتظر: ما تشوفين الجاي يصير فگر من اول ما اجيت ماكو شي هادئ شلون مرتاحين

-ميسون: شكو تذمر ما عاجبك القصر؟

-منتظر: لا حجية من رخصتج بس لا عبالج كاعدة بقصر النجوم عمي بيت مسحور هذا مابيه ولا حظ

-ميسون: عمى بعينك شبيك انتَ متشوف اني حجية؟؟

-منتظر: اي حجية ورجليج بالگبر تحياتي الكم بس نصيحة اخوي البيت هج منه قبل لا يشمرولك سحر ويخرب بختك وحظك مو راحه وعلي

-چوزيف: البيت ما بيه شي بله لا تسويلك سالفه انتَ الثاني

-منتظر: وانتَ منو دايس ؏ ذيلك ونطيت البيت بيه ك**** زايدة اشوف هيَ كوووة

-يامان: منتظرر

-منتظر: مو ما يصدكون تاج راسي

-يامان: اشش، الجيران خطية يمه اخذيلهم اكل شي اوديه الهم وشوفي شنو محتاجين بعد

-ام يامان: اي هسه امي

-ميسون: عليمن؟

-منتظر: حق الجار ؏ الجار حجية