بارت 34

10.8K 789 250
                                    

"في قبضة الوجعَار"

بـقلمي: فـاطمة الاسدي

كفاكِ يا حسناءُ أن تتزيني فالحُسنُ بالتحسينِ لا يتحسّنُ!

لا تنسون التصويت ومتابعة الحساب والتعليق ؏ كل فقرة فضلًا♥️
————————
لي نعود لعام قديم من الزمن ...
***

-وولك اشمرها شبيك وگفت

-ليش غلطت ؏ حاتم؟

-هوَ گ*** شنو يعني واذا غلطت عليه

-شوف مؤمل حاتم ميت لا تغلط عليه ما اقبل.

-ديله لا تطلع طناكيرك علينه علمود المرحوم اشمر الطوبه خلي نرجع نلعب من جديد

-لا ما اللعب بعد صارت ظهرية راجع للبيت

-اوهو زعل المطي ههههههههههههه

عفست ملامحي ضايج من كلامه وهوَ استمر السفيه يضحك بصوت وأيده ؏ بطنه وأخوه يضحك وياا شمرت طوبتهم وركضت جريته من ياخة قميصه وصحت..

-تاكل نننعلل وما تفشر علييه تره امرع الخلفكك!!

-هدد قميصييي هيوو شبيك تسودنت

-اعتذرر گبلل لا انعلل اليوم النولدتت بيييه

-دروحح بطرراان المجدي

-لااا تكول دروح ولااا تغللللطط انتتَ ناااوي اليوم ؏ موتك موتت عسااك بجهنم ساااقط تفوو علييك

ضربته كلهَ ودفرته مطلته بالكاع هد عليه اخوه دفرني ابطني توجعت بس اني مخبل وهذا جايني اليوم اخبله ويايَ دفعته ونزلت كعدت ؏ اخوه وشبعته راشديات..

اجاني صوت امي تصيح بيه تريدني ادخل للبيت درت باوعتلها شفتها مادة راسها من الباب ولافة ؏ راسها حجاب وعيونها تكت قلق خزرتها وصحت بيها تدخل

رجعت باوعت لهذا الجواي ربيتله وجه جديد بالدم ومستمر يفشر صاحب طلايب ولا يتوب من سوالفه گمت تفلت عليه وشلت جنطتي مال المدرسه ورحت للبيت..

فتحتلي الباب امي الابدة وراه اول ما دخلت انطيتهه خزرة وهيَ انهدت تحجي وتضرب ؏ وجها عفتها ودخلت للصالة شفت حبوبتي كاعدة تسوي كليجة شافت حالتي وگالت..

-ها يمفلوك تعاركت هم مو

مارديت عليها گلبت عيوني ورحت للغرفة رحت وكفت كدام المراية وافتح بدكم قميصي واكيد امي لحكتني تحجي وتبجي

-ليشش تسوي مشااكل ولك يووم ليشش ولك انتَ وحيدي اذا رحت انييي منو الييي منو بس تتعارك عوفهم يحجون عوفهم كم مرة كتلك لا ترد عليهم يردون يضوجونك

في قبضة الوجعَار حيث تعيش القصص. اكتشف الآن