في قبضة الوجعَار

بارت 36

"في قبضة الوجعَار"

بـقلمي: فـاطمة الاسدي

أَتُقالُ فِيك قَصيدَةٌ مَرْمُوقَةٌ
أنت القَصائِدُ؛ مَطْلَعًا، وخِتامَا ✨.

لا تنسون التصويت ومتابعة الحساب والتعليق ؏ كل فقرة فضلًا♥️
————————
بقوا واكفين يسولفون وأنوب كالوا دخلوا قبل لا ادخل سمعت قُرة وعباس يسولفون

-ولك عبوسي دخلت اهوس عند الحسين عن العباس واخته ومحد انطاني وجه لو شايف الفشله الحسيت بيها

-اني سمعتك ومتت ضحك

-سمعتني انتَ؟

-اي

-صارت الفشلة فشلتين

-يله اهم شي الحُسين سمعك هاذهوَ وصلت

ضحكت ودخلت للغرفة رحت للحمام سبحت احس نفسي فطست من الحر ديالى شويه اهون سبحت وطلعت الضوه منطفي عمه فردوس نايمة وجِنار كاعدة ؏ صفحة بس ضوه فونها العاكس ؏ وجهه مبين بالغُرفة..

رحت شغلت واحد من الاضوية مشطت ورجعت طفيته ورحت تمددت ونمت من التعب وما أفز الا ؏ صوت طرقات الباب القوية عمه فردوس وجِنار كعدوا هم

گمنا فتحنا الباب والا محد موجود عمه فردوس بقت تسب بيهم لأن كعدونا من النوم واحنه وياهم خلينه ببالنا صوت اطفال الناس بالغرف المقابيلنا همَ الي دكوا الباب وشردوا

رجعنا نمنا ورجع اندك الباب بس بطرق خفيف عمه فردوس طلعت نومتها من خشمها كامت بسرعة ركض فتحت الباب وتصيح..

-فردوس: ولكمم مچاليبب والله لو اللزمكم الا اشرب من دمكم چلاب خلوونه ناكل خر* واناام من خر* بيكم

-ملكوت: حموتتت هههههه

-جِنار: عزه بعيني ماااماا فضحتينه

-فردوس: اي متشوفيهم ميخلونه انام

-جِنار: عزه بعيني لعد هيجي ادُخلي ادُخلي

دخلت عمه فردوس وسدت الباب وگالت..

-فردوس: والله اذا دكوا الباب هالمرة اروح لغرف اهلهم واللعب بيهم طوبه

رجعنه تمددنا مرت دقايق وعيوني تغمض من النعاس ؏ وشك النوم واندك الباب، فزينه كامت عمه فردوس شالت نعالها وفتحت الباب وتصييح بصوت عااليي..

-فردوس: يا اطفال الجااايفة وخروا عنننه خلناااام

-جِنار: اطفال الجايفة مرة وحدة ولج ماماا وتالي وياج!

-فردوس: انتِ الج السكتة مدتشوفين كُل مغمضت عيني اندك الباب ما عجبتهم غرفة غير غرفتنه يدكون بابها كُل شويه

-مَلكوت: رجعي نامي عمه هالمرة ميرجعون

-فردوس: لا ما انام راح ابقى واكفة وره الباب حتى بس يندك افتحه واكمش اليدكه انعل والدي والديه ال... استغفرالله ولد اللذينا هسه يخلوني احجي حجاية شكبرهه