في قبضة الوجعَار

بارت 38

"في قبضة الوجعَار"

بـقلمي: فـاطمة الاسدي

وجهْك ينباس ما يوفي اله غزل 💚.

لا تنسون التصويت ومتابعة الحساب والتعليق ؏ كل فقرة فضلًا🌱
————————
بعدني ؏ الدرج اريد اخطي خطوة وما احس الا بشخص يدفعني صيحت بصوت ووكعت

اتدهرب باية باية لحد ما استقريت بالباية الاخيرة حسيت بوجع براسي وظهري قوي لدرجة متحملته غمضت عيوني وحل السواد غاب الضوه وفقدت الوعي..

احس وجع براسي وجسمي بأكمله فتحت عيوني شوي شوي واستقبلني سكف الغرفة والضوة الابيض عفست ملامحي بألم منه ونطقت كم كلمة بصعوبة..

-ملكوت: اني وين

-يامان: بالمستشفى حبيبتي جاي تتوجعين؟

-مَلكوت: اممم ايي ليش بالمستشفى؟

-يامان: وكعتي من الدرج بس ما بيج شي لاتخافين

-مَلكوت: يامان واحد دفعني موكعت وحدي

-يامان: ادري اشك** ** الج

-مَلكوت: اكو آلم براسي وجسمي قوي

-يامان: اي تأذيتي واكو كسور خفيفة وجرح بحاجبج بس عدت ؏ خير ارتاحي

غمضت عيوني ورجعت حجيت بهدوء..

-مَلكوت: خلي نرجع للبيت

-يامان: اي نطلع هسه راجعلج

بقيت مغمضة وساكتة وهوَ كام طلع شويه ورجع راد يحملني ومنعته

-يامان: انتِ متأذية واني زوجج وين المشكلة؟؟

-مَلكوت: لا احنه بمكان عام اكدر امشي بس اللزمني دا احس بخمول

ماحجَه شي اجه لزم ايدي وساعدني اكوم طلعنا وأخذني بالسيارة وطول الطريق هادئ واعرف وره هذا الهدوء عاصفة بس اللتزمت الصمت..

وصلنا واجه مشاني للبيت جانت عمتي ام زوجي كاعدة بالحديقة شافتنه فورًا اجتنه بسرعة عيونها مملوئة قلق

-هاا يمه شلون صرتي سودة عليه عليج حبيبتي شكالت المستشفى يامان شبيها متأذية امييي؟؟

-يامان: ها عيني صبر الله يخليج النا

-ام يامان: احجي يمه خلص گلبي من الخوف

-اهدي عمة اني زينة لتخافين

-حبيبة گلبي صدك سودة بوجهي يا عليه عليج