تبدا القصه قبل مايروحون الشاليه
عمه ريم تصحي ترف وريم : بنات يلا قومو تجهزو باقي ساعتين ونروح الشاليه!
ترف : اف يمه وش فيه
ريم : سمي ياعمه ابشري الحين اقوم
عمه ريم : ترف خليس زي ريم سنعه !وبعدييين ولا تقول لهم اف ولا تنهرهم!
ترف : طيب يمه آسفه خلاص بتجهز
راحت ريم الحمام (يكرم القارئ) خذت شور وسوت شعرها ويفي ولبست فستان احمر يجنن (اضغطو فوق بتشوفون صورته) وحطت ميكب خفيف
ترف جلست نص ساعه ترتب الغرفه وتتافاف وهي مقهوره من ريم
وراحت تلبس وخلصت
عم ريم : ها يبنات خلصتو
ريم : اي ياعمي انا خلصت
عم ريم : ماشاءالله تبارك الله كل هلكشخه
ريم : شدعوه يعمي لعيون البنات
عم ريم بضحكه : الله يحفظك انزلي لعمتك تعطيس بخور
ريم : ابشر ياعمي
عمه ريم : ياماشاءالله حصني نفسس تكفين
ريم : ابشري من عيوني
عمه ريم : تبخري ياقلبي
ريم بابتسامه خفيفه : شكرا ياعمه
ترف درعمت عليهم : شرايكم بكشختيييي
ريم : وه وه تهههبلييين يقلبي
ترف شمقت وسالت امها : مامي شرايس
عمه ريم : تهبلين تهبلين تعالي ساعديني
ترف : يمه كل هالكشخه واجي اساعدك !
عمه ريم : امشي بس
ريم : عمه انا بساعدس
عمه ريم : سنعه تعالي
ريم فصخت كعبها وراحت لعمتها : سمي
عمه ريم : شيلي القرصان والصحون حطيها بشنطه الكبيره حقت العفش عشان يجي ابراهيم يشيلها
ريم : اي صح ياعمه وين هيمو ماشفته مختفي
عمه ريم : والله شكله مع عمس راح الشاليه
ريم : بروح ادق عليه واشوف
عمه ريم : تمام
ريم : الو هيمو
هيمو : الو يعيونه
ريم : وينك!
هيمو : شدعوه مع عمي بالشاليه
ريم : شلت اغراضك؟
هيمو : الصدق لا
ريم : يوه ليه!
هيمو : شلت مع عمي الذبيحه ولا طقيت خبر لغراضي
ريم : خلاص بجيب لك ملابس
هيمو : كفو وخيتي حطيها بشنطتي السوداء
ريم : ابشر من عيوني انت
راحت ريم تدخل اغراض اخوها ولقت بدرج اخوها كلام قرته
مكتوب
...(اقسم ان لايزال قلبي يتوهم وفاتكم ي ابي وامي وينام ويستيقظ على امل انك ستعود ذات يوم)...
صاحت ريم بشكل هستيري
ولقت ابراهيم اخوها (هيمو) مدرعم عليها وجاي ياخذهم هو وعمه
ومانتبهت له وجلست تصيح بشكل هستري
شافها ابراهيم وراح لها حضنها : ليييه ياقلب اخوك
شاف الورقه بيدها
هيمو كان ماسك الصيحه عشان لا يصيح قدام اخته
وحضنها بقوه وقال : انا بكون لك الاب والام وكل شيء بس تكفين ياقلبي لاتصيحين
ريم وهي تصيح: اشتقت لبابا وماما
هيمو : حتى انا ياقلبي بس راحو للي ارحم مني ومنك
ريم : تكفى لاتروح وتخليني زيهم
هيمو : انا معك ومستحيل اتركك احبك ياريمي والله احبك وماقدر اتخلى عنك
هيمو دغدغها عشان تضحك
ريم تضحك وتبكي بنفس الوقت
هيمو بغصه : يلا ياقلبي جهزي اغراضس والبسي عبايتس والحقيني تحت عشان عمي ينتضرنا
ريم : ابشر يابابا
هيمو بضحكه : ياقلب البابا (وباس راسها)
راحت ريم تعدل الميكب حقها ولبست عبايتها ونزلت
ووصلو الشاليه
وبدو يرتبون
..................
ام نواف : محمد بروح اصحي العيال ماصحو الله يهديهم
ابو نواف : صحيهم ورانا شاليه وطلعه طويله
ام نواف : نواف!
نواف بهمس : همممممم
ام نواف : قم تاخرنا بنروح الشاليه
نواف قمز ابراهيم موجود؟
ام نواف تضحك : اي اي موجود وجدك وجدتك وال سالم بيجون بعد وشتبي اكثر من كذا
نواف : اهم شيء هيمو موجود
ام نواف : البس الله يهديك بنزل ازهب البخور
نواف لبس ثوبه وتعطر وسوا شعره ولبس ساعته وخاتمه ونزل يتبخر
ام نواف : ماشاءالله حصن نفسك ياوليدي
نواف وهو يتبخر : ابشري ياميمتي
هيام : هيي ليه ماصحيتوني
نواف فاطس على شكلها ويضحك
ام نواف بضحك : والله صحيتس بس انس صمخه ماتسمعين
هيام : مايضحك ياورع بروح البس عاد
هيام راحت تلبسه وحطت ميكب بسيط وكيوت ولبست فستان ازرق بدون اكمام من فوق ماسك على الجسم ومن تحت منفوش وطويل تقريبا تحت الركبه بشوي وسوت شعرها ويفي من تحت ولبست كعب ابيض
نواف : ابك ابك ابك كل هالكشخه لمين
هيام : للبنات وبالاخص ريمتي
نواف : من ذي بعد
هيام : ياحمار ريم بنت عمك
نواف ودقات قلبه تتسارع بس مو عارف ليه : اييه زين
هيام : يلا مشينا
...
الجد والجده وصلو من زمان
...
تركي وعياله غسّان وريّان وزوجته وصلو برضو
...
مابقى الا ال سالم بطريق
...
وعلى دخلت هيام الشاليه شافت ريم وراحت تحضنها
هيام : وحشتيييينييييييي
ريم : ااعاااااا ياكلببههه فغصتينيييي
هيام : ياحيوانه من حقي اشتاق من زمان عننسسسسس
ريم حضنتها
هيام مسكت يدها وراحو يتمشون
ريم بحزن : تصدقين ودي افهم ليه ترف كل ماشافتني سحبت علي شسويت لها كرهتني بحياتي
هيام : تغار منس لانس احلى منها وكلس جمال واناقه وتهبلين تزعلين نفسس عشان وحده مريضه زيها تحاول تخرب حياتس؟
ريم : ياخي احبك واحب مواستس لييي
هيام : لبى قلبس البنات جو تعالي نفتح
...
عند الرجال
الجد يرحب ب ابو نواف وولده نواف
الجد : ياهلا بوليدي وحفيدي
نواف : هلا فيك ياجدي
ابو نواف : هلا فيك يالغلا
الجد : ماشاءالله يانواف متى كبرت
نواف بضحكه خفيفه : الايام تمشي بسرعه ياجدي
الجد : وانا اقول ليه عجزت بدري
نواف بضحكه : شفت ياجدي!
ابو نواف غمز : تراك بزهرة شبابك
نواف فطس على ذبت ابوه
الجد عطى نواف بظهره ضربه عشان يعقل
نواف وهو يمسك ظهره يقول : اسف ياجدي
دخل ابراهيم وسلم
نواف راح طيران وطير جزمته وحضن هيمو
نواف : ياواحشنيييي
هيمو : اكثثثر ياحبيييي
نواف : ياخي من زمان عنك
هيمو باسه بخده وباس خشمه : لبى روحك يشيخ
نواف سوا نفسه طاح على الارض : ذبت ياولد
ابو نواف وابراهيم فاطسين ضحك
والجد قام هبد نواف : ياقليل الادب زوجتك هي اذلف
ابراهيم ابشر وهج هو ونواف
نواف اخذ جزمته ونحش
البارت قصير بس بعوضكم ببارت طويل وفي احداث كثيييره😉⭐️
