شمه : كالعاده رحت انام واني اشوف الضل الينبعث من الشباك ضحكت
..... "تريد تخبلني انته"
ماحجه شي رجعت گلت
"ماخليت شيخ مارحتله ماخليت دكتور نفسي مارحتله هم مليت"
سكتت لوهله من الوقت و بعدين گلت
"زين ليش من يجون سادة تختفي ليش بس اني اشوفك من اجيب اهلي ليش تختفي"
سكتت واني افكر ليش محد يشوفه غيري ليش ليش من اجيب امي لو ابوي يختفي اندك الشباك تجمدت بمكاني بس الفضول شدني فتحت البرده لكيت كلام عالشباك
...: تكدر تحجين ويايه التريدينه اعتبريني انسان تحجيله عن يومج و عن البگلبج اذا تريديني ارجع سدي البرده
شمه : سديتها
"ليش ماتحجي ويايه اريد اسمع صوتك صدگني شگد ماجان مخيف ماراح اخاف اتعودت"
"اوف ملل مگدر انام"
"تدري اليوم رحنه لبيت عمه نهال ردت اسولف لنجود بس امي حذرتني گالت يگولون عنج مجنونه و خفت و سكتت "
"بس تعودت حتى راح ابطل اگول لاهلي عنك اگوللهم ماشوفه بعد اخليك سر الي"
"انته اخرس متحجي لو متگدر لو ماگدر اسمع صوتك"
ضليت احجي وياه كلما اتذكر حجايه سكتت هالمره شويه و بعدها حجيت
"تعودت على وجودك ماعدت اخاف مثل الطفوله"
سكتت شويه و خطر ابالي هالسؤال
"من جنت صغيره اشوف شكلك اقل حجم انتو هم تكبرون مثلنا"
سكتت و ضحكت
"صرت مخبله احجي ويه روحي"
"سؤال ليش الفجر تختفي من ياذن تختفي"
"زين اكتبه عالشباك و من تكمل دگ الشباك و اني اشوف"
بعد فترة اندگ الشباك و رحت شفت
...: يصير موعد رحيلي
شمه : ليش تختفي بايام معينه
"اكتب والله سديت البردة"
بعدني مو مكمله و اندگ الشباك
... : ماگدر اجي بهالايام مجبر
شمه : رجعت لفراشي بقيت افكر حتى نمت گعدت الصبح بدلت و رحت للمدرسه باجر نروح سفرة مدرسيه و الفرح عاميني لان ماعمري رحت سفرة مدرسيه بس هالمرا اهلي اهتدو
ازهار : شتلبسين شمه
شمه : مامقرره بعد
ازهار : اني مقرره البس بنطلون و قميص مرتب لان اخاف اصعد و يبين رجليه
شمه : لا البسي ستريج جواهن مو اله بنطلون
ازهار : هههه شبيج بنطلون عريض
YOU ARE READING
ضل النافذة
Science Fictionبحق الله من وراء الشباك هل هو جان ام انسان ام شيطان هل هو تابعه ام لعبه ام لعنه هذا انا اللعنه و اللعنه على حبك فأنه جنون و عاشقك مهوس ملعون
