نيران الغياث

_مقدمة.

_ بسم الله الرحمـٰن الرحيم به نبدأ وبه نستعين_

تم البدء... في يوم: 31 في الشهر:12 في سنة: 2023...  تم بدأ الرواية في اليوم الاهير من سنة.. 2023.. الساعة 11:20..
**

الحياةُ لاتقفُ على شيءٍ واحد، ولن تستمر الحياة علىٰ شيء واحد فعندَ فقدگَ لذلك الشي لاتحزَن لانگَ تستطيع الإستمرار بدونه، وعندا تمتلكُ شيءٌ في هذه  الدنيا لاتفرح طويلاً لانكَ ستفقده..  مهما كانتِ الحياة التي تعيشها ومهما كانت دنياگ تذكر انها مجرد الحياة الدنيا...

لا احد في هذه الحياة الدنيا سيعيش تلك الحياة المكتمله التي يسعىٰ اليها.. كلهم عانوا في دنياهم لأجل آخرتهم، حتى نبينا الاكرم فأنا وأنت نعلم كم عانى في حياته..  لم يكن نبينا يعيش الحياة المثاليه ولكنه كان يتمتع بالكمال النفسي الذي يرضيه......

في تلكَ القصص والحكايات تبدأ البدايه ببدايه تعيسه وماضٍ تعيس ونهايةٍ فرحه وسعيدةٍ او العگس او كلاهما تعيس..  لقد تعددت قصص ابناء العراق وبناته ولابد انكم قرئتم الكثير  والكثير  واستكشفتم المثير وتعلمتم المفيد..

في خلاف ذلك ساروي لكم قصةً لاحدِ ابناء وطنِ العراقِ وبناته..  فاستمعوا ولتنطلق رحلتنا"

"نيران الغياث..." _الكاتبه رنيم آل صالح "

____*______
مقتطف:-

نايمه  وبسابع حلم ولو يجي دينصور فوك راسي ما أكعد، بس الالحاح يخلي روح الواحد تطگ، وخصوصا من تلفوني دك اكثر من مره.

بلكوه فتحت عيوني الملزكات من النوم وباوعت للشاشه  اسمه هالكبره مكتوب بي، وقبل لا اجاوب شفت الساعه..  ب 11:30...  فركت عيوني والغيت الاتصال وكمت من الفراش.

لأن آني مانايمه بوحدي نايمه يم فاطمه ورسل، فتحت الباب ع كيف بعد ماحطيت ع راسي شال، وفتحت تلفوني.

شفته دازلي اكثر من مسج واكثر من رساله..

: فتحيلي الباب بره آني..

:  بت الورده طكت روحي..

: وينج..؟  نايمه.. ادري نعجه نايمه من وكت..

: جدي حاطله باب بطول عمود الكهرباء الحرامي اليشوفه يبطل يبوك..

اقراهن على كيفي وحده وحده وهوه مستمر يدز، استغفرت ربي ورحت فتحت باب المطبخ ع كيف وطلعت ليبره الجو بارد شويه،  مشيت بخطوات بطيئه بعدني عبارك نايمه ، وبوكتها شفت ضوه يم الباب عرفته ضوه تلفونه..

فتحت القفل وطلع بوجهي، خده الأيسر من فوك ليجوه مدماي، لحظتها ماستوعبت ششفت، عيوني فكيتهن وضليت مركزه  عله وجهه..

: شـ.. شـ.. صاير بـيك؟

بالكوه حجيت وآني بس اشوف دم كبل تروح روحي،.. جان هوه وجهه جامد ومابي اي تعابير صحيح غيث  شخص شقاوجي بس الله لايراويكم وجهه من يعصب، من يكون هادئ كل الي بالبيت تاخذ ميانه وياه بس من يجي كالب وجهه محد يحاجيه يخافون منه ..

:  شو سويلي مجال خل افوت

ضليت فاكه حلكي اذا اجت بيبي لو امه وشافت وجهه يتخبلن، رجعت سالته متعجبه.

: شصاير مو داحجي وياك..

طب ليجوه وشمر عليهه علاگه بيها اربع جياسه اندومي، وقفل الباب وكام يمشي بهدوء للبيت واني امشي وراه وحجه..

:  هاچ بت الورد يعني تخيلي  بهاي حالتي ورحت جبتلچ اندومي...

مقتطف:-

طبيت للغرفه كارهه روحي ريحتي كلهه ريحة سمچ جنت انضف وياهن سمچ، مو بيت جدي ينقصون من ماياكلون سمج يوم الجمعه.

طلعتلي هدوم من الخانه حته اطب اسبح بس صارت مداهمه عالغرفه، نزيت ودرت وجهي مرعوبه.

شفته واكف بطوله وعلى وجهه هذيج الابتسامه الشريره الحقيره اصفر وجهي وانخطف لوني.

ايده شايل بيها كشور سمچ يباوعلي بخباثه ويضحك. بلعمت ولزكت  ويه الكنتور نسيت شلون احجي حته..

: اطلع بره لا الم البيت عليكك..

:  شبييجججج...

: اطلع بره غيث ، اصلا عادي كلي ريحة زفر هسه اسبح .

: هاا؟يعني اذبهن عليچ..

:  إ... إي..

لطشت بالكنتور وهوه صار يتقدم وآني وجهي صار ازرك احمر.. روحي تلعب، اذا  ذبهن اتقيأ عليه...

***
مقتطفات من حكايتنا..........

رنيم آل صالح..