لا أمان

اقتباس

الزوج : ايه رايك نوضب الشقه دى واغيرلك المطبخ زى ماكان نفسك فيه
الزوجه: ايه ده بجد
الزوج: اه منا عاملك مفاجأة وقولت اوضببك الشقه بقالنا ٨ سنين من ساعت ماتجوزنا معملناش فيها حاجه
الزوجه: طيب وهتجيب الفلوس منين
الزوج : عامل جمعيه وقبضتها هوضب بيها امال انا كنت مقشفها عليكوا ليه
الزوجه: ربنا يباركلنا في عمرك هتبدا توضيب من امته
الزوج : بكره الصبح لمى هدومك وهدوم ابنك وروحى اقعدى عند امك شهر كده ولا حاجه على ماخلص توضيب
الزوجه: طيب مش هتسالنى انا عايزه اوضب ايه
الزوج : اه طبعا قوليلي عايزه تعملى ايه
قالتله الزوجه ببراءة كل اللى عايزة تجدده في الشقه
الزوج : طيب كده الميزانية هتخرم
الزوجه: خد يا حبيبي الغوشتين دول ابويا كان جايبهملى هديه قبل جوازى بيعهم وكمل توضيب احنا بنوضب كام مره داحنا حتى ساعت ماتجوزنا ماوضبناش عشان ماكنش معاك فلوس
الزوج: عندك حق خلاص ياستى بكره باذن الله تاخدى هدومك وحاجتك وتاخديلى معاكى غيارين وتروحى تقعدى عند امك لحد ما اخلص توضيب
تانى يوم راحت الزوجة الغلبانه لامها وهى فرحانه ان جوزها بيجددلها بيتها اللى حيطانه شققت
تانى يوم الزوج جاب الناس اللى بتوضب وكان معاهم واحده
المجهوله: بقولك يا حبيبي قوضه النوم عايزاها فانيلا لاتيه
الزوج: ايه اللون ده
المجهوله: ده لون نازل جديد حلو اوى الصانيعى عارفه بص اقولك ياسطى خلى الشقه كلها فانيلا لاتيه
فضلا المجهوله تقول طلباتها في الشقه والالوان اللى عايزاها
الزوج : خلصتى كده يا حبيبتي
المجهوله: اه تعالى بقى ننقى العفش
الزوج نزل معاها واختار كل اللى شاورت عليه وجابهولها
الزوج : كده خلاص جبتلك اللى عايزاه كله صح
المجهوله: اه يا حبيبي كده خلاص انا راضيه عندك
الزوج : اول ما الشقه تخلص نتجوز على طول
المجهوله: اكيد طبعا يلا بقى تعالى نتغدى وبعد كده وصلنى
اتصل الزوج على الزوجة القديمة وطلب منها تستلفله فلوس من امها عشان فلوسه خلصت
اقتباس من الروايه الجديد هو