မဖြစ်ရပါဘူး။ ဒီလိုမျိုးရည်ရွယ်ပြီး အကူအညီတောင်းတာ လက်ခံခဲ့ပေမယ့် အခုတော့ လုံးဝလုံးဝကို ကန့်ကွက်တယ်။
'ဘုန်း ဘုန်း ဘုန်း'
တံခါးကို သော့ပိတ်ပြီး အထဲက တဘုန်းဘုန်းထုပြီး အော်နေတဲ့ ငှက်ဆိုးထိုးသံကိုလည်း လစ်လျူရှုထားလိုက်ပြီး သူ့ဆိုင်ကယ်ကို စက်နှိုးပြီး အမြန် မောင်းထွက်ခဲ့လိုက်တယ်။ မိုင်ကုန်မောင်းလာတာကြောင့် တိုက်တိုက်ဆိုင်ဆိုင် ဒီနေ့မှ ရပ်ကွက်ထဲ ယာဉ်စည်းကမ်းလမ်းစည်းကမ်း ဟောပြောရေးလုပ်နေတဲ့ ပွဲရှေ့က ဆိုင်းဘုတ်ကိုဝင်ကြုံးခဲ့တာမို့ အရန်စောင့်နေတဲ့ ယာဉ်ထိန်းရဲက ချက်ချင်းကို သူ့နောက်က သံစုံမြည်ကာ စိန်ပြေးလိုက်တမ်းကစားသလို လိုက်လာခဲ့တော့တယ်။
'ငနာလေး ရှေ့မှာ ချက်ချင်းရပ်လိုက်စမ်း'
' မရပ်ဘူးလား။ မင်းတော့ ဂျေးအောင်းရပြီသာမှတ်'
အပြင်ပန်းမှာ တည်တည်ငြိမ်ငြိမ် နဲ့ မြန်နှုန်းမြင့် မောင်းနေပေမယ့် လောလောဆယ် သူရင်ဘတ်ထဲမှာတော့ ဖော်မြူလာဝမ်းကွင်းမှာ အပတ်တစ်ရာလောက် မရပ်မနား ပတ်မောင်းထားတဲ့ ကားလိုပဲ ဗလောင်ဆူနေပြီ။
ဒီလို ဂယောက်ဂယက်တွေဖြစ်နေရတဲ့ အကြောင်းရင်းအစကို ပြန်ပြောရမယ်ဆိုရင်တော့ သူတို့အိမ်ရှေ့ကို အဖြူရောင်အိမ်ပြောင်းရွှေ့ယာဉ်တစ်စီး ဆိုက်ရောက်လာတာကနေ အစချီပြောရလိမ့်မယ်။
'ကျွီ'
အိမ်ရှေ့မှ ကားရပ်သံကြောင့် ရန်ဖြစ်ထား၍ အမေ့တစ်ချက်လွှတ် အမိန့်နဲ့ အိမ်ရှေ့မှ ပန်းခင်းကို ရေလောင်းပေါင်းသင်နေရသည့် မိမိတို့ မောင်နှမနှစ်ယောက်လုံး ချက်ချင်းပဲ လည်တဆန့်ဆန့်ဖြစ်ကုန်တယ်။
' ဟဲ့ အိမ်ရှေ့အိမ်ကို လူသစ်တွေ ပြောင်းလာတာ ထင်တယ်နော်'
' အင်း ဟုတ်မှာပေါ့'
လက်အိတ်စွပ်မထားပဲ မြက်ထိုင်နှုတ်နေတာမို့ လက်ညှိုးနဲ့လက်မကြား အသားနုကို ရှသွားသည့် ခံစားချက်ကြောင့် လက်ဖြန့်ကြည့်ရင်းဘေးမှ အစ်မပြောစကားကို ပျင်းရိပျင်းတွဲပြန်ဖြေလိုက်တယ်။
YOU ARE READING
Strawberry Kisses💋
Fanfictionတစ္ဆေသရဲက ကြောက်ဖို့ကောင်းတယ်လို့ ဘယ်သူပြောလဲ။ သရဲအိမ်ထဲက ရုပ်ဆိုးဆိုး သရုပ်ဆောင်တွေထက် သူ့လက်မောင်းကိုမလွှတ်တမ်း ဖက်တွယ်ထားတဲ့ နုနုနယ်နယ် ကလေးမျက်နှာလေးနဲ့ ကောင်လေးက ပိုကြောက်ဖို့ကောင်းတယ်ဆိုတာ မင်းတို့ မသိသေးပါဘူး။