Won't Say I'm In Love (BxB, SHORT STORY/COMPLETED)

Kabanata 16

KABANATA 16

ㅤㅤㅤㅤKUMUNOT ANG noo ni Aaron noong makita niya sa labas ng faculty nila si Josiah, nakasandal sa railings at tila ba may hinihintay pero naisip niyang baka naisipan lamang nitong tumambay sa harap ng faculty nila kaya naisip niyang huwag na kausapin ang isang iyan.

He was supposed to ignore him but Josiah noticed that he was approaching and turned in his direction. Aaron inwardly groaned when the man fixed his posture and seemed to get surprised when he saw him returning to the faculty. Tapos ayun, hindi nagtagal ay nilapitan nga siya ng binate at tila ba nagmamadali na kausapin siya.

“Wala ka bang klase ngayon?” tanong niya kay Josiah matapos nilang magtanguan.

Umiling ang binata. “Kanina pang alas diyes ang last class ko. Iyong susunod sana mamayang hapon e kaso ‘di ba, may event sila mamaya?”

“Ah, oo nga pala. Late ba ‘ko natapos kaya sinusundo mo ‘ko?”

“Hindi naman ako sinabihan na sunduin kayong lahat. Wala sa job description ko bilang representative natin ‘yan.” Kinamot ni Josiah ang pisngi bago siya nito minuwestrahan na sa may railings sila mag-usap nang hindi marinig ng mga nasa loob ng faculty ang pag-uusapan nila. “Ikaw lang talaga iyong pakay ko kasi may sasabihin sana ako sa ‘yo.”

Naniningkit ang mga mata ni Aaron na sinundan ng tingin si Josiah bago siya bumuntong hininga at sumunod dito. The second he was standing beside him, Aaron heard Josiah take a deep breath.

“Sigurado akong nakita mo na iyong relationship status ni Easton, ‘di ba?” panimula ni Josiah at hindi naiwasan ni Aaron ang mahinang matawa.

Tinaasan niya ito ng isang kilay. “Napano naman ‘yon? ‘Wag mo sabihing naba-bother ka na ‘di ikaw iyong naging boyfriend ni Easton?”

“H-huh?! ‘Di iyon, ano! Baka nakakalimutan mong ni-reject niya na ako dahil sa ‘yo?!”

Aaron’s eyes widened and he quickly covered Josiah’s mouth. “Shh! Shh! Ba’t mo ba pinagsisigawan ‘yan?!”

Pinilit alisin ni Josiah ang kamay niya sa bibig nito at nagtagumpay. “O ba’t mo naman tinatago?! Alam naman yata ng halos sa ‘tin na gustung-gusto ka ni Easton. ‘Di ba nga pinuntahan ka pa rito para suyuin?!”

“Suyu—suyuin!” namamangha niyang pag-uulit sa salitang tumatak sa kanya mula sa sinabi ni Josiah.

Parang ang sarap busalan ng bibig nito.

Humigop ng malalim na hininga si Aaron para ikalma ang sarili. Kahit nakaka-tempt busalan ng bibig si Josiah, kailangan pa ring may delikadesa siya ngayon dahil nasa eskwelahan pa sila’t may mga estudyante pa siyang bumisita sa co-op niya para magpasa ng special project.

“Pero ‘di ka ba nagtataka? Parang nitong nakaraan ka lang binisita ni Easton tapos biglang naka-in a relationship na siya sa iba…? Ni-reject mo ba siya?” pag-uusisa ni Josiah.

Nag-iwas lamang ng tingin si Aaron at nagkibit balikat. “Alam mo, kung anong ganap ni Easton sa buhay, wala na tayo ro’n. E kung gusto niyang mag-boyfriend ng iba, kanya na ‘yon. Ba’t ba kasi takang-taka ka riyan e ‘di naman habang buhay iikot mundo no’n sa iisang tao?”

“Kung sa bagay, may punto ka…”

“Iyon lang ba kailangan nating pag-usapan? Pahingang-pahinga na ‘ko kasi siguradong tayo na naman mag-aarrange ng mga uupuan ng mga bata mamaya.”