ئەمڕۆ زۆرم لەخۆم کرد بەڵام کارم پێ نەئەکرا
تاقەت و حەوسەڵەی دانیشتن لەسەر ئەم کورسیە ساردەم نەبووھەر بیرم لای دەنگە دڵڕفێنەی ئەو کوڕە بوو ، مێشکم لای ئاوازی ڕوخسار و دەنگەژێکانی بوو کە تێکەڵ بەیەکتر بوبون و منیان گیرۆدەی خۆیان کردبوو
چاویشم لەسەر کاتژمێرەکە لانەدەبرد بێ ئۆقرە بۆ ھاتنی ئێوارە و دووبارە بچمەوە ئەو کافتریایە ، بەھیوای ئەوەی دووبارە لەوێ گۆرانیم بۆ بچڕێ
نازانم بۆچی ھەستم ئەکرد ئەو وشانە بۆمن دەرئەبڕێ ، وەک ئەوە وابوو دەربارەی ھەموو ژیانم ئاگادار بێ و بە وشەکانی وەسفیان بکات
ڕۆشتمە دەرەوە لە ژوورەکەم و سکرتێرەکەم وەک ھەموو جارێک چاوەڕێی دەمی من بوو تا بزانێ شۆفێرم پێویستە یا نا بەڵام ھیچم نەوت و ئەوم تێپەڕاند
ڕۆشتمە دەرەوەی بیناکە و چوومە سەر شەقامەکە بەو جلە گرانبەھایانەوە دەستم لە تاکسی ڕائەگرت ، ھھ چەندە سەرسامکەرە ، من ھەمیشە کارە چاوەڕواننەکراوەکانی خۆم سەرسامم ئەکەن ، ئیتر نازانم بۆچی بەردەوام گلەیی لە بەڕێز بایام ئەکەم کاتێ بەم ھەڵسوکەوتانەم شۆک و توڕە ئەبێ
تاکسیێکم ڕاگرت و ڕۆشتم بۆ کافتریاکە ، نازانم بۆچی ھاتووم بۆ ئێرە و لەخۆم تێناگەم ، بەڵام وا ھەست ئەکەم تاکە شوێنە تێیدا بەڕاستی تامی ژیانم کردبێ و بمەوێ دووبارەی کەمەوە
وەک مناڵێکی بچوک کاتێ بۆ یەکەم جار شیرینیێکی پێ ئەدەیت و دووبارە و دووبارە داوای ئەکات و لێی تێر نابێ
ڕۆشتمە ئەوێ و یەکسەر خۆم کرد بەلای کاشێرەکە
_" سڵاو "+" سڵاو بەڕێزم بەخێر بێن "
_" سوپاس ، ببورە من پرسیارێکم ھەبوو ، ئەو تیمەی دوێنێ ئێوارە لێرە لایڤ میوزیکیان کرد ئەمشەویش دێنەوە ؟ "
+" ئەوان دوێنێ بە خۆڕایی گۆرانیان پێشکەش کرد ، بەناوبانگ نین و تازە کارن ، بەڕێوبەرەکە بەدڵی نەبوو بۆیە چیتر لێرە دەرناکەون "
![](https://img.wattpad.com/cover/359538424-288-k583025.jpg)
YOU ARE READING
بێ خەوش
Romanceئالیسنت بۆ ئەوەی میراتەکەی باوکی وەربگرێ و ببێ بە سەرۆکی کۆمپانیای ڕیچارد دەبێ کۆتا وەسیەتی باوکی بەدی بھێنێ وەسیەتەکەی باوکی چیە ؟ ئایا دەتوانێ میراتەکەی وەرگرێ و ببێ بە سەرۆک ؟ ✍️ writer / lady__olivia دەسپێک - 6/2/2024 ژانەر / ڕۆمانسی یەکەم چیڕ...